Jon 18:1 - Nobonob Baibel

¹ Jesus anam unuqitta male, Nug nuhikkud ippunittak awak danab ele ag ahan gona, oolnu noak onig Kidron mataɗna, olip dad laa appa dayom amu, ag dad amu ooppa noppig.

Jon 18:1 ပူးပေါင်းရင်းမြစ်များ

Genesis 2:15

Yawe Kayak Nug amu oh ha malowa, dimppa Nug danab awa, dad Iden wanppa dayom, appa nug dad uɗat hekkunu, keeke oh gumadkkunu ele meum.

Genesis 3:23

Aum amunu, Yawe Kayak Nug danab dad ooppanu lamitte, dimittim, Nug Adam heumppa, wan amuppa Adam nug eewak uɗat hekkunu ukkom.

2 Samuel 15:23

Aab dimittimnu danab ah oh ag king, nuhikkud ele ag ukkaegeg anadna, ag huana gaappig. Goppig ele amu, laa ag anuqna gona, ag oolnu noak onig Kidron mataɗadna malaeg, king nug ele mataɗe, ag gona, ag oh atu taɗakppa gokkulagnu goppig.

1 King 15:13

Asa alag ah Makah, nug kuin anignu ehah aɗa dayom ele amu, Asa nug ii baɗa, nug ehah amu ele otaɗom. Aɗinu? Makah nug kayak hambuppuak Aserah dabmekkulagnu biidod laa heum. Biidod amunu amu, Yawe Nug ooppa uuaknab dootte. Amu Asa nug keeke amu okkula, mawa ukka, le Kidronnu oolnu noakppa manom.

1 King 2:37

Amu na oolnu noak onig Kidron mataɗna, ⌊amuam Jerusalem aab okkainu tom amu,⌋ na amu eɗidppe, da na paha nidappi mauhkkut. Na mauhkkut dayeb amu, amuam na nakka nahip eheɗ haknu nob,” awa aum.

2 King 23:12

King laug koɗokko uɗem ukkakppa amu, lag oo laa dayom. Lag oo amunu amu, ag, “King Ahasnu Lag Oo,” atteb. Amu anukka Juda dilag king laala ag lag oo, oo amu guguittak qaɗab laala aqeg daappig. Laa amu, King Manase nug Yawenu mettid lagnu haɗap aɗit, nug amuppa qaɗab laala aqe daappig. Aria, King Josaia nug qaɗab amu oh loppaɗa he, maha naunau daappig. Dimppa nug qaɗab loppaɗak, kinipan amu akka ukka, oolnu noak onig Kidron, appa akke ukkom.

2 King 23:4

Amu dimppa amu, King Josaia nug mana mettak ikki danab Hilkaia, am mana mettak laala nug waappa uɗat hetteb ele, amu Lewi buɗub ag Yawenu mettid lagnu od gumatteb ele, nug ag amelagppa inam hekkulagnu aum. “Ag gona, Yawenu mettid lag ooppa nona, keeke oh kayak hambuppuak Balnu, Aserahnu, am hoɗopai dilag ele amu, ag amu oh agappeg dimittim beig!” awa aum. Aria, ag keeke amu oh king amelagppa aumbia akkan dimittim uɗieg, king nug Jerusalem dimittim, le Kidronnu oolnu noakppa le daug daug uɗem dayomppa, nug appa manatte, keeke amu oh ewa male, nug uhuɗ amu akka, Betel aab okkaippa ukka meum.

2 King 23:6

Nug kayak hambuppuak Aserah dabmekkulagnu biidod Yawenu mettid lag ooppa dayom ele appanu awa, Jerusalem dimittim ukka, le Kidronnu oolnu noakppa mane ewom. Dimppa nug amunu hamad awa bate, kalu ne, nug awa ukka, Jerusalem danab ah hamu, nug amu dilag matmatppa gokkaɗe, tamtam ukkom.

2 Stori 15:16

King Asa alag ah Makah, nug kuin anignu ehah aɗa dayom ele amu, Asa nug ehah amu ele otaɗom. Aɗinu? Maka nug kayak hambuppuak Aserah dabmekkulagnu biidod laa heum. Biidod amunu amu, Yawe Nug ooppa uuaknab dootte. Amu Asa nug keeke amu okkula, he maha maha ne, nug mawa ukka, le Kidronnu oolnu noakppa manom.

