Jon 15:18 - Nobonob Baibel

¹⁸ Wan imuppan danab ah wannu kobol dim lamadtteb ele, ag oolagppa ahilagnu nau ninig ele dooppeg amu ag doyeg! Danab ah amu ag tatam dahilnu anam dooppig.

Jon 15:18 ပူးပေါင်းရင်းမြစ်များ

1 King 22:8

Jehosapat nug Ahap anam oɗ mette, Israel dilag king Ahap nug aum. “Laippu laa ig hepput, nug Yawe oɗ metteb, aɗi ab doya, nug ab doognignu elele. Nug am Imla bekka Mikaia, amge da danab amunu nau ninig ele doottem. Aɗinu? Haen oh nug dimppa aɗi bekkunu nai dahilnu da amelppa maditte amu, keeke ena laa bekkunu ii maditte. Iitta. Nug nauib bekkunu atte,” awa aum. Ahap nug anam a, Jehosapat nug aum. “O king, na anam madikkutnu am ena iitta,” awa aum.

Prowerb 29:27

Genab tutukku hak danab ag hambuppuak danab dilag ⌊kobolnu⌋ oolagppa uuaknab dootteb; nau hak danab ag genab tutukku hak danab dilag ⌊kobolnu⌋ oolagppa uuaknab dootteb.

Aisaia 49:7

Yawe, Nug am Israel, ahilag qagaiettakppanu eɗua uhuqaknu ehanittak daatte, Nug Israel dilag Kayak Oppiaawak Ele amu, Nug nuhig maɗi nid, laa ag nuhig danab amunu oolagppa ena iinab dootteb, nuhig danab amu Nug wanppan okkai dilag maɗi nid daatte amu, Nug nug amegppa atte. “King ag na anidna, ag ahaglag. Danab okkai laa ag na anidna, ag dup nona, gomelna daaglag,” awa atte Ag amu hekkulagnu diig am, Yawe Nug nuhig diignu oo metta ii uuak kobol dim lamidtte; Nug aɗi hekkunu atte amu, Nug hette, ag amu anidkkulag. Ao, ag amu hekkulagnu diig am, ag Yawe, Nug Israel, ahilag Kayak Oppiaawak Ele, ag Nug na tituanittom amu, ag Nug anam heum anidkkulag.

Aisaia 53:3

Danab ah ag nuhignu ena iinab doon, ag nug guhuɗidppig. Nug bau dayaya, nug oo doyak huanaknab doyaya, guittak huanak ele doyom. Danab ah ag laa, ag nug nakok laa anidkkulagnu oolag iinab hette amu, ag Yawenu maɗi nidnu ena iinab dooppig. Ig nug binag nakok laa ii mettamut.

Aisaia 66:5

Ag laa, ag Yawenu nai doon, ag tippalmananu baɗatteb ele, ag nuhig nai imu doyeg! “Ag lailkad ag ahilagnu nau ninig ele dootteb amu, ag da onilnu geɗadna, inam aon aon aqan, deɗ laala appig. ‘Yawe Nug heeb, ig nuhig ɠagattag anidtu! Nug anam heeb, ag oolag gamag aheb anidtu!’ Ag anam deɗ laala appig, amge da heppi, ag uɗalag nekku.” Yawe Nug anam atte.

Sekaraia 11:8

Da anam dayeye, kalam laippuppa da sipsip gumak danab nau ewam lamadmi. Da anam heiyi ukkom, amge sipsip amu, ⌊ag am Israel danab ah,⌋ ag dahilnu ag oolagppa uuaknab dooppig amunu, da ahilagnu bahil yom.

Matyu 10:22

Da onil ahilagppa daatte amunu, danab oh ag oolagppa ahilagnu nau ninig ele dooglag, amge laa nug ɠagattag dayebeb ukkeb, keeke oh ba maleb, haen amuppa ele nug ɠagattag daakku amu, nug padal ii mema.

Matyu 24:9

Anam amu haen amuppa laala ag ag aɗualadna, eheɗ hattanna, ag aqappeg mauhkkulag. Am geha danab ah oh ag ahilagnu nau ninig ele dooglag. Aɗinu? Da onil ahilagppa daatte.

