Jon 15:8 - Nobonob Baibel

⁸ Haen ag meulkad huanak otteb amu, ag dahil ippunittak awak danab genab daatteb. Amu amuppa da Mamel Nug binag amahlak oppiaawak ele aotte.

Jon 15:8 ပူးပေါင်းရင်းမြစ်များ

Aisaia 60:21

Ag Juda danab ah oh ag genab tutukku hak kobolib dim lamidnana, ag ahilag wan aon, amuppa hanhan daaglag. Laa ag ahilag wan baula ii gumamna. Danab nug ee eppe, qaɗu ba okkai me, nuhig daatte, amubia ag Juda ag dahil daaglag. Danab keeke eppegppa he, nuhig daatte, amubia ag dahil daaglag. Da danab ah laa oh ag dahil binag amahlak oppiaawak ele anidkkulagnu da hak anam hekkul.

Hagai 1:8

Da dahil lagnu ena dookkulnu, danab ah ag da binal mekkulagnu amu, ag ahan, qaukoppa tena, ad appanu aon uɗin, dahil mettid lag heig!” awa atte.

Matyu 5:16

Amubia ag dahilad daatteb ele, laala ag ahilag kobol ena anidna, ag ag Mamelag, hab attan daatte amu, Nug binag mekkulagnu, ag ahilag amahlak danab amelagppa amahalaɗ!

Matyu 5:44

Amge da ag amelagppa attem. Ag ahilkad kekeɗnu ag oolag mauhaɗ! Amu aun laala ag ahilagppa eheɗ hadatteb amu, ag Kayak ahilagnu unuqitteg!

Matyu 9:8

Ugekke, danab ah kuɗum ag amu anidppig amu, ag Kayaknu ebehilkad oh bodoetta le me, ag Kayak, Nug danab uɗat amu hekkulagnu ɠagattag mattom ele amu, ag Nug binag meppig.

Luk 6:35

Amge ag kekeɗ ahilkadnu ag oolag mauhaɗ! Amu ele ag ahilagppa kobol ena heig! Danab ag ahilagnu lon aoglagnu appeg amu matteg! Mattona, dimppa ag ahilagppa keeke amu eɗun aoglagnu aib dabmeppig. Ag anam heppeg amu, nob ena ahilag am okkai daakku. Ag Kayak Attannab Laa Oh Eɗattak, ag Nug bekkod daaglag. Aɗinu? Nug nuhig oo doyakppa danab laala, ag danab nau, danab nuhignu dab-ii-metteb ele, ag akka ahilagib dabmetteb ele, Nug amu dilag ele keeke ena madatte.

Jon 13:35

Ag akka akka nug oo mauhak dooglag dayeb, danab laa ag miagib dooglag, ag amu ippunittak awak danab dahilad,” awa aum.

Jon 15:5

Da amu muɗi grep, ag amu muɗi grep ebekkud. Laa nug dahilppa daatte, da nuhigppa daattem amu, nug meu kuɗumnab otte. Ag da uuiɗkkulag dayeb, ag keeke laa hekkulagnu elele iitta.

Jon 8:31

Juda danab ag Jesusnu oolagppa genab dooppig ele amu, Nug ag amelagppa aum. “Ag ippunittak nai dahil dim lamidtteb dayeb amu, ag am genab ippunittak awak danab dahiladnab daaglag.

1 Korint 10:31

Amge ag ee le ele lakkulag, o keeke laa hekkulag amu ag keeke amu ohppa ag Kayak binag amahlak oppiaawak ele mekkulagnu aakkuib dabmenan heig!

1 Korint 6:20

Aɗinu? Kayak Nug ag hipuninnu qagaiettakppanu eɗua uhuqadkkunu daden maattom amunu, ag Kayak binag mekkulagnu, ag beɗulkadppa ele Kayak binag meig!

Pilipai 1:11

Oo mauhak kobol ahilag am okkai dayebeb, haen ag wan imuppa oitteb ele, genab tutukku hak kobolppan meu, Jesus Kristus he betteb ele amu, meu amu oh ahilagppa naɗi daaglag. Amuppa ag Kayak Nug binag amahlak oppiaawak ele okkai medappeg, Nug binag naɗi ele daakku.

Taitus 2:5

ag akka ag oiyak pehettak atognoak kobol dim lamidna, ag oppiak daaglagnu, ag laulag atognona dabmettanna bappaidkkulagnu, ag kobol ena hekkulagnu, ag gamulkad waalagppa daaglagnu appe doyeg! Diig aɗinu ag anam oiglag. Amunu diig am dimittim danab ag Kayak nainu nai nau ii mattimnanu, ag anam oiglag.

1 Pita 2:12

Amu ag danab laa Kayak baekkudppa ii daatteb ele amu, ag ag oolagppa daanna, kobol ena tutukkuib heig! Ag anam hebeppeg, danab amu ag ahilagnu nai nau akkulagtai, ge ag ahilag kobol ena amu anidna, haen Naɗi Nug ig danab ig ehanigkkunu uɗikku amu, ag ele Nug binag mekkulag.

1 Pita 4:11

Ao, danab ag ahilag uɗat oh anidna, Jesus Kristus onigppa ag Kayak binag mekkulagnu amu, danab laa nug Kayak nai mehuqtte ele dayeb, nug Kayak nai tutukku mehuqaɗ! Amu danab laa nug layag ehanidtte ele dayeb, nug ɠagattag Kayak medatte ele amuppa uɗat haɗ! Binag amahlak oppiaawak ele, ɠagattag oh ele hanhan alet ele Jesus Kristus, nuhigppa dayaɗ! Genab.