Jon 16:2 - Nobonob Baibel

² Danab ag Juda dilag nai doyak lag ooppanu lamadkkulag. Ge, dimppa haen beeb, ag ag aqappeg mauhppeppeg, ‘Ig Kayaknu uɗat ena hettem,’ aon akkulag.

Jon 16:2 ပူးပေါင်းရင်းမြစ်များ

Aisaia 65:5

Ag amu hewona, ag ahan, laa amelagppa, ‘Da am danab enanag, da am Kayaknu oppiaawak ele amunu, na gukkuiɗna aib uɗime!’ ⌊hambuppun⌋ atteb. Aab kah danab noobppa te, eheɗ dootte, amubia da ahilagnu anam doottem. Aab amunppa hanhan ewewe, aab kah taata, anam danab noolagppa hette, amubia da anam doottem.

Aisaia 66:5

Ag laa, ag Yawenu nai doon, ag tippalmananu baɗatteb ele, ag nuhig nai imu doyeg! “Ag lailkad ag ahilagnu nau ninig ele dootteb amu, ag da onilnu geɗadna, inam aon aon aqan, deɗ laala appig. ‘Yawe Nug heeb, ig nuhig ɠagattag anidtu! Nug anam heeb, ag oolag gamag aheb anidtu!’ Ag anam deɗ laala appig, amge da heppi, ag uɗalag nekku.” Yawe Nug anam atte.

Daniel 11:33

Israel oolagppa laa ag doyak dabmak ena ele, ag laa kuɗum ippunittak ena mattaglag. King amu, nug laikkud ele ag amu dilagnu eheɗ doon, qep elabppa aqaglag, o ag aab ewakppa buɗiadppeg teppeg, aab ewadkku, o ag ahilkad keeke yab aoglag, o ag diin, maniguittakppa inadkkulag. Ag amu deɗ gane, o kalam gane, o maɗ gane anam hekkulag, amge danab doyak dabmak ena ele ag laa kuɗum ippunittak ena mattaglag.

Matyu 10:28

Laa ag beɗulag aakkuib qekkulagnu elele, ag dottolag qekkulagnu elele iitta amu, ag amu dilag aib baɗappig. Iitta. Laa nug beɗulag, dottolag ele oh heeb, padal mak abenppa padal mekkulahnu elele amu, ag nuhignu baɗeg!

Matyu 24:9

Anam amu haen amuppa laala ag ag aɗualadna, eheɗ hattanna, ag aqappeg mauhkkulag. Am geha danab ah oh ag ahilagnu nau ninig ele dooglag. Aɗinu? Da onil ahilagppa daatte.

Luk 6:22

Ag Danab Bekkalag da, ag da dim lamiɗtteb ele amu, ag da dim lamiɗtteb amunu, haen danab ag amu dabmetteb, ag ahilagnu oolagppa nau ninig ele doon, ag geɗadna, nai nau ahilagnu anana, ag am danab nau ele atteb amu, ag dahilad amu ag itittak ena aoppig daatteb.

Jon 12:42

Aisaia anam antta yom amubia ikki danab kuɗumnab ag oolagppa genab ii dooppig, amge laala kuɗum, ag oolagppa genab dooppig. Ag oolagppa genab dooppig, amge ag ɗo gumak danab-Parasia, amu dilag baɗappig. Ag ag lamadppeg, nai doyak lag dimittim daamnanu baɗana, oolagppa genab doyak amu miag ii atippig.

Jon 16:25

Da keeke danab ag dootteb ii dootteb ele ouaqate ippuanattette, keeke imu ohnu ag amelagppa mattimi, amge geha haen uɗieb, da baula ag amelagppa anam bia ii madipa. Iitta! Da nai miag matule, Mamenu madikkul.

Jon 16:32

Antteg! Haen aakku miag uɗiom. Ao, haen aakku doum. Laa ag ag lamadppeg, da uuiɗna, matatun appalagppa ukkadkkulag. Amge da dakka ii daapa. Iitta. Da Mamel Nug da ele daagnih.

Jon 4:21

Anam a amu, Jesus oɗeppa awa aum. “Ah, na dahil nai ootppa genab doye! Haen elab iitta ag baula Mame Kayak Nug noobppa dup nona binag mekkulagnu qauko imuppaib Nug noobppa dup nona binag ii memana, o Jerusalem appaib ele Mame Kayak Nug noobppa dup nona binag ii memana.

Jon 4:23

Amge haen aakku uɗiom, danab ag Nug noobppa dup noa binag mak genab hekkulagnu amu, ag Kayak Ouɗi, nuhig ehanittakppa, amu doyak diig genabib eleppa Mame noobppa dup nona binag mekkulag. Dup noa binag mak anam amu, Mame Nug oo daatte.

Jon 9:22

Anig mameg ele aa Juda okkai dilag baɗapiɗ amunu aa anam apiɗ. Juda okkai ag tatam nai inam qagappig. “Danab laippu laa nug Jesus am Kristus akku amu, ig nug lamidpput, Juda dilag nai doyak lag uua, Kayak binag maknu elele iitta dimittim daakku,” appig amunu, aa baɗapiɗ.

Jon 9:34

Nug anam a amu, ag amegppa appig. “Na anin nug menuittette, na hipunin danab daan autna aome amunu, aɗinu na ig ippunigkkutnu hettem?” aon appig. Ag anam ana, lamitteg dimittim ukkom.

Aposel 5:33

Ag nai amu aeg doonna, ag oppoɗilag be amelag kokoɗ eppe, totol danab 12 aqappeg mauhkkulagnu appig.

Aposel 7:56

Antta, Stiven nug aum. “Antteg! Da hab aab obate, Danab Bekkalag Nug Kayak eppeg naɗiap-ppa hibaitta dayeye anidttem,” awa aum.

1 Korint 4:13

Ag ihinignu baeg qak nai aeg, ig nai bodoettakppa ag amelagppa attem. Ig am wan ohppanu kinipan daatte, amubia daattem. Ao, ig danab oh dilag kinipan, amubia daattem. Ig anamib daaut uɗie, gemu ele daattem.

Pilipai 3:6

Yag-nab-bak doyaya uɗat huana hak kobolnu amu, da ɠagattag hein, da Kristen tamaniak eheɗ nau hattami. Amu ɗo dim lamittakppa genab tutukku hak danab daakkunu amu, da huana hei, laa nug ɗo aɗi aɗi hekkunignu ippunigtte amu, nug dahilppa eheɗ hak laa anidkkunu elele iittanab.

Revelesen 6:9

Amu Sipsip Nag Nug buk itoɗiak qataqak ebqak 5 tolom. Tole amu qaɗab waappa danab ah Kayak nainu oolagppa genab doona, mehuqppig ele amunu, laa ag aqaeg mauhppig ele amu, da ag dottolkad anadmi.

Ikki Danab 6:30

Ag aakku Gideon, Joas bekka heum doona, ag Josanu ena appig. “Na bekkat lautppanu aon dimittim dona, ig mekke! Nug kayak hambuppuak Balnu qaɗab loppaɗe ne, kayak hambuppuak Aserah dabmekkulagnu biidod ele okkulom amunu, nug mauhkkuoitte,” aon eppig.