Jon 15:11 - Nobonob Baibel

¹¹ Da maɗoɗppan gamag ahak dahil ahilagppa daakkunu nai imu mattimi. Amuppa ahilag maɗoɗppan gamag ahak ag oolagppa ambaknab daakku.

Jon 15:11 ပူးပေါင်းရင်းမြစ်များ

Aisaia 53:11

Amu Yawe Nug atte. “Dahil maɗi nid, nug genab tutukku hak kobolib dim lamidtte amu, Nug guittak amu mawa malowa, nug bau dayaya, ⌊danab oolag eɗueb ele antta,⌋ elele dookku. Dahil maɗi nid nug nuhig doyak, nug amuppa heeb, danab ah kuɗumnab ag genab tutukku hak danab ah daaglag. Nug ahilag hipunin mawa heeb, iitta mekku.

Aisaia 62:4

Haen amuppa, wan laappan danab ag baula ahilagnu, “Kayak Nug danab ah umu uuattom,” ii amana. Yo, ahilag wanppanu, huu laappan danab ah ag, “Yawe Nug he, danab ah qainqainib daaeg, wan am nauhakib daatte,” anam ii amana. Amu laa ag ahilagnu onig, “Hepsiba,” ataɗkkulag. Yo ag, ag Judanu amu, ag onig, “Biula,” ataɗkkulag. Aɗinu? Yawe Nug ahilagnu enanagnab dookku. Amu Nug heeb, danab ah ewau matulak aoya, enanag daattep, amubia ahilag wan am ena daakku.

Jeremaia 32:41

Da ena hadakkulnu ool gamag ahebeb, da genabnab meul ohppa ena hadappi, ag wan amuppa ee laa datta enanag bette, ag amubia wan imuppa enanag bekkulag.” Yawe Nug anam awa atte.

Jeremaia 33:9

Da Israel danab ah dilagppa, Juda danab dilagppa ele anam hewoya, da Jerusalemnu dabmein, da gamag ahak dookkul. Amu wanppan wan ohppan danab ah ag kobol ena ena da Jerusalem appa hekkul anidna, ag onig okkai, binag ele da meɗaglag. Ge, ag da maɗoɗ okkai, enub okkai ele Jerusalem danab ah madakkul anidna, ag dahilnu ebehilag oh bodoetta le meebeb, ag beɗulag hahaɗkku.” Yawe Nug anam atte.

Sepanaia 3:17

Yawe, ahilag Kayak, Nug ag oolagppa daatte; Nug am ban danab ɠagattag, Nug hanhan nuhikkud ehanatte, ag kekeɗ eɗadtteb. Yawe Nug ahilagnu enanagnab dookku. Nug ahilagnu oo mauhtte, amu amuppa ag maɗoɗ aoglag. Ge, Nug ahilagnu oo gamag ahebeb, ahi edakku,” aon akkulag.

Luk 15:23

Amu makau nag ittag ele laa aon dona qeppeg, ig latata gamanig ahaɗ!

Luk 15:32

amge gemu amu ig gamag ahak doopput, ig oonig ele ena daakkunu elele. Aɗinu? Na amap imu nug mauhom, amge gemu nug eɗua bau daatte. Nug qettoɗom, amge ig nug eɗut anidttem,’ awa aum.” Jesus Nug nai amu mattiom.

Luk 15:5

Haen nug mattia antta amu, aria nug maɗoɗppan gamag ahak doya, huma awa, mawa gokku.

Luk 15:9

Antta awowa amu, aria geha nug laikkud am mudippan ele onilagppa eeb ag uɗin qagmeppeg, nug ag amelagppa, ‘Silwa men doɗo dahil laippu qettoɗom, amge da mattie eɗuen aomi amunu, da ag ele ig oh maɗoɗppan gamag ahak dootu,’ awa akku.

Jon 16:24

Uɗie uɗie, gemu batak ag keeke laanu da onilppa Nug oɗ ii medappig. Ag maɗoɗppan gamag ahak doonna daappeg, oolag mekkunu amu, ag Kayak keeke enanu unuqidppeg, Nug ag madakku.

Jon 16:33

Da nai imu ag dahilppa maɗoɗ aon daaglagnu elele daaglagnu amelagppa ami. Wan imuppa amu ag uug anidkkulag, amge ag uug aib aqom! Aɗinu? Da wan imuppanu ɠagattag eɗidmi,” awa aum.

Jon 17:13

Da gemu na gumitte gokkulnu daattem, amu dahilad danab ag maɗoɗppan gamag ahak dahil oh aoglagnu amu, da amunu wanppa dayeye, nai imu madittem.

Jon 3:29

Amunu amu da am nid baunu kadoi bia. Nid bau nug ah aotte amu, ah amuam nuhigib, amge kadoi nuhig nug layag ah aotte doya, maɗoɗppan gamag ahak dootte. Nid baunu kadoi nug maɗoɗppan gamag ahak amu dootte, amubia da Jesusnu oolppa maɗoɗppan gamag ahak okkainab doottem.

Rom 15:13

Amu Kayak Ouɗinu ɠagattagppa ag butti aɗi hab aabnu keeke aoglagnu dabmak aɗan daan autna aoglagnu, da ag Kayak, Nug am aɗi keeke oh ena bekkunu dabmak aɗa dayaknu diig, ag nuhignu oolagppa genab doobppeg, Nug heeb, ag oolagppa maɗoɗppan gamag ahak okkai, amu maɗoɗ ele naɗi daaglahnu ool daatte.

2 Korint 1:24

Ag ahilag ooppa genab doyakppa daatteb amunu, ig ahilag ooppa genab doyak gumagnignu ii hettem. Iitta. Ig ag maɗoɗppan gamag ahak dooglagnu ig ag ele, ig tamanit, uɗat hettem.

Epesus 5:18

Danab nug wain lawowa kaaka qette amu, nug hipaɗu ahak kobol hette amunu, ag diig amunu wain lana, kaaka aib aqom. Iitta. Ag amu uuppeg, Kayak Ouɗi Nug ahilagppa ambak daya, ahilag oiyak oh gumaɗ!

Pilipai 1:25

Da anam genab doottem amunu, da doottem, geha da daakkul. Da geha dayeye, ahilagppa uɗat hebippi, ag oolagppa genab ɠagattag doonna, ag ooppa genab doyak ahilagnu ele maɗoɗppan gamag ahak dooglag.

1 Tesalonaika 5:16

Ag haen oh maɗoɗppan gamag ahakppa oiyeg!

1 Pita 1:8

Ag Nug ii anidppig, amge ag nuhignu oolag mauhtte. Ag gemu ele Nug ii anidtteb, amge ag nuhignu oolagppa genab dootteb. Ag anam doona, ag ooppa genab doyak ahilkadnu gogppa tak, amuam Kayak eɗua diiadtte, ag amu aotteb amu, ag amu doonna, ag maɗoɗppan gamag ahak binag amahlak oppiaawak ele, danab aun nug amunu elele anaknu elele iitta, ag amu dootteb.

1 Jon 1:4

Ig nai imu ig oh ihinig maɗoɗppan gamag ahak ambak daakkunu yaattem.

2 Jon 1:12

Da keeke kuɗum yen madakkul daatte, amge da uɗugppa yaakkulnu ool ii daatte. Iitta. Da ig oh maɗoɗppan gamag ahak ena aognignu ag gumatte ukke anatten, da ag ele oh nug iɗu anidtata, nai mattignignu dabmettem.