Jon 15:6 - Nobonob Baibel

⁶ Laa nug dahilppa ii daatte ele, nug muɗi grep ebekkud danab ag okkulna akkaeg ukke bunaɗtteb, amubia daatte. Danab ag muɗi grep ebekkud amu qagmaadna akkaeg, aab aɗuppa teeg eotte.

Jon 15:6 ပူးပေါင်းရင်းမြစ်များ

2 Samuel 23:7

Danab aun nug uud keeke qaun ele ehalkkunu hette ele amu, nug keeke aenppa hakppa, o banppa ehaltte. Keeke qaun ele amu, ag adeppa daatteb, amuppaib laa nug amote ewa, iitta mette.” Dawit nug anam aum.

Job 15:30

Gatatu nug toneb, nug qe-eɗidkkunu elele iitta daakku. Ao, aab aɗu ee qaɗu he nauhtte, amubia Kayak Nug heeb, nug nauhkku. Ge, ulah keeke ye gotte, amubia Kayak Nug heeb, nau hak danab nug nauhkku.

Sam 80:15

Nanab, na ig wan imuppa daagnignu, danab grep muɗi ebatte bia wan imuppa meigme. Ao, ig na begapad daagnignu, nahipnu danab ah daagnignu hee bemut.

Aisaia 14:19

King laala oh ag matmatppa anam niitteb, amge laa nug na gaɗan matmatppa ii meum. Iitta. Na gaɗan am hamu, miag daatte; doɗ laa mauha beɗeɗe, danab anidtte, amge nug keeke laa ii hette, na gaɗan am amubia daatte. O na gaɗan am ban haenppa kekeɗ ag ban gudkkudppa o latppa danab kuɗum aqaeg mauheg, laa ag mauhak gaɗalag amu moɗ hamuppa akkaeg nona daatteb, na gaɗan amubia daatte. O na gaɗan amu danab laa banppa oiye oiye, qeeg mauha, na qa wanppa niieye, ban danab laa ag baelagppa danab mauhom amu tappanna gotteb, na gaɗan am anam bia daatte.

Aisaia 27:10

Amu Israelnu aab okkai ɠagattag aɗ ele am hele-ettak daaglag. Appa danab ah ii daamna. Makau gaiɗ ag appa ee lanan daan, appa ele niiglag. Ag ad eppegppan uɗug aon lappeg,

Esekiel 17:9

Amu Yawe Nug tuɗitta atte. “Anam amu, Esekiel, na Israel danab ah amelagppa inam appe doyeg! ‘Naɗi Yawe Nug inam atte. Muɗi amuam ena daakkute? Ai igel muɗi eppom ele nug uɗia, nug wanppanu iite hiɗama? Nug heeb, meu oh iite nauhma? Nug heeb, muɗi ebekkud gogppa okkai mak bau, amu oh iite bunaɗma? Ge, nug muɗi hiɗeb bunaɗkku, amu hiɗaknu amu, uɗat amuam uɗat okkainab iitta; daup ɠagattag iitta, o danab kuɗum iitta am aakku elele.

Matyu 13:41

Danab Bekkalag da, da dahilad engel heppi, ag gona, danab Kayaknu ɗo maɗoɗ ooppa daatteb ele, ag oolagppanu wannu etetuab nau, ig eeɗigtteb ele, amu oh amu aria danab ag kobol eheɗ hetteb ele, ag qagmaadna diin,

Matyu 27:5

Ag anam aeg amu, Judas nug men doɗo amu Kayaknu mettid lag ooppa mawe ukke, nug ukka, muɗippa aiha mauhom.

Matyu 3:10

Antteg! Epeɗiak haen am miag. Ad meu ii otte amu, nug mameg o qiie, aab aɗuppa mawe te eotte.

Matyu 7:19

Ad oh, ag meu ena ii otteb ele amu, danab ag oadna, aab aɗuppa akkaeg teeg eotteb.

Jon 15:2

Mame Nug dahilppa eppeg oh meu ii niitteb ele okkulatta geɗadtte. Eppeg laa meu niitteb ele, ag meu huana okkulagnu Nug bappaladtte.

Hibru 10:27

Iitta! Ig Kayaknu hettoɗiak okkai amu aab gakkaɗaknab, Kayaknu kekeɗ oh ewadkku ele, amuib baɗidta ameg mekkunig.

2 Pita 2:20

Amu danab ag ihinig Naɗi Jesus Kristus, Nug Padal ii maknu ehanittak ihinig ele daatte amu, ag Nug doon, amuppa ag wanppan kobol nau uutteb, amge ag eɗun kobol nau amunu baula hekkulagnu watteb dayeb amu, danab amu ag aakku qagaiettak tatam nakok bia aoglagnu daappig, amge gemu amu ag qagaiettak naɗinab aoglagnu daatteb.

1 Jon 2:19

Kristusnu kekeɗ ag ig oonigppa daappig, amge ahilag ooppa genab doyak am ihinig ele laippu iitta amunu, ag uuigna goppig. Ag ig ele ooppa genab doyak laippu daalom, ig gemu ag ele laippu daalom. Ag ig uuigna goppig amu, amuam ag ig ele laippu ii daamut ippunigtte.

Revelesen 20:15

Aun laa nug onig buk laappa, amuam buk onig Bauklel Awa Onig Yaaknu buk, nug onig buk amuppa ii yaak amu, laa nug nug aab amegppa buɗie noum.

Revelesen 21:8

Amge laa ag baɗanna, akka ahilagnu dabmena hak kobol dim lamidna, laa ag oolagppa genab doyak iitta, laa ag kobol nau uɗig wak hetteb ele, laa ag danab aqaeg mauhtteb, laa ag gappai kobol hetteb, laa ag baɗ mak danab, laa ag dup noa kayak hambuppuak binag mak danab, amu nai hambuppuak danab oh ele, amu oh aab ameg kalu laa huana eotte onig salpa eotteppa, ag amuppa aben aoglag. Amuam mauhak ebqak 2 aakku,” awa aum.