Jon 16:4 - Nobonob Baibel

⁴ Da nai imu mattiminu diig am haen amu beebeb, da dabmak awaknu nai imu mattami amu, ag daulagppa dokku. Digmakppa da ag ele daamut amunu, da nai imu ag amelagppa ii ami; gemuib madittem.

Jon 16:4 ပူးပေါင်းရင်းမြစ်များ

Matyu 10:7

Ag gonana amu, ag inam mehuqna aeg! ‘Kayaknu ɗo maɗoɗ miag doum daatte,’ aon aig!

Matyu 24:25

Doyeg! Keeke amu ii neumppa, da ag dabmekkulagnu nai iikku ag amelagppa ain malami.

Matyu 9:15

Ag Jesus amegppa anam appig amu, Jesus Nug aum. “Da am danab nug ah aotte bia. Aria, dahil ippunittak awak danab, ag am da lailad. Amu ig doottem, ewau matulak haen am oo gamag ahak ele amunu, danab nug ah aotte, nug daatte haenppa, nug laikkud ag uug doonna, ee ohnu kud mena daaglagnu am iitta. Ag oolag gamag ahak ele amunu, ag ee ii uumna, ag lakkulag. Anam aakku daatte, amge deɗ laa dimppa ag lailag, ah awom ele amu, nug laih ukkeb, haen amuppa ag oolag uug ele amunu, haen amuppa ag ee ohnu kud mena daaglag. Amu da ami, amubia. Da am danab ah aotte bia. Dahil ippunittak awak danab ag am da lailad bia. Da gemu ag ele daattem amunu, ag ee ohnu kud mena daaglagnu elele iitta. Dimppa da goppi, ag anam hekkulag,” awa aum.

Mak 13:23

Amunu ag dabmeig! Da keeke amu ii neumppa, keeke amu ohnu ag amelagppa ain malami,” awa aum.

Mak 2:19

Ag Jesus amegppa anam appig amu, Jesus Nug aum. “Da am danab nug ah aotte bia. Aria, dahil ippunittak awak danab ag am da lailad. Amu ig doottem, ewau matulak haen am oo gamag ahak ele amunu, danab nug ah aotte, nug daatte haenppa, nug laikkud ag uug doonna, ee ohnu kud mena daaglagnu am iitta. Ag lailag daatte haenppa ag ee ohnu kud mena daaglagnu elele iitta. Ag oolag gamag ahak ele amunu, ag ee ii uumna, ag lakkulag.

Luk 1:2

Digmakppanu ukke batakppa danab ag keeke amu anidppig ele ag aeg doout yaappig. Ag am Nai Ena mehuqak danab daanna, nai amu aeg doomut.

Jon 13:19

Da imu ii beumppa iikku ag amelagppa attem amunu dimppa beeb amu, ag oolagppa genab dooglag, da am Kayak Bekka.

Jon 14:29

Keeke imu neeb, ag oolagppa genab dooglagnu amu, da keeke imu ii neumppa iikku da ag amelagppa ami.

Aposel 9:16

Geha nug da onil ag ippuanattatta, amuppa nug uug nau digdig maokkunu daatte amu da nug ippunidkkul,” awa aum.

2 Tesalonaika 2:5

Da ag ele daamut haenppa da nai imu ag amelagppa mattimi amu daulagppa daattete?

2 Pita 1:14

Aɗinu? Da ihinig Naɗi Jesus Kristus, Nug da ippuniɗom bia, haen elab iitta amu da beɗul imu uuidkkulnu doottem.