Matyu 5:11

Ag da dim lamiɗtteb amunu, haen danab ag amu dabmetteb, ag ahilagnu nai nau anana, ag eheɗ hattanna, nai hambuppuak kuɗumppa ag yaaladna hetteb ele amu, ag dahilad amu, ag itittak ena aoppig daatteb.

Mak 13:13

Da onil ahilagppa daatte amunu, danab oh ag oolagppa ahilagnu nau ninig ele dooglag, amge laa nug ɠagattag dayebeb ukkeb, keeke oh ba maleb, haen amuppa ele nug ɠagattag daakku amu, nug padal ii mema.

Luk 6:22

Ag Danab Bekkalag da, ag da dim lamiɗtteb ele amu, ag da dim lamiɗtteb amunu, haen danab ag amu dabmetteb, ag ahilagnu oolagppa nau ninig ele doon, ag geɗadna, nai nau ahilagnu anana, ag am danab nau ele atteb amu, ag dahilad amu ag itittak ena aoppig daatteb.

Jon 16:1

Ag ahilag ooppa genab doyak ii paɗamnanu da nai imu oh amelagppa ami.

Jon 16:33

Da nai imu ag dahilppa maɗoɗ aon daaglagnu elele daaglagnu amelagppa ami. Wan imuppa amu ag uug anidkkulag, amge ag uug aib aqom! Aɗinu? Da wan imuppanu ɠagattag eɗidmi,” awa aum.

Jon 3:20

Anam amu, danab oh ag hak nauppa daatteb amu, ag amahlaknu nau ninig ele dootteb. Ahilag hak nau miag atimanu amu, ag amahlakppa daaglagnu oolag ii daatte.

Jon 7:7

Wanppan danab ah wannu kobol dim lamadtteb amu, ag oolagppa ahilagnu nau ninig ele dooglagnu elele iitta, amge dahilnu ag anam dootteb. Aɗinu? Da haen oh kobol eheɗ ag hetteb ele, da amunu madittem.

Aposel 14:22

Aa goyaya, aa Kristen ɠagattag aqai, ag ɠagattag daanna oiyegeg, ahilag ooppa genab doyak na qemanu ayaya, inam ele apiɗ. “Ig Kayaknu ɗo maɗoɗ ooppa nokkunignu, ig tatam uug kuɗum aot oignigoitte,” aoya apiɗ.

Hibru 12:2

Amu ig amenig ukkeb, Jesus, Nug am ooppa genab doyaknu diig daatte, Nug ooppa genab doyak ihinig elelenab medakku diig ele amu, ig Nug anidtu! Jesus Nug anukka maɗoɗppan gamag ahak geha dimppa anidkkunu dabmeum amunu, Nug ɠagattag dayaya, ad emaitakppa uug doyaya, guittak awa mauhom. Ad emaitakppa mauhaknu amu uɗa nak ele, amge Nug dimppa maɗoɗppan gamag ahak okkai aokkunu dabmaama, uɗa nak amunu dab-ii-meum; am keeke hamu bia doyom. Nug amu hewowa, Nug hab aabppa, Kayak eppeg naɗiap-ppa heɗep na dayom.

Jems 4:4

Ag danab ah naunab. Ag Kayak uuna, kobol laala dim lamadtteb ele. Ag danab nug wan kobolnu oo hette ele, nug aakku Kayaknu kekeɗ daatte iite dootteb? Ge, laa nug wan kobolnu layam daakkunu dabmak awa, dabmak amu dim lamidtte, nug Kayaknu kekeɗ daatte.

1 Jon 3:1

Ag imu doyeg! Mame Nug ihinignu oo huanaknab mauhtte, amu diig amunu Nug ihinignu, “Da bekkalad,” atte. Amu ig genab Nug bekkod daattem. Wanppan danab ag ii dooigtteb. Aɗinu? Ag Kayak ii dootteb.

1 Jon 3:13

O lailad, wan danab ag oolagppa ahilagnu nau ninig ele dootteb dayeb amu, ag amunu aib ottaippig.

1 Jon 3:3

Am danab ah ag Kristus anidna, Nug daatte bia daaglagnu dabmak aɗan oitteb ele, ag Kristus Nug oppiak daatte, ag amubia oppiak daaglagnu hetteb.