Jon 16:19 - Nobonob Baibel

¹⁹ amu Jesus Nug doyom, ag Nug ele oɗ mettaglagnu heppig amunu, Nug ag amelagppa aum. “Da nai ami amunute ag akka akka nug oɗ medatteb? Da inam ami. ‘Nakok laa ele ag da ii aniɗmana amu nakok laa ele dimppa amu ag da eɗun aniɗkkulag!’ awe ami.

Jon 16:19 ပူးပေါင်းရင်းမြစ်များ

Matyu 6:8

amge iitta aɗi ag kobol hetteb, ag amubia aib heppig. Ag, ag Mamelag ii unuqidkkulagnu ii digmeppig haenppa Nug ag keeke ohnu tutu metteb ele amu, Nug dootte.

Matyu 9:4

Ag dabmak amu aoegeg, Jesus Nug nuhig dabmakppa amu doya, Nug ag amelagppa aum. “Ag aɗinu dabmak nau anam aotteb?

Mak 9:32

Nug anam aum, amge ag nai amunu oolag tutukku ii maittom, amge ag Jesus Nug nai amu mehuqkkunu oɗ mettaglagnu baɗappig.

Jon 13:33

O nid naunau dahilad, haen nakoknab da ag ele daagnig, amu dimppa ag da mattiɗkkulag. Da tatam Juda okkai amelagppa ami amu, gemu da ag amelagppa ele iikku attem. Ag aben da gottem ele, amuppa ag gokkulagnu elele iitta.

Jon 14:19

Nakok laa ele wan imuppan danab ah wannu kobol dim lamadtteb ele, ag da ii aniɗmana, amge ag dahilad daatteb amu, ag am da aniɗkkulag. Da haen amuppa bau daakkul amunu, ag ele bau daaglag.

Jon 16:16

Nakok laa ele ag da ii aniɗmana. Nakok laa ele dimppa amu ag da baula aniɗkkulag,” awa aum.

Jon 16:18

‘Nakok laa ele,’ nai amuam diig attemu? Nug aɗitainu nai amu aum amu ig diig ii doottem,” aon appig. Ag anam anana, akka akka nug oɗ mettaegeg,

Jon 16:23

Jesus Nug anam ana, Nug nai tuɗitta aum. “Geha deɗ amuppa ag keeke laanu da iinab oɗ meɗamna. Da genabnab genab ag amelagppa attem. Mama Nug aɗi keeke ag da onilppa Nug oɗ medappeg amu, Nug ag madakku.

Jon 16:26

Haen amu uɗieb, ag geha Nug da onilppa oɗ mettaglagnu amu da ag oulag dayeye Nug unuqidkkulnu ii attem.

Jon 16:30

Gemu amu ig doottem, na keeke oh doottem amunu, danab laa nug tatam na oɗ metteb, na dimppa nug nob medakkutnu iitta. Iitta. Na oɗmak amu matu doon malan, nob mekkutnu elele. Amuppa na Kayak toppanu uɗime amu, ig oonigppa genab doottem,” aon appig.

Jon 21:17

Jesus baula ewam batak Pita oɗ mettom. “Saimon, Jon bekka, na dahilnu oot mauhttete?” awa aum. Pita Jesus haen ewam batak, “Na dahilnu oot mauhttete?” aum amunu ooppa guittak doyaya, nug Jesus amegppa aum. “Naɗi, na keeke oh doon malame, amu na da nahipnu ool mauhtte ele doottem,” awa aum. Pita anam a amu Jesus amegppa aum. “Dahil sipsip bekkadna meɗe!” awa aum.

Jon 6:61

Ag anam appig, amge Jesus Nug ippunittak awak danab, ag akka akka nuhig nai mattiak amunu ag oolagppa elele ii daye, nai kuɗum madippig amu, Nug nukka ooppa matunab doyom amunu, Nug ag amelagppa aum. “Ag nai amu aoglagnu elele iite dootteb?

Jon 7:33

Uɗieg am Jesus Nug aum. “Da haen tutuib ag ele dayota, da eɗuen, laa Nug da meiɗe uɗimi ele amu, nuhigppa gokkul.

Hibru 4:13

Amu keeke laippu laa Kayak Nug amegppa lokkumak iinab daatte. Iitta. Keeke oh am Nug amegppa miagib amahlakppa daatteb. Amu dimppa ig Nug noobppa daata, ihinig haknu Nug amegppa mattignig.

Revelesen 2:23

Da nuhikkud nid ele heppi mauhkkulag. Amuppa Kristen tamaniak oh ag dooglag, da danab oolag, amu ahilag dabmak ele epeɗie aute aottem. Amu ele, da Taiataira daatteb, da ahilag hak attemu amu, da amuppa nob madakkul.