Jon 17:26 - Nobonob Baibel

²⁶ Da na diit ahilagppa miag atimi. Amu na dahilnu oot mauhtte, oo mauhak amu ag oolagppa daakkunu, da dakka, da ele ag oolagppa daakkulnu amu, da baula na diit ippunadkkul,” awa unuqittom.

Jon 17:26 ပူးပေါင်းရင်းမြစ်များ

Sam 22:22

Na anam heppe amu, da geha da lailad amelagppa nahipnu madikkul. Yo, nahipad danab ah noolagppa, da na binan humakkul.

Jon 14:20

Haen amuppa amu, da Mame nuhigppa daattem, ag am dahilppa daatteb, da ahilagppa ele daattem amu, ag amu dooglag.

Jon 14:23

Judas laa amu nug anam a, Jesus Nug aum. “Danab laa nug dahilnu oo mauhak dootte dayeb, nug dahil nai ele dim lamidkku. Aria, danab amunu amu da Mamel Nug nuhignu oo mauhkku. Amu da Nug ele, i nuhigppa nepuɗ, ig oh laippu, danab ewam lag laippuppa daatteb, amubia haen oh daagnig.

Jon 15:15

Maɗi nid nug danab okkai nuhig aɗi hette amu, nug ii dootte amunu, da baula ahilagnu maɗi nid ii attem. Iitta. Da ahilagnu da lailad attem. Aɗinu? Da Mamel keeke oh da amelppa a doomi, amu da amu oh mattiyi ag dooppig.

Jon 15:4

Ag dahilppa daappeg, da ahilagppa daakkul. Muɗi grep eppeg nug nukka awaittak dayaya meu okkunu elele iitta nug muɗi grep tuɗittak dayaya meu okkunu elele, amubia ag da ele ii daagnig amu ag ele meu ii omana.

Jon 15:9

Mame Nug dahilnu oo mauhtte amubia da ahilagnu ool mauhtte. Ag dahil oo mauhak amu ooppa ag hanhan dayeg!

Jon 17:23

Dahilad ag oolag laippunab daaglagnu, laippunab dayak amuppa ag wanppan danab ah na da meiɗe uɗimi, na dahilnu oot mauhom, gemu ele mauhtte, amubia na dahilad, ahilagnu ele oot mauhom, gemu ele mauhtte ippunadppeg dooglagnu, da ahilagppa daakkul, na dahilppa daakkut.

Jon 17:6

Mame, da wan imuppan danab ah oolagppanu danab na meɗame amu, da ag amelagppa na diitnu mehuqi dooppig. Ag am nahipad, na da meɗame, amu ag nahip nai dim lamidtteb.

Jon 17:8

Nai oh na da meɗame ele amu, da ag mattai aoppig. Da nahip-ppanu uɗimi amu, ag genab dootteb; na da meiɗe uɗimi, ag amu ele oolagppa genab dootteb.

Jon 6:56

Aun nug da teppul tiil ele latte amu, nug dahilppa daatte, da ele nuhigppa daattem.

Jon 8:50

Da dakka da binal amahalak oppiaawak ele daakkulnu ii hettem. Iitta! Laa, amuam Kayak, Nug da amu ele daakkulnu hette. Nug da epeɗila, eheɗ laa ii anidtte.

Rom 8:10

Ag hipunin heppig amunu, ag beɗulag mauhtte, amge Kristus ag oolagppa daatte dayeb, ag ouɗilag bauklel daatte. Aɗinu? Kayak Nug ahilagnu, “Genab tutukku hak danab,” aum.

1 Korint 1:30

Kayak Nug aakku he, ag Kristus Jesusnu daatteb. Kristus Nug am doyak dabmak ena, ig Kayaknu aottemnu diig. Gemu ig genab tutukku hak danab daattem, ig oppiaawak ele daattem, amu ig gemu qagaiettakppanu eɗua uhuqak aomut daattem, amu oh Kristus, nuhigppaib beppig daatteb.

