Jon 17:5 - Nobonob Baibel

⁵ O Mame, anukka wan ii dayeye, da na ele daaɗɗa, da binal amahlak oppiaawak ele daaiyi uɗiom amu, gemu na binal amahlak oppiaawak ele amuib eɗun meɗakkutnu oɗ medattem.

Jon 17:5 ပူးပေါင်းရင်းမြစ်များ

Matyu 25:34

Anam maattoya, da king daattem amunu, da danab ah naɗiap-ppa maadmi ele amelagppa akkul. ‘Ag inam doig! Mame Nug ag itittak ena mattom! Da Mamel Nug ɗo maɗoɗ ahilagnu haen wan bau beebe babaitta mattom.

Jon 1:18

Danab laippu laa nug haen laa Kayak ii anttom. Iittanab. Kayak Bekka laippunab, Nug Kayak ele ouqak daattep amu, Nug aakkuib anitta doya, Kayak ippunikkom.

Jon 10:30

Da Mamel ele amu i am laippu,” awa aum.

Jon 14:9

Pilip anam a amu, Jesus aum. “Pilip, haen elabnab da ag ele daamut, am na iite dooiɗttem? Danab nug da aniɗtte amu, nug Mama anidtte. Am aɗinu na Mama anidkkutnu oɗ meɗattem?

Jon 17:1

Jesus nai mattiowa, Nug ameg huma, hab attan neekka dayaya, unuqitta aum. “O Mame, haen aakku uɗiom. Da am na bekkat. Da danab ah na meɗame ele, da ag bauklel hanhannu madakkulnu, na da danab ah oh dilag ikkilag daakkulnu ɠagattag meɗame amunu, da na binan amahlak oppiaawak ele na medakkulnu, na da binal amahlak oppiaawak ele meɗakkutnu oɗ medattem.

Jon 17:24

Mame, danab na da meɗame amu, haen da binag amahlak oppiaawak ele daakkul, haen amuppa ag da ele aben amuppa daagnignu ool daatte. Ag da binag amahlak oppiaawak ele anukka wan ii dayomppa na dahilnu oot mauhom, gemu ele oot mauhtte amunu, na da meɗame amu, ag amu anidkkulagnu ool daatte.

Jon 3:13

Laippu laa nug hab aabppa ii teum. Iitta. Danab Bekkalag da aakkuib appa dayeye, hab aabppanu uɗimi.

Jon 8:58

Anam aeg, Jesus ag oɗelagppa awa aum. “Da genabnab genab ag amelagppa attem. Abraham ii dayom haenppa da daami, gemu daattem, butti aɗi daakkul,” awa aum.

Pilipai 2:6

Amuam inam. Nug am Kayak genab dayom, amge Nug Kayak daatte, Nug amubianab daakkunu wagai ii meum.

Hibru 1:10

Kayak Nug baula ele Nug Bekka amegppa inam aum. “O Naɗi, keeke oh digmak haenppa, na wan heme. Ao, na eppenppa hab ele heme.

Hibru 1:3

Aam lettod ye, amahlak amia ukke, danab ah anidtteb, amubia Kayak Bekka Nug Kayak binag amahlak oppiaawak ele he, danab ah anidtteb, amu Nug Mameg daatte, amubianab daatte. Nug keeke oh nuhig naippa ɠagattag aqadtte. Nug nuhig mauhakppa Nug danab dilag hipunin uhuqa mattaknu ib ooɗom. Nug ib amu ooɗowa, Nug eɗua hab aabppa ta, Nug Kayak, Nug dagom onig ɠagattag ele, Nug Nug eppeg naɗiap-ppa daatte.

1 Pita 1:20

Kayak Nug wan imu, nuhig keeke oh ii beum haenppa Nug tituanom, amge dimppa gog tak haen gamag imuppaib Kayak me uɗia, ag ehanadkkunu miag atiom.

1 Pita 1:21

Nuhigppa ag Kayaknu oolagppa genab dootteb. Nug mauhe, Kayak Nug he, Nug eɗua hibaitte, Kayak Nug binag amahlak oppiaawak ele Nug mettom amunu, ahilag ooppa genab doyak, keeke ena bekkunu dabmak aɗa oiyak ahilag ele amu, Kayak Nugib keeke aɗit amu diilah daatte.

1 Jon 1:2

Kayak he, Kristus, Nug bauklel hanhannu diig amu, Nug miag atia be, ig Nug anidmut. Ig anidmut ele amu, ig ag amelagppa genabnab iikku madittem. Ig Kristusnu madittem. Nug anukka ig Mamenig Kayak ele daayya, Kayak he, Nug ihinigppa miag atia beum.

Revelesen 13:8

Danab ag wanppa daatteb ele amu, ag oh nug noobppa dup nona binag menana unuqidkkulag. Yo, danab ah oh, ag onilag Sipsip Nag mauhom ele amu nuhig buk laa, onig Bauklel Awe Onig Yaaknu Buk, buk amuppa ii yaak amu, ag oh doɗ dakkuɗ noobppa dup nona binag mekkulag. Sipsip Nag mauhom ele amu, Kayak Nug anukkanab, wan digma heum haenppa, Nug anam mauhkkunu dabmeum.

Revelesen 3:21

Aun laa nug ban eɗidkku amu, da nug daakkunu elele appi, nug da ele dahil sia kingppa, anukka da ban eɗitti, gemu da Mamel ele nuhig sia kingppa daattep amubia daagnih.