Jon 16:24 - Nobonob Baibel

²⁴ Uɗie uɗie, gemu batak ag keeke laanu da onilppa Nug oɗ ii medappig. Ag maɗoɗppan gamag ahak doonna daappeg, oolag mekkunu amu, ag Kayak keeke enanu unuqidppeg, Nug ag madakku.

Jon 16:24 ပူးပေါင်းရင်းမြစ်များ

Genesis 32:9

Anam awowa, Jakop nug unuqitta aum. “O Yawe, na am da alal Abrahamnu Kayak, da mamel Aisaknu Kayak ele. O Yawe, na dahilnu inam ame, ‘Na eɗun, na appan diigppa, amu na nahipadppa ele gumadna goppe, da na ena atognoidkkul,’ aon ame.

1 King 18:36

Amu tueb me, mana mettak haknu haenppa, propet Elaiya nug qaɗab guguitta wana, nug unuqitta, nug inam aum. “O Yawe, na am Abraham, Aisak, amu Israel ele dilag Kayak, na gemu deɗ imuppa na nakkaib Israel ippa Kayak daattem amu, na danab ah imu ippunadkkutnu, da na oɗ medattem. Laa amu, danab ah ag da am nahip maɗi nid, da nahip haknunab nai dim lamitte, keeke imu oh hemi amu, ag amu anidna dooglagnu ele ippunadkkutnu, da oɗ medattem.

2 King 19:15

Hesekaia nug kola me dayeye, nug Yawe inam unuqittom. “O Yawe, na Israel dilag Kayak, na Tituanak Nainu Kunupnu engel okkai-kerubim aɗit dottolah gamalahppa sia king nahip-ppa daattem. Na hab, wan ele hatame. Na aakkuib am wan ohppan Kayak daattem.

Matyu 6:9

Am anam amunu, ag inam unuqitteg! ‘Ig Mamenig, na hab attan daattem. Na heppe, ig danab oh ig na onin am oppiaawak daatte dootu!

Jon 14:1

Amu Jesus nai tuɗitta aum. “Ag oolag uug aib dayom. Ag Kayaknu oolagppa genab doona, ag dahilnu ele oolagppa genab doyeg!

Jon 14:14

Ao, ag aɗi keekenu da onilppa da oɗ meɗaglag amu, da hekkul.

Jon 15:11

Da maɗoɗppan gamag ahak dahil ahilagppa daakkunu nai imu mattimi. Amuppa ahilag maɗoɗppan gamag ahak ag oolagppa ambaknab daakku.

Jon 16:23

Jesus Nug anam ana, Nug nai tuɗitta aum. “Geha deɗ amuppa ag keeke laanu da iinab oɗ meɗamna. Da genabnab genab ag amelagppa attem. Mama Nug aɗi keeke ag da onilppa Nug oɗ medappeg amu, Nug ag madakku.

Jon 3:29

Amunu amu da am nid baunu kadoi bia. Nid bau nug ah aotte amu, ah amuam nuhigib, amge kadoi nuhig nug layag ah aotte doya, maɗoɗppan gamag ahak dootte. Nid baunu kadoi nug maɗoɗppan gamag ahak amu dootte, amubia da Jesusnu oolppa maɗoɗppan gamag ahak okkainab doottem.

2 Tesalonaika 1:2

Mama Kayak, amu Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu oonig daatte.

2 Jon 1:12

Da keeke kuɗum yen madakkul daatte, amge da uɗugppa yaakkulnu ool ii daatte. Iitta. Da ig oh maɗoɗppan gamag ahak ena aognignu ag gumatte ukke anatten, da ag ele oh nug iɗu anidtata, nai mattignignu dabmettem.