Jon 15:5 - Nobonob Baibel

⁵ Da amu muɗi grep, ag amu muɗi grep ebekkud. Laa nug dahilppa daatte, da nuhigppa daattem amu, nug meu kuɗumnab otte. Ag da uuiɗkkulag dayeb, ag keeke laa hekkulagnu elele iitta.

Jon 15:5 ပူးပေါင်းရင်းမြစ်များ

Prowerb 11:30

Danab ag genab tutukku hak kobol dim lamidtteb amu, amuppa ag heeg, danab laa ag bau daatteb; amu danab doyak dabmak ena ele, nug kobol attem attem, laa ag aon bau oiglagnu ippunadtte.

Hosea 4:8

Haen danab ah ag hipunin hetteb amu, ag hipunin heppignu mana mettak hetteb. Ag anam heegeg amu, mana mettak danab ag ahilag ee amuppanu aɗadna diitteb. Ag ee aɗadkkulagnu daatteb amunu, danab ag nau heeg, ag gamalag ahatte!

Matyu 13:21

Nug nai doya aotte, amge nuhig ooppa genab doyak am ɠagattag iitta, haen tutunuib amunu, deɗ laa nug Kayaknu nai dim lamidtte, diig amunu uug laa bette o danab laala ag nuhigppa eheɗ hetteb amu, nug pahanab nuhig ooppa genab doyak paɗatte.

Jon 12:24

Genabnab genab da ag amelagppa attem. Wit aeg nug qaɗu bekkunu wanppa ii na qekku, aeg nug ele ii nauhkku amu, aeg nug aakkuib daatte, amge nug wanppa na qa nauhkku dayeb amu, nug bau ba, meu huanak otte.

Jon 15:16

Ag da ii tituaniɗppig. Iitta! Da ag tituanadmi. Anam amu, da ele ag gona, meu ii nauhtte ele okkulagnu, da uɗat amu ag mattami. Ag anam hekkulag dayeb amu, Mama Nug aɗi keeke ag da onilppa Nug oɗ medappeg amu, Nug ag madakku.

Jon 5:19

Juda okkai ag amunu eheɗ dooppig amunu, Jesus Nug amelagppa inam aum. “Genabnab genab, da ag amelagppa attem. Kayak Bekka da, dahil dabmakppa keeke laa ii hettem. Iitta. Da Mamel he anidmi amu, da ele anamib hettem. Keeke oh Mama hette amu, Nug Bekka da, da ele hettem.

Jon 9:33

Kayak Nug danab imu ii meeb uɗilo amu, Nug keeke inam laa ii helo,” awa aum.

Aposel 4:12

Wan imuppan danab aun nug ig eɗua awikkeb, ig hipunin waappa ii daamta? Laa iitta! Jesus Nug nukkaib elele. Wan imu ohppa ig laa onigppa ehanitta padal ii mak aognignu iitta, Jesus nukka,” awa aum.

Rom 12:5

Anam amu, ig oh Kristusnu daattem, ig danab nug beɗu am laih kuɗum ele, amge beɗu am laippu daatte, amubia ig am kuɗum, amge laippu daattem. Beɗu laippu ooppanu laih naunau, ag nug ehanidnana daatteb, amubia Kristen tamaniak ele anam daatte.

Rom 6:22

Amge Kayak Nug ag hipuninnu kobolppanu uhuqatta, Nug ag nuhig begbeg maɗi nid maattom amunu, ag nuhig keeke ena aonna, oppiaawak danab betteb. Ag anam bettebnu gogtak amu ag bauklel hanhannu aoglag.

Rom 7:4

Amunu O lailad, gemu ag laa, Nug mauhe, Kayak he, Nug eɗua hibaittom ele amu, nuhig daaglagnu, ag ig ele oh ig Kayaknu kobol ena hekkunignu, ag Kristusnu mauhakppa, danab laa mauha ɗo waappa ii daatte, amubia ag ɗo waappa ii daatteb.

1 Korint 10:16

Ig Pasowanu ee lattem haenppa amu, ig wain itittak ena megatte ele, ig amunu, “Ena heme” atata lautut, amuppa ig Kristus ele iite ouqettem? Amu bret laippu panaut ne, panit lautut, amuppa ig Kristus ele iite ouqettem?

