Jon 15:7 - Nobonob Baibel

⁷ Ag dahilppa daaglag dayeb, dahil nai ele ahilagppa dayeb, ag oolag daatte amu, ag amunu oɗmak hena, ag aoglag.

Jon 15:7 ပူးပေါင်းရင်းမြစ်များ

1 King 3:5

Solomon nug anam ha, nug tuqan Gibeon appa niieye, Yawe Nug tul niiakppa gumitta na, amu Kayak Nug aum. “Na aɗi keeke da medakkulnu oot hette amu, na appe doyei!” awa aum.

Job 22:26

Aɗinu? Na amu hekkut dayeb amu, na genab Laa Nukka Ɠagattag Oh Elenu enanagnab doon daakkut; na iɗun human neegppe, Kayak, nuhigppa gokku.

Job 23:12

Da haknunab nai Kayak oɗeppanu doomi amu, da nai amu ii uumi. Da dim lamidmi. Ao, da ee lakkulnu ool hette, amge da Kayak nai, Nug oɗeppanu aomi amu, da nai amunu ool huanaknab hette.

Sam 119:11

Da nahip-ppa hipunin qak hepa, da nahip nai da oolppa mein, dabmak dahilppa ele memi.

Sam 37:4

Na Yawe waappa dayaknu enanagnab doon daappe, Nug na oot unuqagnab aɗinu oot daatte am medakku.

Prowerb 10:24

Nau hak danab nug aɗi keekenu baɗak okkai dootte amu, keeke amu aakkuib nuhigppa bekku; amge Kayak Nug genab tutukku hak danab nug aɗi keekenu oo hette ele amu, Kayak Nug keeke amu aakku nug medakku.

Prowerb 4:4

da mamel nug da doyak meɗa ippuniɗa aum. “Na dahil, na nai imu na meut ohppa aɗe! Ge, na bauklel daakkutnu, na dahil haknunab nai aɗan daye!” awa aum.

Aisaia 58:8

Amu ag anam heppeg amu, amahlak ahilagppa pahanab buttua amahlak uɗitte bia uɗikku. Yawe Nug heeb, ag paha eɗun ena daaglag. Amu ele, Yawe Nug ahilag genab tutukku hak kobolnu diig daatte, Nug geha ag noolag awa, anuqa ugakka, atognoadkku. Yo, Yawe Nug binag amahlak oppiaawak ele, Nug ag dim lamattatta, atognoadkku.

Jeremaia 15:16

O Yawe, na Yawe Kayak Nakka Ɠagattag Oh Ele, na onin dahilppa daatte amunu, na ae, nahip nai dahilppa uɗie, da danab ee lanaknu baag enanag lanana, gamag ahak dootte, amubia da nahip nainu enanagnab doomi.

Matyu 7:7

Ag Kayak unuqidppeg, Nug ag madakku. Ag mattina, ag anidkkulag. Ag od qeqalppeg, Kayak Nug ahilagnu od matulkku.

Jon 14:13

Amu Mama Nug binag amahlak oppiaawak dahilppa aokkunu amu, ag aɗi keekenu da onilppa da oɗ meɗaglag amu, da hekkul.

Jon 15:16

Ag da ii tituaniɗppig. Iitta! Da ag tituanadmi. Anam amu, da ele ag gona, meu ii nauhtte ele okkulagnu, da uɗat amu ag mattami. Ag anam hekkulag dayeb amu, Mama Nug aɗi keeke ag da onilppa Nug oɗ medappeg amu, Nug ag madakku.

Jon 16:23

Jesus Nug anam ana, Nug nai tuɗitta aum. “Geha deɗ amuppa ag keeke laanu da iinab oɗ meɗamna. Da genabnab genab ag amelagppa attem. Mama Nug aɗi keeke ag da onilppa Nug oɗ medappeg amu, Nug ag madakku.

Jon 8:31

Juda danab ag Jesusnu oolagppa genab dooppig ele amu, Nug ag amelagppa aum. “Ag ippunittak nai dahil dim lamidtteb dayeb amu, ag am genab ippunittak awak danab dahiladnab daaglag.

Jon 8:37

Da doottem, ag Abraham buɗuppud, amge nai dahil amu ahilagppa ii daatte amunu, ag da iuppeg mauhkkulnu hetteb.

Galesia 4:2

Nug gumak danab laala waalagppa daye ukke, dimppa mameg nug abenab aokkunu haen metta tituanom amuppa nug aben amu aotte.

Galesia 5:16

Da inam attem. Kayak Ouɗi Nug oiyak ahilag gumebeb, ag Nug dim lamidna oiyeg! Ag anam hena amu, ag beɗunu kobol ii dim lamidmana.

Duteronomi 6:6

Am ag gemu da ag haknunab anak, da ag madattem imu amu, ag amunu anuqak doon oiglagoitte.

Kolosi 3:16

Kristusnu nai enanag meu ele ag oolagppa daakkuoitte! Ag akka akka doyak dabmak ena eleppa nug ippunidnana, nug ehanittak ele heig! Ag oolagppa Kayak amegppa, “Ena hen mekkame” anana, ag sam, mettidnu ahi, amu Kayak binag maknu ahi ele etteg!

1 Jon 2:14

Ag nid mamelkad, ag aun Nug anukka digmakppa dayom amu, ag dootteb amunu, da ahilagnu yaami. Nid bau, ag am ɠagattag, Kayak nai ahilagppa daatte, ag Satan eɗidppig daatteb amunu, da ahilagnu yaami.

1 Jon 2:27

Amge ag Kristus eppegppanu Kayak Ouɗi aoppig, ag oolagppa ele daatte amunu, auntai laa nug ag keeke laa ippunadkkununab ii daatte. Aɗinu? Kayak Ouɗi, Nug keeke ohnu diig tutukku ippunadtte, Nug am genabib ippunadtte, Nug hambuppuak laa ii ippunadtte amunu, Nug ag ippunadtte amu, ag amu dim lamidna, Kristus ele laippu dayeg!

1 Jon 3:22

amu ig Nug aɗi keeke laanu oɗ medattem dayeb, Nug ig megatte. Aɗinu? Ig haknunab nai nuhig doot dim lamidta, kobol Nug oo niitte, amu ele ig hettem.

1 Jon 5:14

Amu ig aɗi keekenu oonig daatte, keeke amu nug Kayak oo niitte bia daatte dayeb, ig amunu unuqidttem amu, ig Nug ihinig unuqittak amu dootte doottem.