Jon 18:11 - Nobonob Baibel

¹¹ Anam he amu Jesus Pita amegppa aum. “Na nahip qep elab eɗun abenppa me! Attemu? Le mua kap-ppa daatte, Mame meɗom ele amu, da iite lapa?” awa aum.

Jon 18:11 ပူးပေါင်းရင်းမြစ်များ

2 Samuel 16:10

Nug Dawit amegppa anam aum, amge King Dawit nug nob ma aum. “O Seruia bekoɗ, ahilah dabmak am dahil ele laippu iitta. Yawe Nug danab amu amegppa, ‘Wana, Dawit eheɗ laa awaknu anak waappa dayaknu nai a!’ aum dayeb, diig amunu ele nug hette dayeb amu, aun laa nug nuhignu, ‘Aɗinu na anam hettem?’ anaknu elelete? Iitta. Laa iitta,” awa aum.

Sam 75:8

Aria, amu anaknu diig laa am, Yawe Nug danab ah dilag nai doya mala hettoɗiatta epeɗiatta elele madatte amu, amuam kap Nug eppegppa aɗatte bia. Amu kap amuppa wain ɠagattag, keeke laala ele kaboliak daatte. Anam amu, Nug wain gokkaɗa heeb, nau hak danab ah oh ag lakkulagoitte. Ag biɗa naunau oh am lakkulagoitte.

Esekiel 23:31

Na, na apan dim lamidna, nug heum bia heme amunu, da bu nug mettami amu, da na ele bu amu medakkul. Bu amuam le ninig nau ele kap-ppa daatte bia, amu laa lakkunu daatte, amge uuebeb, laa heeb am lakku. Amubia da hei, na apan nug laum, amubia da heppi, na ele lakkut,” awa atte.

Matyu 20:22

Anilah nug anam a amu, Jesus Nug aum. “Ag atteb amu, ag keeke amunu tutukku ii dootteb. Keeke laa le mua ele bia da lakkul amu, aa amu lakkulahnu elelete?” awa aum. Nug anam a amu, aa Nug amegppa apiɗ. “I am elele,” aoya apiɗ.

Matyu 26:39

Nug anam awowa, Nug nakok baula wana ukka, appa Nug laippun gateg qaun o, gomela, iɗu wanppa ma, unuqitta aum. “O Mama, uug oh da maokkul ele, amuam leppu mua eheɗ nau kap-ppa daatte bia, amu na ib laa anidna appe, da le kap amuppanu da ii lapa, amge na dahil dabmaknab aottem ii dim lamidmana. Iitta. Na nahip dabmaknab aottem amuib dim lamidkkutnu ool daatte!” awa aum.

Matyu 26:42

Jesus Nug anam ana, Nug eɗua ukka, baula unuqitta aum. “O Mama, da le kap imunu ii lakkulnu amu, na ib laa anidkkutnu elele iitta dayeb, na nahip dabmak aakkuib dim lamitte!” awa aum.

Luk 12:30

Amu wan imuppanu iitta aɗi ag keeke amu ohnu hik aqadtte, amge ag dahilad amu, ag Mamelag Nug ag keeke amu oh aoglagnu dootte.

Luk 22:42

“O Mame, uug oh da maokkul ele, amuam leppu mua eheɗ nau kap-ppa daatte bia, amu na ib laa anidna appe, da le kap amuppanu amu da ii lapa, amge na dahil dabmaknab aottem ii dim lamidmana, na nahip dabmaknab aottem, amuib dim lamidkkutnu ool daatte” awa aum.

Jon 15:10

Da Mamenu haknunab anak dim lamittette, nuhig oo mauhak ooppa daattem, amubia ag dahil haknunab dim lamidkkulag amu, ag haen oh dahil oo mauhak ooppa daaglag.

Jon 17:24

Mame, danab na da meɗame amu, haen da binag amahlak oppiaawak ele daakkul, haen amuppa ag da ele aben amuppa daagnignu ool daatte. Ag da binag amahlak oppiaawak ele anukka wan ii dayomppa na dahilnu oot mauhom, gemu ele oot mauhtte amunu, na da meɗame amu, ag amu anidkkulagnu ool daatte.

Jon 18:36

Pailat anam a amu Jesus aum. “Dahil ɗo maɗoɗ am wan imuppan iitta. Dahil ɗo maɗoɗ wan imuppanulob amu dahilad danab ag ban heppeg, Juda okkai ag da ii aɗailob. Amge dahil ɗo maɗoɗ amu ippanu iitta,” awa aum.

Jon 20:17

Nug anam a amu, Jesus aum. “Na da aib aɗailme, da Mame toppa ii gomi. Amge na da oɗel aona, da lailad gumadna gona, amelagppa inam a! ‘Da, da Mamel, Nug am ag Mamelag ele, da dahil Kayak, Nug am ahilag Kayak ele, da Nug gumitte gottem,’ ” awa aum.

2 Korint 10:4

Ban haknu keeke oh ig aɗattem amu, ag wanppan keeke iitta. Iitta. Ig aɗattem ele amuam Kayaknu ɠagattag ele, amuppa ig kekeɗnu ban haknu aben ɠagattag loppaɗttem.

Hibru 12:2

Amu ig amenig ukkeb, Jesus, Nug am ooppa genab doyaknu diig daatte, Nug ooppa genab doyak ihinig elelenab medakku diig ele amu, ig Nug anidtu! Jesus Nug anukka maɗoɗppan gamag ahak geha dimppa anidkkunu dabmeum amunu, Nug ɠagattag dayaya, ad emaitakppa uug doyaya, guittak awa mauhom. Ad emaitakppa mauhaknu amu uɗa nak ele, amge Nug dimppa maɗoɗppan gamag ahak okkai aokkunu dabmaama, uɗa nak amunu dab-ii-meum; am keeke hamu bia doyom. Nug amu hewowa, Nug hab aabppa, Kayak eppeg naɗiap-ppa heɗep na dayom.