1 Korint 12:12

Ig danab beɗunig amu laippu, amge laih kuɗum daatte. Am beɗu laih kuɗum amu ag oh qagmeeg, beɗu laippu daatte. Kristusnu tamaniak ele nug anam aakku daatte.

1 Korint 12:27

Ag oh amu Kristus beɗu daatteb, danab anen anen ag amu Nug beɗu laih naunau daatteb.

2 Korint 13:8

Aɗinu? Ig keeke laa hepput, doyak diig genabib tappeb nokkunu elele iitta. Iitta. Ig doyak diig genabib, amuppaib daagnig aakkuib am elele.

2 Korint 9:10

Kayak, Nug ee eppaknu danab ee tumu madatte, Nug ee digdig danab oh lakkulagnu ele madatte amu, Nug geha ag keeke oh elele matteb, ag laa madappeg, aria ag Korint ag geha genab tutukku hak kobol ahilag amu nug tuɗid okkai maama, ag laa daɗek daatteb keeke kuɗum mattaglagnu elele daaglag.

Galesia 5:22

Beɗunu kobol am aakku, amge Kayak Ouɗi Nug he, oiyak ihinigppa meu laala imu bette. Oo mauhak kobol, maɗoɗppan gamag ahak kobol, maɗoɗ dayak kobol, dagom kobol, oo bodoettak kobol, ena hak kobol, oo metta ii uuak kobol,

Pilipai 1:11

Oo mauhak kobol ahilag am okkai dayebeb, haen ag wan imuppa oitteb ele, genab tutukku hak kobolppan meu, Jesus Kristus he betteb ele amu, meu amu oh ahilagppa naɗi daaglag. Amuppa ag Kayak Nug binag amahlak oppiaawak ele okkai medappeg, Nug binag naɗi ele daakku.

Pilipai 4:13

Ib amuam Kristus Nug da ɠagattag meɗe, nuhig ɠagattagppa da keeke oh eleleib hekkulnu elele.

Pilipai 4:17

Amu da keeke ahilagppanu aokkulnu ii attem. Iitta. Da ahilagppa kobol ena naɗi dayebeb, ag Kayak noobppa onig ena aoglagnu ool daatte.

Kolosi 1:10

Anam dayeb amu, ag Naɗinu dabmak dim lamidkkulagnu, ag Nug oo niitte ohppa oiglagnu elele daanna, ad meu ena otte, amubia ag anen anen ag oinna, ag uɗat ena oh hekkulag, amu ag doyak Kayaknu tuɗidna aoglag.

Kolosi 1:6

Nai Ena wan atu ohppa ukke, danab ag doonna heeg, naɗi ma amu kobol ena, doyak digdig ena ele danab kuɗum ag aakku aon hetteb. Anamib aakku ahilagppa digmeum, deɗ amuppa Nai Ena amu nug he, ag aon, ag Kayaknu ehanittak okkai hamu megatte ele diig genab doon, ag kobol ena, dabmak ena ele aɗan oitteb.

Jems 1:17

Keeke hamu mekkak ena, elelenab ele, keeke amu oh hab aabppanu uɗitte. Aam, kalam, hoɗoppai keeke ag habppa daanna, amahlak megatteb ele amu, keeke amu oh Mamelag, Nug keeke enanag amu oh me, ihinigppa uɗitte. Mame Nug kobol nuhig eɗua eɗua ii mette. Nug keeke laa aamnu amahlakppa itotolag eɗun eɗun qetteb amubia ii hette.

1 Pita 2:4

Naɗi Jesus Nug am men laa bauklel daatte bia daatte. Nug men anuqak bia anam daatte; danab ah ag Nug uuppig, amge Kayak Nug nukka tituana, nuhignu am enanag dootte. Nug anam daatte, amu ag nuhigppa uɗiegeg,

2 Pita 3:18

Amge ihinig Naɗi Jesus Kristus, Nug am ihinig Padal ii maknu ehanittak daatte, ag nuhig ehanittak okkai hamu mettak, amu nuhig doyak ena ele, amu waappa ena daanna, amuppa okkai mekkulagnu uɗat heig! Ig Nug binag naɗi gemu, haen oh ele metu! Genab.