Jon 17:19 - Nobonob Baibel

¹⁹ Da dahilad imu ag da aniɗna, nahip nai pehettak dim lamidna, oppiaawak daaglagnu amu, da na oɗen tutukkunab dim lamidttem.

Jon 17:19 ပူးပေါင်းရင်းမြစ်များ

Aisaia 62:1

Da ⌊Yawe ag ehanatteb,⌋ Sion danab ah ag ena daaglagnu amu, da amunu dabmak anuqak awewe, da oɗel ii qamutpa. Yo, da ⌊Yawe ag ehanatteb,⌋ Jerusalem danab ah ag ena daaglagnu amu, da amunu dabmak anuqak awewe, da ii hik aopa. Da anam heppi ukkeb ukkeb, Sion danab ah ag genab tutukku hak kobol dim lamidppeppeg, genab tutukku hak kobol ahilag amuam amahlak okkai bia dayebeb, da batakkul. Yo, da anamib heppi ukkeb ukkeb, Yawe Nug Jerusalem danab ah ehanatteb, padal ii memana; hul huana ewewe danab miagib anidtteb amu, ehanitta, padal ii mak amuam miag atiaknab amubia ba dayebeb, da batakkul.

Jeremaia 1:5

“Jeremaia, da na anin ooppa heidmi, amge haen da na ii heidmi, haen amuppa da na tituanidmi. Ao, na anin nug na ii menuittom, haen amuppa da na uɗat laa hekkutnu otidmi. Da na otidmi, na propet daanna, dahil nai wan atu ohppa mehuqkkutnu na oninppa emi,” awa aum.

Jon 10:36

amunu aɗinu ag dahilnu, ‘Nug Kayaknu dabittak nai maditte,’ atteb? Kayak Nug da tituaniɗa, meiɗe wanppa uɗimi. Nug anam heum, amu anukka Nug wan imuppan danab laa dilag, ‘Ag am Kayak ganiappud,’ aum amunu, ‘Da am Kayak Bekka,’ haen da ami am, aɗinu ag amunu, ‘Nug Kayak aben aokkunu hette,’ aon appig.

Jon 15:13

Laa nug laikkud dilag dabma, nuhig bau dayak paɗatte amu, oo mauhak kobol amuam oo mauhak kobol laa oh eɗidtte.

Jon 15:3

Da nai ag mattami amu he, ag oppiak beppig daatteb.

Jon 17:17

Nai nahip am doyak diig genabibppanu amunu, amuppa na heppe, ag oppiaawak daaglagnu ool daatte.

Jon 17:20

Da dahilad ippunittak awak danab imu, da ahilagnu aakkuib ii unuqidttem. Iitta. Imu ag dahilnu madippeg, danab laala ele ag dahilnu oolagppa genab dooglag, da ahilagnu ele iikku unuqidttem.

1 Korint 1:2

i nai imu uɗugppa yaattep. I Kayaknu Kristen tamaniak Korint daatteb, ahilagnu yaattep. Ag Kristus Jesusnu, oppiaawak danab ah daatteb. Nug ag oppiaawak daaglagnu ag onilagppa eum. Amge Nug agib onilagppa ii eum. Iitta! Nug danab ah oh ag wan atu ohppa daana, ag Naɗi Jesus Kristus onigppa unuqidtteb amu, ag oh onilagppa eum. Jesus amu, Nug am ag ig ele, ig oh ihinig Naɗi daatte.

2 Korint 4:15

Kayaknu ehanittak okkai hamu megatte amu gemu danab kuɗum laala ahilagppa ambeebeb, ag Kayaknu, “Ena heme,” okkainab anana, ag Nug binag attan humaglagnu, keeke imu oh beum amu, ag ehanadkkunu beum.

2 Korint 7:14

Da anukka Taitus amegppa ag hettebnu ag onilag humami, amu ag anamib ena heppig amunu, da uɗal ii nette. Iitta. Nai oh ig ag amelagppa mehuqmut am nai genab dayom, anamib aakku ig Taitus noobppa ag onilag humamut, am nai amu oh ele am genabib.

