Jon 18:3 - Nobonob Baibel

³ Amunu Judas nug Rom dilag ban danab laala, amu daup ag Kayaknu mettid lag gumappig ele, ag oolagppanu mana mettak danab okkai amu ɗo gumak danab-Parasia ele ag laala heeg goppig ele amu, Judas nug ag oh ib ippuanatte, aben amuppa uɗippig. Ag amahlak, hul amu ban haknu keeke ele aon goppig.

Jon 18:3 ပူးပေါင်းရင်းမြစ်များ

Sam 22:12

Dahil kekeɗ ag da makau dawai kuɗum danab talilidna daatteb bia heppig daatteb. Yo, ag wan onig Basannu makau dawai ban paha paha hetteb danab talilidna daatteb bia taliliɗppig daatteb.

Matyu 25:1

Haen amuppa Kayaknu ɗo maɗoɗ amu ah makkun eblaih tanig ele, ahilag hak bia daakku. Amu ah makkun amu ag ahilkad lam aon, danab laa ah aokkun heum ele amu, nug ameg meegeg, nug ibppa uɗieye, ag ahan gona, ibppa uɗa tena anidna omalppeg, ah nuhig laugppa gokkulagnu daappig.

Jon 13:2

Nug nuhikkud ippunittak awak danab ele ee lanan daanna, Satan nug matu Judas Iskariot, Saimon bekka, nug Jesus kekeɗ eppelagppa mekkunu dabmak metta malom amu,

Jon 18:12

Nug anam a amu, Romnu ban danab, ahilag ikki ele, amu Juda dilag daup ag Kayaknu mettid lag gumappig ele ag Jesus aɗana, muɗippa hippalppig.

Jon 18:18

Haen amuam oug haen amunu maɗi nid, amu daup ele ag oug doona, ag aab laa ilan uɗignana daaegeg, Pita nug ele ulah qeum amunu, nug ele gakkaɗak aokkunu aab ilappig amu uɗikka dayom.

Jon 18:22

Jesus Nug anam a amu, daup laa hibaitta dayom ele nug eppeg oohap ta, hippeg mataɗaɗa aum. “Na mana mettak ikki danab nai amuppate nob medattemte?” awa aum.

Jon 19:6

Anam a amu mana mettak danab okkai, ahilkad daup ele ag Jesus anidna, huanak ena appig. “Ad emaitakppa atule! Ad emaitakppa atule!” aon appig. Anam aeg amu Pailat nug aum, “Ag akka aon, ad emaitakppa atuleg! Da am nuhigppa ɗo tippalak laa ii anidmi,” awa aum.

Jon 7:32

Danab ah kuɗum ag Jesusnu anam mattiegeg, mana mettak danab okkai amu ɗo gumak danab-Parasia ele ag danab ah nai kuɗum mattiegeg doona, ag ahilag daup laa Jesus aɗaglagnu maatteg uɗippig.

Aposel 1:16

“O lailad, Kayak Ouɗi Nug Dawit oɗeppa keeke laa Judas, nug danab ag Jesus aɗaglagnu ib dayom amu, nuhigppa bekkunu a, Kayak nai amuam bekkununab dayaya aakku beum.

Aposel 10:1

Aria, iitta aɗi danab laa Sisaria dayom, onig Kornilius. Nug ban daup 100, onig Itali daup, nug amu dilag ikki dayom.