Jon 15:2 - Nobonob Baibel

² Mame Nug dahilppa eppeg oh meu ii niitteb ele okkulatta geɗadtte. Eppeg laa meu niitteb ele, ag meu huana okkulagnu Nug bappaladtte.

Jon 15:2 ပူးပေါင်းရင်းမြစ်များ

Job 17:9

Genab tutukku hak danab ag ib oittebppa daan oiglag; ag ib ii apiɗidmana. Ge, laa ag eheɗ ii hetteb ele, ag ɠagattag daatteb amu, ag tuɗidna, ɠagattagnab daaglag.

Sam 92:14

Am ad, ag aben laa enappa eppaeg ba dayaya, meu otte, amubia genab tutukku hak danab ag ena daaglag. Ao, ad nug ba, hokkua mette, me enaib dayaya, meu wawaib daatte, amubia genab tutukku hak danab ah ag ena hekkulag.

Prowerb 4:18

Amu genab tutukku hak danab ippulag am digmakppa ena daatte, gamagppa enanag daatte, batakppa am enanagnab daatte; am aam haɗaedette, amahlak nakok nakok wanppa daye ukke, aam be, amahlak naɗi daatte, amubia daatte.

Aisaia 27:9

Yawe Nug anam hekku amunu, amu beeb, Israel wanppa kayak hambuppuak qaɗab laa ena ii daama. Iitta. Oh nauhadna autnanab aon, gappud bia daaglag. Israel wanppa kayak hambuppuak Aserah dabmekkulagnu biidod laa qappak ii daama. Amu qaɗab laa, qaɗab amuppa danab ag kalu danab ile muttuɗig enanag bette ele manatteb amu, kayak hambuppuak dilag qaɗab laa amu ele ii daama. Iitta! ⌊Amu beeb, Israel ag ele oolagppa keeke amu uuppeg amu, Yawe Nug⌋ ib amuppa, Nug Jakop buɗub dilag eheɗ haknu nob nau nuhig ɠagattag naɗippa heeb, iitta mekku. Ao, ag hipuninnu nob nau aolob, amge ag ii aomna.

Aisaia 29:19

Haen amu uɗieb amu, danab ag akka ag onilag qeeg nette ele, ag Yawe, nuhig ehanittaknu oolag gamag ahakku. Ao, danab ag keeke iitta ele, ag Yawe, Nug Israel dilag Kayak Oppiaawak Ele, ag nuhig ehanittaknu oolag gamag ahakku.

Daniel 11:35

Haen amuppa danab doyak dabmak ena ele laala, ag oppiaawak, dubuttid iitta, ag eheɗ hak laa iitta ele daaglagnu, uug anam ahilagppa bekku. Uug amu beeb ukkeb, haen gogppa tekku. Aɗinu? Kayak Nug haen gog tekkunu tituanom amu, haen amuppa am gogppa tekku. Ii baolima.

Hosea 6:3

Ig Yawenu doyaknu wagai metu! Ao, ig Yawe doognignu wagai metu! Ig anam hekkunig amu, aam nug genab buttua hanhan bette, genab amubia, Yawe Nug uɗia, ig ehanigkku. Ge, gu oug haen iitta metteppa hanhan nette, amubia Nug genab uɗia, ig ehanigkku.” Israel ag anam akkulag.

Malakai 3:3

Laa nug silwa babaitta epeɗia awak uɗat hette, Nug amubia hekku. Ao, Nug heeb, laa ag gol, silwa ele babaitta epeɗia awak uɗat hetteb, amubia Nug heeb, Lewi buɗub ag oppiak ele daaglag. Nug anam heeb, ag genab tutukku hak danab Yawe eppegppa daan, ag doɗ manadna Yawe mettaglag.

Matyu 13:12

Danab nug Kayaknu keeke awa, uɗat pehettak medatte amu, Kayak Nug amu laa ele medakku. Metteb, nug happiak ele daakku, amge danab nug Kayaknu keeke awa, uɗat pehettak ii medatte amu, Kayak nug nuhig keeke awom amu eɗua aɗidkku.

Matyu 13:33

Ana amu Nug baula ele keeke danab ag dootteb ii dootteb ele ouaqata ippuanatta, amelagppa mattia inam aum. “Kayaknu ɗo maɗoɗ am yis bia. Ah laa nug plaua kuɗum awa, yis ele kabolie, dimppa plaua oh titiɗa okkai meum,” awa aum.

Matyu 15:13

Ag anam aeg amu, Jesus Nug nob ma aum. “Da Mamel, Nug hab aabppa daatte amu, Nug dad ele. Am keeke oh Nug ii eppom am geha Nug diɗi ele oh kakeɗiadkku.

Matyu 21:19

Nug enug qe, ad fig laa ib daugppa dayeye antta, meu lakkunu waum, amge meu laa ii anttom. Iitta! Uɗugib anttom. Antta amu Nug ad amu amegppa inam aum. “Na baula meut iinab omana! Iittanab iitta,” awa aum. Anam a ad fig nug pahanab bunaɗom.

Matyu 25:29

Aɗinu? Danab nug Kayaknu keeke awa, uɗat pehettak medatte amu, Kayak Nug amu laa ele medakku. Metteb, nug happiak ele daakku, amge danab nug Kayaknu keeke awa, uɗat pehettak ii medatte amu, Kayak nug nuhig keeke awom amu eɗua aɗidkku.

Matyu 3:10

Antteg! Epeɗiak haen am miag. Ad meu ii otte amu, nug mameg o qiie, aab aɗuppa mawe te eotte.

