Jon 17:6 - Nobonob Baibel

⁶ Mame, da wan imuppan danab ah oolagppanu danab na meɗame amu, da ag amelagppa na diitnu mehuqi dooppig. Ag am nahipad, na da meɗame, amu ag nahip nai dim lamidtteb.

Jon 17:6 ပူးပေါင်းရင်းမြစ်များ

Sam 119:11

Da nahip-ppa hipunin qak hepa, da nahip nai da oolppa mein, dabmak dahilppa ele memi.

Sam 22:22

Na anam heppe amu, da geha da lailad amelagppa nahipnu madikkul. Yo, nahipad danab ah noolagppa, da na binan humakkul.

Eksodas 9:16

amge da geha dahil ɠagattag okkai na ippunidkkulnu, danab ah wan atu ohppa da onil dooglagnu amu, da na king meitti, na okkai aakku daattem ⌊amunu, da ag aqai ii mauhppig⌋.

Prowerb 2:10

Aɗinu? Doyak dabmak ena ele na ootppa daakku. Ge, doyak am nahip-ppa ambak dayebeb, na maɗoɗppan gamag ahak okkai dookkut.

Prowerb 23:23

Na doyak diig genabib ele aon, aib paɗappe ukkom; na hanhan doyak dabmak ena ele, laa nukka nuhig oiyak pehettak atognotte, diignu doyak tutukku ele, na kobol amu oh dim lamitte.

Jon 1:18

Danab laippu laa nug haen laa Kayak ii anttom. Iittanab. Kayak Bekka laippunab, Nug Kayak ele ouqak daattep amu, Nug aakkuib anitta doya, Kayak ippunikkom.

Jon 12:28

Jesus Nug anam anana amu, Nug nai tuɗitta aum. “Mame, na heppe, na onin nug binag amahlak oppiaawak ele miag atikkunu oɗ medattem,” awa aum. Anam a amu, baag laa hab attannu na aum. “Da tatam anam hemi, amu da baula anam hekkul,” awa aum.

Jon 15:19

Ag wan imuppan danab ah wannu kobol dim lamadtteb ele laippu daalob, wan imuppanu danab ah amu ag ahilagnu ag lailkad bia doon, ahilagnu oolag mauhlob, amge ag wan imuppan danab ah amu ele laippu iitta. Da ag danab amu oolagppanu tituanatten, wan imuppanu kobol uuglagnu ag maadmi amunu, diig amuppa ag ahilagnu kekeɗ daatteb.

Jon 15:3

Da nai ag mattami amu he, ag oppiak beppig daatteb.

Jon 15:7

Ag dahilppa daaglag dayeb, dahil nai ele ahilagppa dayeb, ag oolag daatte amu, ag amunu oɗmak hena, ag aoglag.

Jon 17:12

Na onin na da meɗame amu, da ag ele daamut haenppa da onin amuppa ag ⌊nena qemananu⌋ dabmattami. Da ahilag guppiɗ ele daami amunu, laa ii qettoɗom; laippu aakkuib, nug am ib appiɗittak danab, nug aakkuib Kayaknu ib apiɗitta qettoɗom amunu, Kayak nai meu oum.

Jon 17:14

Nai nahip amu da ag mattai, amu danab ah wannu kobol dim lamadtteb ele ag dahilad imu dilagnu oolagppa nau ninig ele dootteb. Aɗinu? Da wanppan danab ah wannu kobol dim lamadtteb ele laippu iitta, amubia ag ele wanppan danab ah wannu kobol dim lamadtteb ele laippu iitta.

Jon 17:16

Ag wanppan danab ah wannu kobol dim lamadtteb iitta, da ele wanppan danab ah wannu kobol dim lamidtteb iitta, amubia.

Jon 17:24

Mame, danab na da meɗame amu, haen da binag amahlak oppiaawak ele daakkul, haen amuppa ag da ele aben amuppa daagnignu ool daatte. Ag da binag amahlak oppiaawak ele anukka wan ii dayomppa na dahilnu oot mauhom, gemu ele oot mauhtte amunu, na da meɗame amu, ag amu anidkkulagnu ool daatte.

Jon 17:26

Da na diit ahilagppa miag atimi. Amu na dahilnu oot mauhtte, oo mauhak amu ag oolagppa daakkunu, da dakka, da ele ag oolagppa daakkulnu amu, da baula na diit ippunadkkul,” awa unuqittom.

Jon 17:7

Ag aakku dootteb, keeke oh na da meɗame, amu nahip-ppanu uɗiom.

Jon 18:9

Nug nai amu aum amu Nug anukka nai laa aum, nai amu meu oum. Nai Nug anukka aum am inam. “Na da meɗame amu, laippu laa ii qettoɗom.”