2 Stori 29:16

Mana mettak danab Yawenu mettid lag heppeg, oppiak daakkunu lag ooppa wana, aɗi keeke Kayaknu neekkakppa dubuttid ele appa anidna, ag aon uɗin, Yawenu mettid lagnu haɗap-ppa meppig. Mana mettak danab ag anam heegeg, Lewi buɗubppan mana mettak danab iitta, ag keeke amu aon, maon gona, oolnu noak onig Kidron, ag maon appa gona, aguppa meppig.

2 Stori 30:14

Ag uɗin daan, ag Jerusalem appa kayak hambuppuaknu qaɗab, laala ag doɗ manadna, kayak hambuppuak mattaknu, laa am kalu danab ile muttuɗig enanag bettenu, ag qaɗab amu loppaɗna, ag keeke amu oh aon gona, oolnu noak onig Kidron, ag appa buɗiatteg goppig.

Nehemaia 2:15

Ib iitta amunu, da eɗuen, oolnu noak Kidron, appa tuqan wain ugekke, neekki ukke, aabnu aɗ italmi. Da amuppa itale malen, da eɗue, Oolnu Noaknu Odppa noin, aakku aab ooppa gomi.

Jeremaia 31:40

Aria oolnu noak onig Hinom, appa ag danab boumadtteb, aab uhuɗ ele buɗieg gotte amu, aben amuam dahilnu tituanak daakku. Aria, wan adqaɗ bia ukka ukka, oolnu noak onig Kidron batak, aab okkainu aɗnu od onig Hosnu Od batak, wan amu oh ele am dahilnu tituanak daakku. Kekeɗ ag baula uɗin, ippan danab ii diin gomana. Ag baula heppeg, aab okkai imu baula ii nauhma.” Yawe Nug anam awa atte.

Lewitikas 2:6

Ag hewona, ag maha naunau oppatppeg neeb, goɗen qaɗeppa gokkaɗeg! Amuam ee aegnu ofa laa aakku.

Matyu 26:30

Nug anam a amu ag ahi laa ettona, ag ahan, dimittim wana, ag Olipnu Qaukoppa goppig.

Matyu 26:36

Ag anam aeg amu, Jesus Nug ag ele oh aben laa onig Getsemani, ag appa goppig. Gona amu Nug ippunittak awak danab amelagppa aum. “Da uppa ukken unuqidppippi, ag iguppa dayeg!” awa aum.

Mak 14:26

Nug anam a amu ag ahi laa ettona, ag ahan, dimittim wana, Olipnu Qaukoppa goppig.

Mak 14:32

Ag gona, aben laa onig Getsemani tena, Jesus Nug ippunittak awak danab amelagppa aum. “Ag ippa daappeg, da ukken unuqidkkul,” awa aum.

Mak 14:42

Ahappeg gotu! Ag aakkud antteg! Danab nug da kekeɗ eppelagppa meiɗkku ele amu, nug aakku uɗitte,” awa aum.

Jon 14:31

amge wanppan danab ah ag da Mamenu ool mauhtte anidkkulagnu, ag da Mame Nug aɗi hekkulnunab da amelppa mattiom amuib hettem ele dooglagnu amu, da iikku hettem. Ahappeg ig gotu.

Jon 18:26

Anam ukke amu, mana mettak ikki danabnu maɗi nid laa, nug am maɗi nid Pita daug hoiyom ele, nug amunu tiig laippu amu, nug Pita oɗ meum. “Da na olip dad appa Jesus ele daaeheh, na iite anidmi,” awa aum.

Aposel 21:11

Nug ig gumikka uɗia, nug Polnu matagiɗ awa, nug nukka nug baeg eppeg Pol baeg eppeg iitta, nug baeg eppeg ele amuppa qakkowa, nug aum. “Kayak Ouɗi Nug inam awa atte. ‘Juda danab okkai Jerusalemnu, ag geha matagiɗ imu mameg amu inam hippalna, aon gona, iitta aɗi mattaglag,’ ” awa aum.