Jon 15:20 - Nobonob Baibel

²⁰ Nai da ag amelagppa ami ele amu daulagppa doaɗ! Nai amuam inam. ‘Maɗi nid nug okkai nuhig ii eɗidtte.’ Amu aun aɗi laa ag da eheɗ heiɗppig amu, ag ag ele eheɗ hattaglag. Aun laa ag dahil nai dim lamidppig ele amu, ag am ahilag nai ele dim lamidkkulag.

Jon 15:20 ပူးပေါင်းရင်းမြစ်များ

Esekiel 3:7

Da Israel danab ah, da na ahilagppa meitti gottem, amge ag dahil nai dooglagnu uutteb amunu, ag nahip nai ii doomna. Aɗinu? Israel danab ah oh ⌊bia⌋ ag dabmak ahilag am ɠagattag eppom daatte. Ag hib guitta qak danab ah.

Matyu 10:24

Amu ippunittak awak danab nug ippunittak danab nuhig ii eɗidtte. Aria, maɗi nid nug gumak danab nuhig ele ii eɗidtte.

Mak 10:39

Nug anam a amu, aa Nug amegppa apiɗ. “I am elele,” aoya apiɗ. Aa anam aeh amu Jesus Nug aum. “Genab, le mua ele da lakkul amu, aa lakkulah. Layattak uug nau ele da aokkul amu, aa layattak amu ele aoglah,

Luk 2:34

Simeon anam ana, nug itittak ena matowa, nid anig Maria amegppa aum. “Doye, nid imu heeb, Israel danab ah kuɗum ag nena qekkulag, amge Nug heeb, kuɗum ag eɗun ahaglag. Nug am Kayak anidkkunignu epponak keeke daakku, amge danab kuɗum nuhignu nai nau akkulag.

Luk 6:40

Ippunittak awak danab nug ippunittak danab nuhig ii eɗidtte. Nug ippunittak nai oh awa malowa amu, nug ippunittak danab nuhig bia daakku.

Jon 10:31

Jesus anam a amu Juda ag baula men aon, makkuɗppeg mauhkkunu heppig.

Jon 11:57

Am mana mettak danab okkai amu ɗo gumak danab-Parasia ele ag tatam danab amelagppa, danab laa nug Jesus adeppa daatte amu doya amu, nug ag amelagppa ab, Jesus aon maniguittakppa mekkulagnu appig.

Jon 13:16

Da genabnab genab ag amelagppa attem. Maɗi nid nug okkai nuhig ii eɗidtte. Nai awa ukkak danab nug danab nug me gotte ele, nug nug ii eɗidtte.

Jon 5:16

Nug anam a, Jesus Nug keeke amu Sabat deɗppa heum dooppig amunu, diig amunu Juda okkai ag digmena, Jesus eheɗ hedappig.

Jon 7:32

Danab ah kuɗum ag Jesusnu anam mattiegeg, mana mettak danab okkai amu ɗo gumak danab-Parasia ele ag danab ah nai kuɗum mattiegeg doona, ag ahilag daup laa Jesus aɗaglagnu maatteg uɗippig.

Jon 8:51

Da genabnab genab ag amelagppa attem, laa nug dahil ippunittak nai awa dim lamidkku dayeb amu, nug iinab mauhma,” awa aum.

Jon 8:52

Awa a amu ag Nug amegppa appig. “Gemu ig genab doottem, na ootppa hahail ele! Abraham nug mauhom, amu propet ele mauhppig, amge na attem, ‘Laa nug nahip nai awa dim lamidkku dayeb, nug am iinab mauhma.’

Jon 8:59

Nug anam aum amunu, Juda ag Nug makkuɗkkulagnu men agappig, amge Jesus Nug danab kuɗum oolagppa beɗu lokkumittatta, Kayaknu mettid lakkanu aha ukkom.

Aposel 14:22

Aa goyaya, aa Kristen ɠagattag aqai, ag ɠagattag daanna oiyegeg, ahilag ooppa genab doyak na qemanu ayaya, inam ele apiɗ. “Ig Kayaknu ɗo maɗoɗ ooppa nokkunignu, ig tatam uug kuɗum aot oignigoitte,” aoya apiɗ.

1 Korint 4:12

Keeke aognignu amu iikku eppenigppa uɗat naɗi hettem. Laa ag ig eheɗ laa awaknu anak waappa daagnignu nai mattieg, ig nai enappa ahilag nai nob meta itittak ena madattem. Ag ig eheɗ heikkegeg, ig amu maot oittem.

2 Korint 4:9

Am danab nau ag ig eheɗ heigtteb, amge Kayak Nug ig ii uuigtte. Ag ig oikkeg, neta qettem, amge ig nauha auta awaknab ii daattem.

1 Tesalonaika 2:15

Juda ag ihinig Naɗi Jesus qeeg mauhom, propet ele aqaeg mauhppig. Ag ig ele appanu lamigppig. Kobol ag hetteb ele amu Kayak Nug amunu oo ii hette. Ag danab ah oh dilagppa kekeɗ daatteb.

2 Timoti 3:12

Amu aun laa oh ag Kristus Jesusnu daanna, ag genab tutukku danab daaglagnu oolag daatte ele amu, ag eheɗ hettak aoglag.

1 Samuel 8:7

Nug Yawe amegppa unuqitta a, Yawe Samuel amegppa aum. “Na keeke oh ag na hekkutnu atteb amu, na amu hekkut! Aɗinu? Ag na ahilag okkai daakkutnu di ii medappig. Iitta! Ag da ahilag king daakkulnu dimeɗappig.