Jon 17:1 - Nobonob Baibel

^1-2 Jesus nai mattiowa, Nug ameg huma, hab attan neekka dayaya, unuqitta aum. “O Mame, haen aakku uɗiom. Da am na bekkat. Da danab ah na meɗame ele, da ag bauklel hanhannu madakkulnu, na da danab ah oh dilag ikkilag daakkulnu ɠagattag meɗame amunu, da na binan amahlak oppiaawak ele na medakkulnu, na da binal amahlak oppiaawak ele meɗakkutnu oɗ medattem.

Jon 17:1 ပူးပေါင်းရင်းမြစ်များ

Sam 123:1

O Yawe, naib sia king nahip-ppa hab attan dayeye, da neekki, attan nahip-ppa tette.

Aisaia 38:14

Da ai laala, ahilag gayak oqotti teppu iitta ele, da anambia gaami. Uppuɗil beɗulag nakok laa, nug nakok gaatte, da anambia gaami. O Kayak, da gaai ukke, nahip ehanittak anidkkulnu nahipnu neekki, da amel guittom. Da uug doottem. O Naɗi, na uɗin, da ehaniɗkkutnu od medattem.

Mak 14:41

Aria, haen ewam batak nug eɗua ukka, ag niiegeg anatta amu Nug ag amelagppa aum. “Ag iite ahappig? Ag tuɗidna niin, hik ele aottebte? Aakku elele! Haen aakku doum. Danab nug Danab Bekkalag da, hipunin danab eppelagppa meiɗkkunu haen aakku doum.

Luk 18:13

Nug anam aum, amge takis awak danab nug piɗe dayaya, dup noa, hab attan ii neekkom. Iitta. Nug eheɗnab doyom amunu, nug eppegppa momo qeutata, nug aum. ‘Kayak, da am hipunin danab amunu, na dahilnu oot gai-iitta doon oot meɗan ehaniɗkkutnu oɗ medattem,’ awa aum.”

Luk 22:53

Deɗ oh da ag ele Kayaknu mettid lag ooppa daamut, amge ag ii aɗailppig Anam amge haen imuam ahilag haen, amu Satan nug uɗat nuhig ahilagppa hette,” awa aum.

Jon 11:4

Jesus Nug amu doya aum. “Oɗe amunu gogppa tak am mauhak, ⌊wan imuppa baula daamanu⌋ iitta. Iitta. Oɗe imuppa Kayak Nug binag amahlak oppiaawak ele awebeb, Kayak Bekka da, da ele amuppa binal amahlak oppiaawak ele aokkulnu daatte,” awa aum.

Jon 11:41

Jesus anam a, ag men oɗe ameg matulppig. Matuleg, Jesus hab attan neekkakka aum. “Mame, na unuqittak dahil doome amu da amunu, ‘Ena heme,’ awe attem.

Jon 12:23

Aeh amu Jesus Nug amelahppa aum. “Danab Bekkalag da, da binal amahlak oppiaawak ele aokkulnu haen aakku uɗiom.

Jon 13:1

Pasowa Hobulnu deɗ ii neum, amu haen miag dayomppa, Jesus Nug doyom, Nug wan imu uua, Mameg toppa gokkunu haen aakku malom. Nug anam doya, Nug nuhikkud, ag wan imuppa daappig amu, Nug ahilagnu oo mauhe, Nug genab anam huanak doyom amu gemu ippuanattom.

Jon 16:32

Antteg! Haen aakku miag uɗiom. Ao, haen aakku doum. Laa ag ag lamadppeg, da uuiɗna, matatun appalagppa ukkadkkulag. Amge da dakka ii daapa. Iitta. Da Mamel Nug da ele daagnih.

Jon 7:30

Jesus Nug anam a, ag Nug aɗaglagnu heppig, amge nuhig haen ii malom amunu, laippu laa nug Jesus ii aɗom.

Jon 7:39

Jesus Nug nai amuam Kayak Ouɗinu aum. Danab ag oolagppa genab dooglag ele, ag aoglag. Amge haen amuppa Jesus Nug Mame toppa ii ukkom amunu, Kayak Ouɗi, Nug danab oolagppa ii dayom.

Jon 8:20

Nug nai amuam Kayaknu mettid lag nuhig tomppan keeke oh ele ooppa, men doɗonu kunup guguittak dayaya ippuanattom, amge Nug mauhkkunu haen ii malom amunu, laa Jesus aɗakkun ii heum.

Aposel 3:13

Abrahamnu, Aisaknu, Jakop elenu Kayak, Nug am ig mamenkad aɗi dilag Kayak, Nug aakku nuhig uɗat imuppa nuhig maɗi nid Jesus binag amahlak oppiaawak ele mettom. Amge ag amu, ag Nug aon, kekeɗ eppelagppa meppig. Pailat nug uhuqkkunu aum, amge iitta, ag am danab amu, Nug Jesus amu, ag Nug Pailat noobppa dimedappig.

1 Pita 1:21

Nuhigppa ag Kayaknu oolagppa genab dootteb. Nug mauhe, Kayak Nug he, Nug eɗua hibaitte, Kayak Nug binag amahlak oppiaawak ele Nug mettom amunu, ahilag ooppa genab doyak, keeke ena bekkunu dabmak aɗa oiyak ahilag ele amu, Kayak Nugib keeke aɗit amu diilah daatte.