Jon 18:32 - Nobonob Baibel

³² Ag nai amu appig amu Jesus Nug kobol aɗippa mauhkkunu aum ele, nuhig nai amu meu oum.

Jon 18:32 ပူးပေါင်းရင်းမြစ်များ

Sam 22:16

Kekeɗ dahil ag qai ameg laa bia, ag da taliliɗppig daatteb. Yo, nau hak danab ameg laa, ag da taliliɗna daatteb. Laion danab beɗu emale nauhtte, amubia ag da eppel, bael ele heeg nauhppig.

Matyu 20:19

ag iitta aɗi eppelagppa meiɗkkulag. Meiɗppeg, ag aon aon iuna, bu qaun eleppa eheɗ mataɗilna, ad emaitakppa atuliɗkkulag. Ag anam atuliɗppeg mauhe, deɗ ewamppa, Kayak heeb, da eɗuen hippaidkkul,” awa aum.

Matyu 26:2

“Ag dootteb, deɗ aɗit uueb, Pasowanu Hobulnu ee lanaknu haen ana bekku amu ag Danab Bekkalag da kekeɗ eppelagppa meiɗna, ag ad emaitakppa atuliɗkkulag,” awa aum.

Mak 10:33

“Doyeg! Ig gemu iikku Jerusalem gottem. Gopput, laa nug Danab Bekkalag da, mana mettak danab okkai amu ɗo mehuqak danab ele ag eppelagppa meiɗeb, ag da hettoɗiakppa meiɗna, iuppeg mauhkkulnu nai qakkana, ag da iitta aɗi eppelagppa meiɗkkulag.

Jon 10:31

Jesus anam a amu Juda ag baula men aon, makkuɗppeg mauhkkunu heppig.

Jon 10:33

Jesus anam a amu Juda ag appig. “Ig uɗat ena laa dabmeta, na menppa oidpput mauhkkutnu ii hettem. Iitta. Na Kayaknu dabittak nai madittem. Na danab hamu amge na, ‘Da am Kayak,’ aon ame amunu, ig hettem,” aon appig.

Jon 13:18

Da madittem imu amu da ag oh ahilagnu ii attem. Da danab dahilad, da tituanadmi ele amu, da ag diilag doottem. Amge Kayak nai niitte amu genab meu bekku. Nai amu inam atte. ‘Am da layalnab, i oh ee lamuɗ ele, nug da kekeɗ meɗom.’

Jon 18:31

Aeg amu Pailat nug ag amelagppa aum. “Ag akka Nug aon gona, ahilag ɗoppa nuhig nai epeɗieg!” awa aum. Anam a amu Juda okkai ag appig. “Rom ag ig danab laa qepput mauhkkunu aib appig amunu, ig danab laa qepput mauhkkunu elele iitta. ⌊Diig amunu amu ig na Rom dilag kobolppa danab imu ad emaitakppa aihkkutnu oonig daatte,⌋” aon appig.

Jon 21:19

Jesus nai amu mattiom, amuppa Nug dimppa Pita nug ib attemunppa mauha, nug Kayak binag amahlak oppiaawak ele amuppa mekku, Nug amunu aum. Nai amu oh dimppa Jesus Nug, “Pita na da dim lamiɗe!” awa aum.

Jon 3:14

Anukka atu taɗakppa mat nau ag Israel oolagppa bena, danab ah emalatteg mauheg, ⌊Kayak Nug Moses amegppa a,⌋ nug mat dottog laa brasppa ha qappe, danab ag amu neegna anidna, ag ii mauhppig, amubia danab aun aɗi ag dahilnu oolagppa genab doon, ag bauklel hanhannu aon daaglagnu, ag Danab Bekkalag da, ad emaitakppa aihiɗkkulagoitte.

Jon 8:28

Amunu Jesus Nug ag amelagppa aum. “Dimppa ag Danab Bekkalag da ad emaitakppa atuliɗona amu, ag da am Kayak Bekka dooglag. Amu ele, da dahil dabmakppa keeke ii hettem. Iitta. Mame Nug da ippuniɗom amu, da amunuib madittem, ag amu ele dooglag.

Aposel 7:59

Ag men aon, Stiven makkuɗegeg, Stiven nug unuqitta aum. “Naɗi Jesus, da ouɗil na eppenppa aokkutnu oɗ medattem,” awa aum.

Galesia 3:13

Ɗo ig eheɗ laa awaknu anak waappa daattemnu atte, amge Kristus Nug Kayak naippa yaak, “Danab oh ag ad attan aihadtteb ele, danab amu ag eheɗ laa awaknu anak waappa daatteb,” Nug nai amu attenu qagaiettak awa, amuppa Nug qagaiettak amuppanu eɗua uhuqak ha megakka, nob nau amu awa ehanikkom.

Duteronomi 21:23

nug gaɗa amu ad attan aihak dayeb ukkeb, ii wakkaɗkkuoitte. Ag nug gaɗa aihppig, deɗ amuppaib boumkkulagoitte. Ag amu haknu diig am, danab beɗu adppa aihak daatte amu, nug Kayaknu itittak nau waappa daatte. Amu ag wan, Yawe, ahilag Kayak, Nug ag aulag daakkunu madatte amu, ag kobol Kayak amunu ooppa uuaknab dootte ele, ag amu heppeg, wan amuppa dubuttid aib teum.