2 Korint 8:9

Ag ihinig Naɗi Jesus Kristusnu ehanittak okkai hamu mettak kobol dootteb. Nug am keeke oh Mameg, amge Nug ag ehanadkkunu ha, Nug keeke iitta ele dayom. Nug ha, keeke iitta ele dayomnu diig am, amuppa ag Kayak noobppa enub danab daaglanu elele.

Kolosi 1:6

Nai Ena wan atu ohppa ukke, danab ag doonna heeg, naɗi ma amu kobol ena, doyak digdig ena ele danab kuɗum ag aakku aon hetteb. Anamib aakku ahilagppa digmeum, deɗ amuppa Nai Ena amu nug he, ag aon, ag Kayaknu ehanittak okkai hamu megatte ele diig genab doon, ag kobol ena, dabmak ena ele aɗan oitteb.

1 Tesalonaika 4:7

Aɗinu? Kayak Nug ig dubuttid ele oignignu ig oninigppa ii eum. Iitta. Dubuttid iitta, oppiaawak oignignu eum.

2 Timoti 2:10

Amunu amu, da ool ɠagattag qetten, da Kayak Nug danab ah nuhikkud tituanattom, ag ele Kristus Jesusnu eɗua awikkak aon, haen oh hab aabppa daaglagnu, da ag ehanadkkulnu heinne, uug imu oh maottem.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

Hibru 10:29

Aria, anukka danab nug ɗo tippalom amu, ag nug qeppeg mauhkkunu dayom amunu, gemu danab laa nug Kayak Bekka dimedatte ele, nuhignu attemnab? Danab amu nug geha qagaiettak naɗinab anidkkunu elele. Aɗinu? Nug Kristusnu, Nug am keeke hamu doya, Nug tiignu ele, amuppa Kayak Nug nug ele nug tituanya nai qagapiɗ, amuppa Kayak he, danab amu oppiaawak beum, amge danab amu nug tiig amunu keeke oppiaawak iitta doyom. Laa ele amu, nug Kayak Ouɗi, Nug ehanittak okkai hamu mettaknu diig amu, nug nuhigppa ele kobol eheɗnab heum.

Hibru 2:11

Laa amu, Jesus Nug he, danab oppiaawak betteb. Amu danab oppiaawak betteb ele, ag Nug ele oh am Mamelag laippu waappa daatteb amunu, Jesus Nug amu dilagnu, “Da lailad,” akkunu Nug uɗa ii nette.

Hibru 9:13

Am inam bia. Ɗo alagppa danab ag Kayak ele ouqak daaglagnu elele iitta daappig amu, mana mettak danab ag meeme tiilkad, makau dawai tiilkad, amu makau balat manaeg, uhuɗ meum ele amu, ag tiig, uhuɗ amu ele aon, danab Kayak ele ouqak daaglagnu elele iitta amu qaɗelagppa tauɗeg, Kayak amegppa danab amu ag beɗulagib oppiaawak daappig,

Hibru 9:18

Diig amunu nug tituana nai qakkak tatamnu ele am doɗ tiig gokkaɗakppa ɠagattag qettak ba dayom.

Hibru 9:26

Nug laa hetteb bia helo amu Nug haen kuɗum, Kayak wan heum uɗie, gemu haen imu ele guittak awawa daalo, amge anam iitta. Haen nakok malele, Kristus Nug haen laippu aakkuib wanppa na, hipunin uhuqkkunu nukka Nug beɗu mana mettak bia Kayak mettom.

1 Jon 3:18

O nid naunau dahilad, ig oɗenigppa, o naippaib ig lainkad dilagnu oonig aib mauhom. Iitta. Ihinig hakppa, doyak diig genabib ippunikkakppa ele ig lainkad dilagnu oonig mauhaɗ!

1 Jon 3:3

Am danab ah ag Kristus anidna, Nug daatte bia daaglagnu dabmak aɗan oitteb ele, ag Kristus Nug oppiak daatte, ag amubia oppiak daaglagnu hetteb.