Jon 15:27 - Nobonob Baibel

²⁷ Amu ag ele dahil nai mattinna oiglagoitte! Aɗinu? Ag digmakppanu da ele daaut uɗie, gemu ele daattem.

Jon 15:27 ပူးပေါင်းရင်းမြစ်များ

Mak 1:1

Kayak Bekka Jesus Kristusnu Nai Ena am inam niitte.

Luk 24:48

Amu ag gemu da ele iikku daattem amu, ag dahilppan keeke oh anidppig,” awa aum.

Jon 19:35

Ag ele oolagppa genab dooglagnu laa nug keeke imu oh amegppa anttom ele nug amunu mattiom. Nai nug mattiom am genab, amu nug dootte, nai amunu nug maditte am genab.

Jon 21:24

Am ippunittak awak danab amuib nug keeke imu oh amegppa antta, nai amu maditte, nai imu ele iikku yom amunu, ig doottem, nai imu am genab.

Aposel 1:8

Amge geha dimppa Kayak Ouɗi Nug ahilagppa neeb, ag ɠagattag aon, geha ag dahil aɗi heehe anttomnu mattiak danab daanna, ag dahilnu Jerusalem mehuqna, ag gona, Juda wan ohppa, Samaria appa ele mehuqna, ag wan atu ohppa ele gona mehuqkkulag,” awa aum.

Aposel 13:31

Nug eɗua hibaittowa, Nug deɗ kuɗum ukkom, haen imuag amuppa danab ag Galilinu ahaeg, nug ele Jerusalem goppig ele amu, Nug ahilagppa tula be anidppig. Danab amu ag am gemu Juda oolagppa Jesusnu aɗi heehe anttomnu mattiak danab daatteb,” awa aum.

Aposel 18:5

Am Pol nug anam heehe, dimppa Silas, Timoti ele aa ahai, Makedonia uuya neeh, Pol nug uɗat laa heum amu uua, nug Kayak naiib deɗ oh mehuqom. Nug Juda danab amelagppa, “Jesus Nug am Kristus,” mattia aum.

Aposel 23:11

Ag anam heeg, deɗ amu tuqan amuppa Naɗi Nug Pol guguitta hibaitta dayaya nug aum. “Na hippaidna ɠagattag daye! Na aib baɗame! Na dahil nai Jerusalem mehuqme, amubia na dahil nai Rom appa mehuqkkut.” Naɗi Nug anam awa aum.

Aposel 3:15

Ag danab ena, Nug bauklel diig, ag Nug qeeg mauhom. Ag qeeg mauhom, amge Kayak Nug he, Nug eɗua hibaitte, i amunu aɗi heehe anttomnu mattiak danab daaɗa, amunu mehuqttep.

Aposel 4:20

Aa anam awoya am baula tuɗidya apiɗ. “I amu oɗenih qamutkkunihnu ele iitta. Aɗinu? I keeke oh amenihppa anidɗa, nuhig nai doomuɗ ele amu, ib laa iitta, mehuqkkunihnab,” aoya apiɗ.

Aposel 4:33

totol danab 12 ag Naɗi Jesus eɗua hibaittomnu nai ɠagattag ele mehuqegeg, Kayaknu ehanittak okkai hamu megatte ele, amu ag oh ahilagppa okkai dayom.

1 Pita 5:1

Nai imunu amu, da ahilkad ikki danab ag oolagppa daatteb, da ahilagnu nai imu iikku yaattem. Da ele am ikki danab daattem, amu da amelppanab Kristus Nug uug mawe anitten, amunu da aɗi heehe anttomnu mattiak danab daattem. Da ag ele, ig oh geha Kristusnu binag amahlak oppiaawak ele heeb miag atieb, ig amu ooppa daagnig amunu, da ag ikki danab ag uɗat inam hekkulagnu ag maɗadakkulnu nai imu yaattem.

1 Pita 5:12

Amu da Silas, da nug am ig lainig, nug oo metta ii uuak kobol dim lamidtte doottem amu, da nuhig ehanittakppa da nai tutu imu ahilagnu yaami. Ad uɗug imunu amu, da ag ɠagattag aqakkulnu, da ag nai da yaami am Kayaknu ehanittak okkai hamu mettak genab ippuanadtte, da amu ele ippuanadkkulnu aakku yaami. Ag aguppa ɠagattag dayeg!

1 Jon 4:14

Mame Nug Bekka, wan imuppan danab oh eɗua diiadkkunu me uɗiom, amu ig Nug Bekka anidta, ig amunu iikku madittem.

Revelesen 1:2

Uɗia ippunitte amu Jon keeke oh anttom ele amu, iikku bukppa yom daatte. Kayak aɗi keeke Jesus ippunitte, Jesus Kristus engel amegppa a, engel Jon ippunittom ele amu iikku yom.

Revelesen 1:9

Da Jon, da ag lailag, da ag ele ig oh Jesus nuhigppa laippu daat, uug mua ele imu maottem. Da Kayaknu ɗo maɗoɗ ooppa, amunu uɗat haknu, ag ele daattem. Ig oh Jesus ig hekkunignu atte amu, ig nuhig ɠagattag aot daatta, ig tuɗidta, uug doyaya eɗittaknuib dabmak awak kobol dim lamidttem. Da Kayak nai mattimi da Jesus Kristusnu oolppa genab doottemnu ami, amunu ag da nud laa onig Patmos, amuppa meiɗppig.