Jon 17:15 - Nobonob Baibel

¹⁵ Da na ag wan imuppanu diiadkkutnu oɗ ii medattem. Iitta. Na heppe, Satan nug ag diiadkkunu elele iitta daakku, da amunu na oɗ medattem.

Jon 17:15 ပူးပေါင်းရင်းမြစ်များ

Genesis 48:16

Kayak, Nug uug ohnu qagaiettakppanu uhuqiɗom amu; Kayak amunu amu, da Nug nid aɗit imu itittak ena matakkunu ool daatte. Ahilahnu amu, aa da alal Abraham, da mamel Aisak amu da ele, aa ig buɗunig ooppa daaglahnu ool daatte, amu aa appatpeɗ, buɗultippa danab kuɗum bekkulagnu ele ool daatte,” awa aum.

1 Stori 4:10

Jabes nug Israel dilag Kayak unuqitta, inam aum. “O Kayak, na da itittak ena meɗan heppe, dahil wan am okkai daakkunu, da guittak ii doopanu, da na eppenppa daappi, na ehaniɗppe, uug laa dahilppa ii bemanu unuqidttem,” awa unuqittom. Jabes nug anam unuqitte, Kayak Nug Jabes unuqittom bia nuhigppa heum.

Sam 121:7

Yawe Nug heeb, uug, guittak keeke nahip-ppa ii beeb, Nug heeb, na bau daakkut.

Sam 30:9

Da ami. “⌊O Naɗi,⌋ da mauhkkul dayeb amu, na amuppa ehanittak laa aokkutte? Ao, danab ag da mauhak moɗppa meiɗppeg amu, na amuppa ehanittak laa aokkutte? Da mauhe, moɗppa gappud mekkul dayeb amu, gappud amu na binan mekkute? Ge, da mauhen, gappud mekkul dayeb, da nahip oo metta ii uuak kobolnu danab ah oh amelagppa akkulte? ⌊Amu oh iitta⌋.

Eklisiastis 9:10

Na gemu bau daattem amu, na haen imuppa aɗi uɗat hekkutnu anidkkut, na nahip ɠagattag ohppa he! Aɗinu? Na moɗppa gokkutnu oittem amu, appa danab laa nug uɗat laa ii hette, nug keeke laa hekkunu maittak ii aotte, appa doyak laa ii daatte, doyak dabmak ena ele laa ii daatte.

Aisaia 57:1

Genab tutukku hak danab ag mauhegeg, laa ag amu diignu ii dabmetteb. Ao, laa ag Yawenu oo metta ii uuak kobol dim lamidtteb ele amu, laa ag diia ugekke, danab ah laa ag amu anidna, ag amu diignu doyak tutukku ii aotteb. Kobol amunu diig am, Yawe Nug genab tutukku hak danab amu, ag uug naunab ahilag haenppa bekku, ag uug amu anidmananu Nug ag diia gotte.

Matyu 5:37

Ag, ‘Yo,’ akkulagnu dayeb amu, ‘Yo,’ akkulag. Am aakku elele. Aria, ag ‘Iitta,’ akkulagnu dayeb am, ‘Iitta,’ akkulag. Am aakku elele. Ag nai baula ele tuɗidna maditteb dayeb amu, amuam Satan he bette.

Matyu 6:13

Na ippun ena, ig nau hekkunignu eeɗak iittappa omaigna, Satan eppegppanu awigkkutnu oɗ medattem.’ ” Jesus Nug anam aum.

Luk 11:4

Laa hipunin megatteb, ig uhuqta madattem amubia na hipunin ihinig uhuqna megakkutnu na unuqidttem. Na ippun ena, ig nau hekkunignu eeɗak iittappa omaigppe gokkunignu oɗ medattem,’ ” awa aum.

Luk 22:32

amge Saimon, da na ehanitten, ooppa genab doyak nahip amu iitta ii memanu Kayak unuqidmi. Amu geha na eɗun ɠagattag daanna, na laipad ɠagattag daaglagnu ehanatte!” awa aum.

Galesia 1:4

Kristus Nug Kayak, ig Mamenig, Nug oo dayom amu dim lamitta, Nug ihinig hipunin uhuqa megakkunu, Nug nukka bau dayak nuhig uua, ad emaitakppa mauhom. Nug anam heumnu diig am, Nug ig kobol nau, gemu wannu haen imuppa daatte, amu waappa ii daamtanu heum.

2 Tesalonaika 3:3

Amge Naɗi, Nug oo metta ii uuak kobol dim lamidtte amu, Nug ɠagattag aqeb, Satan nug ag ii eeɗadma.

2 Timoti 4:8

amu gemu nob ena da aokkulnu amu, Kayak Nug aakku meum daatte. Nob ena amu Naɗi, Nug danab ah tutukkuib epeɗiadtte ele, Nug eɗua hibaittaknu deɗppa da meɗakku. Amge dakkaib iitta. Aun laa oh ag Nug eɗua uɗikkunu tappaɗidna daatteb ele, Nug ag ele madakku.

1 Jon 5:18

Ig doottem, danab aun nug Kayak bekka daatte amu, nug hipuninppa ii oitte. Kayak Bekka Jesus, Nug nug atognotte. Satan nug danab amu nakok laa ii aɗatte.

1 Jon 5:19

Ig doottem, ig Kayak bekkod daattem, amge wanppanu danab ag Satan waappa daatteb.