Jon 18:17 - Nobonob Baibel

¹⁷ Ippunittak awak danab, mana mettak ikki danab nug doyom ele nug anam he, maɗi nid ahin od gumom ele amu Pita oɗ mettom. “Na ele danab imunu ippunittak awak danab laatai?” awa aum. Nid ahin nug anam a amu Pita aum, “Da iitta!” awa aum.

Jon 18:17 ပူးပေါင်းရင်းမြစ်များ

Matyu 26:33

Amge Pita nug oɗeppa awa aum. “Danab laa oh ag nahipnu uug doon, uuidna oolna gokkulagtai, amge da am anam ii hepa,” awa aum.

Luk 22:54

Jesus Nug nai amu amelagppa ana male, ag Nug aɗan aon goppig. Ag Nug aon, mana mettak ikki danab laugppa ukkaegeg, Pita nug nakok piɗe dim lamatta ukkom.

Jon 18:16

amge Pita nug dimittim, od oɗeppa dayom. Anam dayeye amu ippunittak awak danab laa, mana mettak ikki danab nug doyom ele nug wana, maɗi nid ahin od gumom ele amegppa ana, Pita omala ooppa noum.

Jon 18:25

Saimon Pita nug aab uɗikka dayeye, ag nug oɗ medappig. “Na ele nuhig ippunittak awak danab laatai?” aon appig. Anam aeg amu nug aum. “Da iitta,” awa aum.

Jon 18:5

Anam a amu Nug oɗeppa aon appig. “Jesus Nasaret ted,” aon appig. Aeg am Jesus ag amelagppa aum. “Da iikku,” awa aum. Judas, nug Jesus kekeɗ eppelagppa meum ele amu Nug ele oh hippaidna daappig.

Jon 18:8

Anam aeg am Jesus aum. “Da am danab amu iikkuib, da matu amelagppa ami. Ag da mattiɗna doppig dayeb amu, ag danab imu uuadppeg ukkeg!” awa aum.

Jon 21:15

Ag ee lana malona daaegeg, Jesus Nug Pita oɗ mettom. “Saimon, Jon bekka, na imu eɗattak dahilnu oot mauhttete?” awa aum. Anam a amu Pita aum. “Naɗi na doottem. Da nahipnu ool mauhtte,” awa aum. Pita anam a amu Jesus aum. “Na dahil sipsip nakkud bekkadna meɗe!” awa aum.

Aposel 12:13

Daaegeg, Pita nug dimittimnu od qeqale, maɗi ah onig Roda, nug od matulkkunu doa,