Jon 16:5 - Nobonob Baibel

⁵ Gemu amu da laa, Nug meiɗe uɗimi ele, da Nug gumitte gottem. Amu ag oolagppa laippu laa nug da oɗ meɗa, ‘Na adeppa gottem,’ laa ii atte.

Jon 16:5 ပူးပေါင်းရင်းမြစ်များ

Jon 13:3

Jesus Nug Mameg keeke oh Nug eppegppa meum doya, Nug Kayak toppanu uɗiom, Nug eɗua Kayak toppa gokkunu ele doyom

Jon 13:36

Jesus anam a amu Saimon Pita oɗ mettom. “Naɗi, na adeppa gokkut?” Pita anam a amu Jesus Nug amegppa aum. “Aben da gottem ele, amuppa amu gemu na da dim lamiɗna gokkutnu elele iitta, amge dimppa amu, na dim lamiɗkkut,” awa aum.

Jon 14:28

‘Da ag uuatte ukkoya, da eɗuen ag gumatte uɗikkul,’ ai dooppig. Ag genab dahilnu oolag mauhlolob, ag da Mame toppa gokkulnu amu, ag amunu oolag gamag ahalo. Aɗinu? Mame Nug am Naɗi, Nug da eɗilak.

Jon 16:10

Nug genab tutukku hak kobolnu ippuanatteb, ag dooglag, ag kobol ena hekkulagnu elele daaglag. Aɗinu? Da Mame toppa gottem; danab ah ag da baula ii aniɗmana.

Jon 16:16

Nakok laa ele ag da ii aniɗmana. Nakok laa ele dimppa amu ag da baula aniɗkkulag,” awa aum.

Jon 16:17

Jesus anam a amu ippunittak awak danab nuhikkud laala ag akka akka nug oɗ mettan appig. “Nai nuhig imuam diig attemu? ‘Nakok laa ele ag da ii aniɗmana, amu nakok laa ele dimppa amu ag da eɗun aniɗkkulag.’ Nug inam ele aum, ‘Da Mama toppa gokkul.’

Jon 16:28

Genab, da Mama toppanu uɗie, wanppa nemi daattem. Gemu am da wan imuppan ahe, eɗue Mama toppa gokkul,” awa aum.

Jon 17:13

Da gemu na gumitte gokkulnu daattem, amu dahilad danab ag maɗoɗppan gamag ahak dahil oh aoglagnu amu, da amunu wanppa dayeye, nai imu madittem.

Jon 17:4

Uɗat na da meɗame amu, da hein malami, amuppa da wan imuppa na binan amahlak oppiaawak ele mettami.

Jon 6:62

Anam dayeb amu Danab Bekkalag da, da anukka daadmi, aben amuppa eɗuen tebippi aniɗna amu, ag attem dooglag?

Jon 7:33

Uɗieg am Jesus Nug aum. “Da haen tutuib ag ele dayota, da eɗuen, laa Nug da meiɗe uɗimi ele amu, nuhigppa gokkul.

Hibru 1:3

Aam lettod ye, amahlak amia ukke, danab ah anidtteb, amubia Kayak Bekka Nug Kayak binag amahlak oppiaawak ele he, danab ah anidtteb, amu Nug Mameg daatte, amubianab daatte. Nug keeke oh nuhig naippa ɠagattag aqadtte. Nug nuhig mauhakppa Nug danab dilag hipunin uhuqa mattaknu ib ooɗom. Nug ib amu ooɗowa, Nug eɗua hab aabppa ta, Nug Kayak, Nug dagom onig ɠagattag ele, Nug Nug eppeg naɗiap-ppa daatte.

Hibru 12:2

Amu ig amenig ukkeb, Jesus, Nug am ooppa genab doyaknu diig daatte, Nug ooppa genab doyak ihinig elelenab medakku diig ele amu, ig Nug anidtu! Jesus Nug anukka maɗoɗppan gamag ahak geha dimppa anidkkunu dabmeum amunu, Nug ɠagattag dayaya, ad emaitakppa uug doyaya, guittak awa mauhom. Ad emaitakppa mauhaknu amu uɗa nak ele, amge Nug dimppa maɗoɗppan gamag ahak okkai aokkunu dabmaama, uɗa nak amunu dab-ii-meum; am keeke hamu bia doyom. Nug amu hewowa, Nug hab aabppa, Kayak eppeg naɗiap-ppa heɗep na dayom.