Jon 17:17 - Nobonob Baibel

¹⁷ Nai nahip am doyak diig genabibppanu amunu, amuppa na heppe, ag oppiaawak daaglagnu ool daatte.

Jon 17:17 ပူးပေါင်းရင်းမြစ်များ

2 Samuel 7:28

O Naɗi Yawe, na am Kayak, na aɗi hekkutnu attem amu, na amu aakkuibnab hettem. Na keeke ena ena dahilppa hekkutnu da, nahip maɗi nid, da amelppa nahip nai amu anan qakkame.

Sam 119:104

Nahip oo yaak nai ɗo bia, nai amu diignu doyak tutukku da meɗatte, diig amunu da ib eheɗ ohnu, am nau ninig ele doottem.

Sam 119:11

Da nahip-ppa hipunin qak hepa, da nahip nai da oolppa mein, dabmak dahilppa ele memi.

Sam 119:144

Nahip ɗo am gemu tutukkuib daatte, hanhan anamib daakku. Am da bau daakkulnu amu, na da ehaniɗppe, da diignu doyak tutukku aokkulnu ool daatte.

Sam 119:160

Nahip nai oh amu genabib. Ge, nahip ɗo oh am genab tutukkuib, ag hanhan, alet daaglag.

Sam 119:9

O Yawe, danab ah bau ag attem hena, ag oolag oppiak ele na noomppa daaglag? Ag nahip nai dim lamidkkulag, ib amuppaib ag oppiak ele daaglag.

Sam 12:6

Yawe Nug aɗi atte amu, amuam danab laa nug silwa babaitta epeɗia awak, silwa enanag, dubuttid nakok laa iitta ele daakkunu nug haen eblaih aɗit ele anam he, enanagnab bette, am anam daatte. Ao, Yawenu nai am dubuttid nakok laa amuppa iinab daatte amu, Yawenu mattiak am ena eleleib, silwa dubuttid iittanab ele anamnab aakku daatte.

Luk 8:11

Jesus Nug anam ana amu, Nug nai baula tuɗitta aum. “Keeke danab ag dootteb ii dootteb ele ouaqaten ippuanatten mattimi amu, nuhig meu am inam. Ee aeg amu Kayaknu nai.

Luk 8:15

Amge ee aeg wan enappa nena qeppig ele, nai amu inam ippunigtte. Danab laa ag nai doon, ag aona oolagppa meeg, tutukku oolagppa ena dayeye, ag ɠagattag daanna meu otteb,” awa aum.

Jon 15:3

Da nai ag mattami amu he, ag oppiak beppig daatteb.

Jon 17:19

Da dahilad imu ag da aniɗna, nahip nai pehettak dim lamidna, oppiaawak daaglagnu amu, da na oɗen tutukkunab dim lamidttem.

Jon 8:32

Ag geha doyak diig genabib dooglag, amu doyak diig genabib amu heeb, ag uhuqak enappa daaglag,” awa aum.

Jon 8:40

Da doyak diig genabib Mame toppanu aomi amu mattiyi dooppig, amge ag da niɗaglag hetteb. Abraham nug anam ii heum.

Aposel 15:9

Nug ihinigppa kobol laa haaha, ahilagppa kobol laa ii heum. Iitta. Ag oolagppa genab doyeg, ahilag ooppa genab doyak amuppa Nug he, ag oolag oppiak dayom.

2 Korint 3:18

Amu keeke laa ig iɗunig ii haut-tte, Naɗinu binag amahlak oppiaawak ele ihinigppa uɗiaya, aam ameg lettodppa ya gotte, ig nuhig binag amahlak oppiaawak ele amubia heta daattem amu, Naɗi Nug ig Nug bia daagnignu baolikkekke, ig nuhig binag amahlak oppiaawak ele tuɗid tuɗid aot daattem. Naɗi Nug am Ouɗi, amu Nug anam aakku hette.

Epesus 4:21

Iitta. Ag nai dooppig ele amu, ag Jesusnu aeg iite dooppig? Ag Kristen beeg, ag nuhig nai genab aeg iite dooppig? Yo, ag anam dooppig.

Epesus 5:26

Ge, Kristus Nug tamaniak leppa amu Kayak naippa ele iheb, oppiaawak daakkunu,

2 Tesalonaika 2:13

Amge O ig lainkad ag, Naɗi Nug ahilagnu oo mauhtte amu, ig ahilagnu hanhan Kayak amegppa, “Ena heme,” aot akkunignab. Aɗinu? Kayak Nug digmakppanu ag eɗua diikkunu tituanattom; amu eɗua diiak amunu diig laa am Kayak Ouɗi Nug he, ag oppiaawak daatteb, diig laa am ag doyak diig genabibnu oolagppa genab dootteb.

Jems 1:21

Amunu kobol nau oh, kobol dubuttid oh ele, wan ohppa daatteb amu, ag amu oh maoppeg ukkeb, ag akka ag onilag qeppeg neeb, ag nai Kayak Nug ag oolagppa eppom daatte amu aweg! Nai amu nug ag eɗua diikkunu elele.