Jon 6:37

Amu danab ah aun Mame Nug da meɗatte ele, ag oh dahilppa dokkulag, am aun nug dahilppa dotte amu, da nug ii geɗidpa.

Jon 6:39

Aria, laa Nug da meiɗe uɗimi amu, Nug oo niitte ele amu inam. Danab ah oh da meɗom ele amu, ag ohnab dahilib daaglag. Laa ii qettoɗma. Wan haen malakppa da ohnab maɗadappi, ag eɗun hippaidkkulag.

Jon 8:51

Da genabnab genab ag amelagppa attem, laa nug dahil ippunittak nai awa dim lamidkku dayeb amu, nug iinab mauhma,” awa aum.

Jon 8:52

Awa a amu ag Nug amegppa appig. “Gemu ig genab doottem, na ootppa hahail ele! Abraham nug mauhom, amu propet ele mauhppig, amge na attem, ‘Laa nug nahip nai awa dim lamidkku dayeb, nug am iinab mauhma.’

Aposel 13:48

Pol nug anam aum, aria haen iitta aɗi ag nai amu doona, ag oolag gamag ahehe, ag Naɗinu nai amu humidnana, danab ah ag Kayaknu bauklel hanhannu aoglagnu daappig ele amu, ag oolagppa genab dooppig.

Rom 11:2

Danab Kayak Nug anukka ag doyattom ele, Nug ag ii geɗattom. Amu Elaiyanu kaya Kayak naippa daatte amu ag amu iitai dootteb? Elaiya nug Kayak unuqittatta, Israel danab beɗulkadppa nai ya, inam aum.

Kolosi 3:16

Kristusnu nai enanag meu ele ag oolagppa daakkuoitte! Ag akka akka doyak dabmak ena eleppa nug ippunidnana, nug ehanittak ele heig! Ag oolagppa Kayak amegppa, “Ena hen mekkame” anana, ag sam, mettidnu ahi, amu Kayak binag maknu ahi ele etteg!

2 Timoti 1:13

Amu na Kristus Jesusnu ootppa genab doona, na nuhignu ele oot mauhtte amunu, na amuppanu na nuhig nai na dahilppanu aome amu, na amu laa ippunadkkutnu dabmenana, amu dim lamidna aɗe!

Hibru 2:12

Nug atte. “O Kayak, da geha da lailad amelagppa nahipnu madikkul. Yo, nahipad danab ah noolagppa, da na binan humakkul.”

Hibru 3:6

Amge Kristus Nug am Kayak Bekkanab, Nug oo metta ii uuak kobol dim lamitta, Kayaknu danab dilag ikki dayaya ag gumadtte. Amu ig ihinkad oo ɠagattag qettak aɗat, amu ig Kristus, Nug am ena bekkunu dabmak aɗa oiyaknu diig, ig amunu mehuqttem amu, ig Nug ele aɗat amu, ig Kayaknu danab ah daattem.

1 Pita 1:1

Da Pita, da am Jesus Kristusnu totol danab. Da nai imu ag Kayaknu danab, Nug tituanattom ele, ag prowins onilkad Pontus, Galesia, Kapadosia, Asia, amu Bitinia ele, ag aab diig danab iitta goppig daatteb amu, da ahilagnu yaattem.

1 Jon 5:20

Ao ig ele doottem, Kayak Bekka Nug uɗia, ig Mame genab, Nug doognignu diignu doyak tutukku mekkom. Amu laa, Kayak Nug am genab diig, amu ig nuhigppa daattem, amu ig Nug Bekka Jesus Kristus, nuhigppa ele daattem. Kayak Nug am Kayak genab, Nug bauklel hanhannu diig ele.

Revelesen 2:13

Da nahip dayak adeppa daatte amu, da doottem. Satan nug aben amuppa nug okkai daatte, amge na da onil ɠagattag aɗattem. Na dahilnu ootppa genab doottem, amu anukka Antipas, nug oo metta ii uuak kobol dim lamitta nai dahil mehuqttom ele, nug mehuqeqe, na appanppa, Satan aguppa daatte amu, appa laa ag Antipas qeeg mauhom, amge haen amuppa ele na ooppa genab doyak nahip dahilnu ii paɗame.

Revelesen 3:10

Na dahil haknunab nai dim lamidna, uug oh oo bodoettak ele maon oime amunu, da danab ah wan atu oh dilagppa uug naɗi, ma anttak madakkunu bekku amu, da na atognoidkkul; uug amu nahip-ppa ii bema.

Revelesen 3:8

Da nahip hak amu, da doottem. Antte! Da na noomppa od matule mettami, laa nug maikkunu elele iitta. Na nahip ɠagattag nakok ele, amge na dahil nai dim lamidna, dahilnu, ‘Da Nug ii doottem,’ ii ame.