1 Korint 12:12

Ig danab beɗunig amu laippu, amge laih kuɗum daatte. Am beɗu laih kuɗum amu ag oh qagmeeg, beɗu laippu daatte. Kristusnu tamaniak ele nug anam aakku daatte.

Galesia 2:20

Da Kristus ele oh ad emaitakppa aihlop bia mauhmi amunu da gemu bau ii daattem. Iitta. Kristus Nug da oolppa bau daatte. Anam daatte amunu, dahil oiyak wan imuppa oh amu da Kayak Bekkanu oolppa genab doyeye oittem. Nug dahilnu oo mauhe amu dahilnu ele mauhom.

Epesus 1:6

Kayak Nug anam heum, diig amunu nuhig ehanittak okkai hamu mettak, amuam binag amahlak oppiaawak ele amu, ehanittak okkai hamu mettak amu binag aotte. Nug Kristusnu oo mauhtte, amu Nug Kristusnu uɗat okkai ihinignu heum ele amu dabmaama, ehanittak okkai hamu mettak amu oo qak iitta ig mekkom.

Epesus 3:17

ag ahilag ooppa genab doyakppa Kristus Nug ag oolagppa daakkunu, amu Kayaknu oo mauhak ag ɠagattag aqeb, ad diɗi nug wan aɗe ad ɠagattag daatte, amubia ag ɠagattag daaglagnu unuqidttem.

Epesus 5:30

Aɗinu Kristus Nug tamaniak atognotte? Tamaniak am Nug beɗu bia daatte, amu ig tamaniak ooppa daattem ele, ig Nug beɗunu laih naunau kuɗum bia daattem, amunu Nug tamaniak atognotte.

Epesus 5:32

Nai amuam diig unuqagnab ele, amge nai amuam Kristusnu, ⌊nuhig⌋ tamaniaknu ele,

Kolosi 1:27

Lokkumak nai amuam enanagnab, danab oh dilagnu. Amu Kayak Nug danab ah nuhikkud ag amu dooglagnu heum. Nai lokkumak amuam iikku. Am Kristus, ag oolagppa daatte. Nugib ag omalatteb gona, Nug ele hab attan ena daaglag.

Kolosi 2:10

Nugib okkai ohnu, amu okkainab ohnu ele ikki daatte. Nuhigppaib amu Kayak Nug aɗi keeke madakkunu hette amu, am ahilagppa ambette.

Kolosi 3:11

Amunu kobol bau amuppa laa nug Juda danab, o Grik danab, o gaɗa otaɗak, o gaɗa ii otaɗak, o Rom danab, o Skitia danab, o begbeg maɗi nid, o begbeg maɗi nid iitta daatte, amu oh am keeke hamu; huu anen anen dayak amubia ii daatte. Iitta. Kristus Nug nukka ag ikkilag daatte, amu Kristus Nug nukka nuhikkud danab iɗu iɗu ohnu oolagppa noum daatte.

2 Tesalonaika 2:16

Aria, ihinig Naɗi Jesus Kristus Nugnab, amu ig Mamenig Kayak, Nug ihinignu oo mauhom, Nug nuhig ehanittak okkai hamu mettakppa oo ɠagattag qak hanhannu, ena baknu dabmak aɗa oiyak enanag ele mekkom amu, aɗit amu aa hepeɗ,

Hibru 2:12

Nug atte. “O Kayak, da geha da lailad amelagppa nahipnu madikkul. Yo, nahipad danab ah noolagppa, da na binan humakkul.”

1 Jon 3:24

Anam amunu, laa ag Kayaknu ɗo dim lamidtteb amu, ag Kayak nuhigppa daatteb, amu Kayak Nug ele danab amu, ahilagppa daatte. Kayak Nug nuhig Ouɗi ig mekkom amunu, amuppa ig doottem, Nug ihinigppa daatte.