Jon 18:28 - Nobonob Baibel

²⁸ Matuk gaye amu buttuanab ag Jesus Kaiapas toppanu aona, gawananu lag enanagnabppa goppig, amge ag akka ag gawana laug ooppa ii noppig. Iitta. Ag Pasowanu Hobulnu ee lakkulagnu oolag he, ag oolagppa, “Gawana imu nug Juda iitta, ihinig ɗoppa ig nug laug ooppa gokkunig dayeb, ig Kayak ele ouqa dayaknu elele iitta daagnig. Ig anam daatta amu, ig Pasowanu Hobulnu ee ele lakkunignu elele iitta daagnig amunu, ig lag ooppa ii gomata,” anana, lag ooppa ii goppig.

Jon 18:28 ပူးပေါင်းရင်းမြစ်များ

Jon 19:9

nug eɗua lag ooppa noa, Jesus oɗ mettom. “Na am aab adeppanu uɗime?” oɗ metta aum, amge Jesus oɗeppa nakok laa ii awom.

Jon 18:33

Anam aeg am Pailat nug eɗua laugppa noa he, Jesus nug toppa do, nug Jesus oɗ mettom. “Na Juda dilag kingte?” awa oɗ mettom.

Jon 19:14

Deɗ amuam Pasowanu Hobul babaittaknu deɗ amu aam ameg 12 bia dayom. Anam dayeye, Pailat Juda amelagppa aum. “King ahilag iikku,” awa aum.

Matyu 27:27

Aria, gawananu ban danab ag Jesus aon, aben onig Pretorium, appa noppig. Nona heeg amu, ban danab ameg amu laa oh ele uɗin qagmena, Jesus talilidna daappig.

Aposel 3:13

Abrahamnu, Aisaknu, Jakop elenu Kayak, Nug am ig mamenkad aɗi dilag Kayak, Nug aakku nuhig uɗat imuppa nuhig maɗi nid Jesus binag amahlak oppiaawak ele mettom. Amge ag amu, ag Nug aon, kekeɗ eppelagppa meppig. Pailat nug uhuqkkunu aum, amge iitta, ag am danab amu, Nug Jesus amu, ag Nug Pailat noobppa dimedappig.

Jon 11:55

Ag appa daaegeg, Juda dilag Pasowanu Hobul miag doum amunu, aab laih laihnu danab ah oh Jerusalem appa, ag akka tatam oolag ihan oppiak daappeg, hobul digmekkunu hena gona amu,

Aposel 11:3

Ag anam henana, ag Pita amegppa appig. “Na gona, danab gaɗalag ii otaɗak amu laulagppa tena, ag ele daanna, ee laappig,” aon appig.

Aposel 10:28

Pita nug kuɗum daaegeg anatta, nug amelagppa aum. “Ig Juda amu ihinig ɗo ɠagattag laa am Juda danab laa nug iitta aɗi laa ele oh ouqak laippu ii daamya, o Juda laa amu nug iitta aɗi laa ele gumitta ii wama, amge Kayak Nug da ippuniɗom, da danab laanu inam laa ii apa. ‘Da am Juda danab amunu Kayak amegppa da iitta aɗi amu da nug eɗidttem!’ Da anam awe ii apa.

Jon 18:39

Am ag ahilag kobol laa ele daatte, amu kobol amuppa da Pasowanu Hobul haenppa danab laippu laa uhuqe madattem amunu, ag aɗi atteb? Da Jesus, Nug Juda dilag king, da Nug uhuqkkulnu oolag daattete?” awa aum.

Maika 2:1

Danab ag hipunin hekkulagnu maittak aotteb, ahilagnu am gadonnab gadon. Ao, ag abenppa niina, ag eheɗ hekkulagnu dabmakppa ib maditteb, ahilagnu am gadonnab gadon. Ag keeke hekkulagnu ɠagattag ele amunu, ag tuqan eheɗ hekkulagnu dabmenana, wagɗe buttua ag ahan, eheɗ amu hetteb.

Duteronomi 16:2

Ag Yawe, ahilag Kayak, ag Nug binag mekkulagnu Pasowa Hobulnu doɗ laala mana, Nug mettaglagnu amu, ag makaute, o sipsipte, o meemete, ag amuppa mana mettak amu hekkulag. Am ag mana mettak amu hekkulagnu amu, ag aben Yawe, Nug onig appa daakkunu aben epeɗikku, ag amuppa hekkulagoitte.

Luk 22:66

Anam amu, aam beebe, Juda dilag hettoɗiak okkai onig Sanhidrennu danab, mana mettak danab okkai amu ɗo mehuqak danab ele ag uɗin qagmeeg, ag Jesus aon gona, ag noolagppa meeg dayom.

Mak 15:16

Pailat anam mattiom amunu nuhikkud daup ag Jesus aon gona, gabman okkai laug enanagnab, amu onig am Pretorium, ag amu ooppa nona, ag daup laa oh onilagppa eeg, uɗieg,

Esekiel 45:21

Amu maɗnu kalam digmakppa, deɗ 14ppa amu, ag Israel, ag Pasowanu Hobul hekkulag. Hobul amuam deɗ eblaih aɗit ele daatte, amu deɗ amu ohppa ag bret yis iitta lakkulag.

Prowerb 4:16

Aɗinu? Nau hak danab ag eheɗ laa ii heppig dayeb amu, ag niiglagnu elele iitta daaeg ukke, ag eheɗ hewona niitteb. Ao, danab amu ag eheɗ ii heeg, danab laa ii na qeum dayeb amu, ag paha ii niimna.

Prowerb 1:16

Na ag ele oh ii gomananu diig am inam. Ag pahaettak hipunin hekkulagnu hetteb. Ao, ag laa qeppeg mauhkkunu oolag huana hette.

Sam 35:16

Danab ag Kayaknu, nuhig haknu ele uuak doon, laa aon aon qedatteb, amubia ag da eheɗnab aon aon iutteb. Ag dahilnu aelkad emalna daatteb.

Jon 18:13

Hippalona, ag aon, tatam Kaiapas tanab Anas toppa goppig. Kaiapas nug maɗ amuppa mana mettak ikki danab dayom.

Jon 18:15

Am Saimon Pita nug ippunittak awak danab laa ele, aa Jesus dim lamidpiɗ. Mana mettak ikki danab nug ippunittak awak danab laa amu doyom amunu, nug mana mettak ikki danab amu laugnu haɗap-ppa noum,

Jon 19:11

Anam a amu Jesus amegppa aum. “Attannu laa Nug na ɠagattag ii mettalo amu, na dahilppa aɗi hekkutnu elele iitta amunu, aun nug da na eppenppa meiɗom ele, nuhig hipunin am okkainab, nahip eɗittak,” awa aum.

Aposel 4:27

Dawit nug aum bia amu ag genab anam heppig. Herot Antipas, Pontius Pailat ele am iitta aɗi danab amu ag Israel ele, ag oh aab okkai imuppa qagmena, ag Jesus geɗidppig, Nug am maɗi nid nahip, oppiaawak ele. Na Nug anukka goɗen gokkaɗakppa tituanme.

Aposel 10:32

Amunu na heppe, danab laala Jopa gona, danab Saimon, nug onig laa Pita, appeg uɗiaɗ! Danab amu nug Saimon, doɗ gaɗa beɗamanu babaittak danab, nug laug amu yu ihippa daatte ele amu, nug danab amu ele daattep,’ awa aum.