Matyu 3:12

Nug ee aeg mumuɗaknu abenppa ulah ee aeg dappunkkeg iwale ukkaknu uɗat hekkunu daatte. Nug uɗat amu ha, elelenab mewowa, Nug wit meu oh ee aeg mumuɗaknu abenppanu awa ukka, ee maknu lakka mekku. Mewowa, Nug ee aeg dappunkkeg aab aɗu ii qauhtte eleppa maneb eweb, ee aeg mumuɗaknu aben amuam keeke iitta, oppiaawak daakku,” awa aum.

Matyu 7:19

Ad oh, ag meu ena ii otteb ele amu, danab ag oadna, aab aɗuppa akkaeg teeg eotteb.

Mak 4:20

Aria, ee aeg wan enappa nena qeppig ele amu, nai amu inam ippunigtte. Danab laa ag nai doonna, aon oolagppa metteb amu, ag meu ena otteb, laa 100, laa 60, laa 30 eppakppanu eɗittak, anam otteb,” awa aum.

Luk 8:13

Amu ee aeg men duqe ukkakppa nena qeppig ele, nai amu inam ippunigtte. Danab laa ag nai doon, oolag gamag ahehe, pahanab aotteb, amge ahilag ooppa genab doyak am ɠagattag iitta, haen tutuib daatte amunu, deɗ laa ahilag ooppa genab doyak iitta mekkunu uug laa be, ag paha ahilag ooppa genab doyak paɗatteb.

Jon 15:1

Da am muɗi grep ebekkud diig genab. Da anam daaiyi amu, da Mamel Nug am dad gumak danab.

Jon 15:16

Ag da ii tituaniɗppig. Iitta! Da ag tituanadmi. Anam amu, da ele ag gona, meu ii nauhtte ele okkulagnu, da uɗat amu ag mattami. Ag anam hekkulag dayeb amu, Mama Nug aɗi keeke ag da onilppa Nug oɗ medappeg amu, Nug ag madakku.

Jon 15:3

Da nai ag mattami amu he, ag oppiak beppig daatteb.

Jon 15:6

Laa nug dahilppa ii daatte ele, nug muɗi grep ebekkud danab ag okkulna akkaeg ukke bunaɗtteb, amubia daatte. Danab ag muɗi grep ebekkud amu qagmaadna akkaeg, aab aɗuppa teeg eotte.

Jon 15:8

Haen ag meulkad huanak otteb amu, ag dahil ippunittak awak danab genab daatteb. Amu amuppa da Mamel Nug binag amahlak oppiaawak ele aotte.

Jon 17:12

Na onin na da meɗame amu, da ag ele daamut haenppa da onin amuppa ag ⌊nena qemananu⌋ dabmattami. Da ahilag guppiɗ ele daami amunu, laa ii qettoɗom; laippu aakkuib, nug am ib appiɗittak danab, nug aakkuib Kayaknu ib apiɗitta qettoɗom amunu, Kayak nai meu oum.

Rom 11:17

Kayak Nug danab laa, nug dattanu olip ad ebekkud laala qiialatta awowa, ebekkud ii qiialattak daappig oolagppa olip dakkuɗ eppeg laa awa tuɗitte bau daatte, amubia Kayak Nug he, ag iitta aɗi ag gemu ena bau daatteb. Ag iitta aɗi ag gemu amu ag am olip dakkuɗ eppeg bia, gemu amu ag ɠagattag, kobol ena ele Kayaknu aotteb, eppekkud diɗippa keeke ena aotteb bia.

Rom 11:22

Anam amunu, ag Kayaknu oo bodoettak kobol, amu nuhig ɠagattag hak kobol ele ag antteg! Danab ag nuhig kobol dimedappig ele, Nug ɠagattag kobol nuhig ag ippunadtte, amge ag iitta aɗi ag gemu nuhig oo bodoettak kobol anidtteb. Amu ag oo bodoettak kobol nuhig amu ooppa daappeg, Nug ena hadakku, amge ag anam ii daappeg am Nug ag otakkatteb daaglag.

Rom 8:28

Amu ig doottem, Kayak Nug danab aun aɗi ag nuhignu oolag mauhtte, Nug kobol ena bekkunu ag ele uɗat hetteb. Nug aɗi bekkunu matu dabmeum amu, nug amu dabmaama, ag onilagppa eum.

1 Korint 13:1

Da danab amelagppa danab nailag digdig amu engel nailagppa ele madittem dayeb, amge da laa dilagnu oo mauhak ii doottem dayeb amu, da do hamu gaatte bia, o iitta simbal oqotti hamu otte bia daattem.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

Hibru 12:15

Danab laa nug Kayaknu ehanittak okkai hamu megatte ele amu dimetta na qemanu dabmeig! Ag oolagppa danab laa nug ad laa tiig mua ele, danab lanana mauhtteb ele, amubia dayaya, nug heeb, uug aqeb, ag kuɗum ag Kayak amegppa dubuttid ele daamnanu ele dabmeig!

1 Jon 2:19

Kristusnu kekeɗ ag ig oonigppa daappig, amge ahilag ooppa genab doyak am ihinig ele laippu iitta amunu, ag uuigna goppig. Ag ig ele ooppa genab doyak laippu daalom, ig gemu ag ele laippu daalom. Ag ig uuigna goppig amu, amuam ag ig ele laippu ii daamut ippunigtte.

Revelesen 3:19

Da bekkalad dilagnu ool mauhe, amu da ag tutukku daaglagnu ag daulag batete, ahilag kobol ena bekkulagnu toliadttem amunu, na kobol nahipnu dabmena autna aona, oot eɗuaɗ!