Jon 15:1 - Nobonob Baibel

¹ Da am muɗi grep ebekkud diig genab. Da anam daaiyi amu, da Mamel Nug am dad gumak danab.

Jon 15:1 ပူးပေါင်းရင်းမြစ်များ

Solomonnu Ahi 7:12

I dayoɗa, buttuanab ahaɗ, grep dadppa goɗu! Ao, i goɗa, appa i muɗi grep am eppeg bau mettebtai anadɗa; haɗag ele mappatppigtai anidkkunih. I ele pomigranet ag ahilag bala mappatppig am anidɗu! I anam goɗa, appa da oo mauhak dahil oh na medakkul.

Aisaia 4:2

Aria haen amuppa amu, Yawenu wan, am Israel amu, wan amuam aben anttaknu enanag, onig binag oppiaawak ele daakku. Am geha wanppanu ee meulkad ena huan obeppeg, Israel danab ah qagaiettaknu ii mauhppig daatteb, ag amu oh anidna, diig amunu ag oolag gamag huan ahebeb, danab ah laa ag binalag mekkulag.

Aisaia 60:21

Ag Juda danab ah oh ag genab tutukku hak kobolib dim lamidnana, ag ahilag wan aon, amuppa hanhan daaglag. Laa ag ahilag wan baula ii gumamna. Danab nug ee eppe, qaɗu ba okkai me, nuhig daatte, amubia ag Juda ag dahil daaglag. Danab keeke eppegppa he, nuhig daatte, amubia ag dahil daaglag. Da danab ah laa oh ag dahil binag amahlak oppiaawak ele anidkkulagnu da hak anam hekkul.

Jeremaia 12:10

Danab okkai kuɗum ag uɗin, grep dad dahil tappan heppeg, dad amu nauhkku. Ao, ag uɗin, dad okkai dahil heppeg nauhkku. Ag wan ena dahil heppeg, am eɗua, hele-ettak, wan meu waknu nakokib elele, am anam daakku.

Jeremaia 2:21

Israel danab ah, ag am muɗi grep danab eppom, amubia. Muɗi grep amuam enanag, meu okkunu elelenab, oɗe keeke iitta. Nug muɗi grep elele anam eppom, meu enanag aokkun dabmeum, amge muɗi grep ba, okkai ma, meu oum, me meu amuam ena iitta; am meu nau. Muɗi grep amuam eɗua, muɗi grep dakkuɗ, meu ena iitta ele beum. Amu ag Israel danab ah, ag dahilppanu anam bia aakku.

Esekiel 19:10

Yawe Nug amu mattia mala, nug nai laa ⌊Israel dilag anuqak danab dilagnu⌋ ele Esekiel amegppa aum. Nai amuam inam. “Ag anilag nug am muɗi grep laa, wain datta dayom, amubia. Muɗi grep amu mameg nug le daugppa eppom amunu, muɗi amu ena me, eppeg kuɗum daaegeg, meu ele kuɗum oum.

Hosea 10:1

Israel danab ah ag am en kuɗum ele daappig. Ao, ag am grep muɗi ena meu huana oa daatte, ag amubia daappig. Ag keeke kuɗum ele tuɗidna aon daan; ag keeke amu kayak laa madappig. Ag ee huanak aonna, ag men doɗo ele huanak aona; ag men doɗo amuppa men gappi, amuam kayak hambuppuak ahilkad amu, ahilag neekkak ena daaglagnu hena bappaidppig.

Sekaraia 3:8

O mana mettak ikki danab Josua, ag mana mettak danab laa oh ele, ag daulag human, dahil nai doyeg! Aɗinu? Ag mana mettak danab, ag am butti aɗi kobol ena bekkunu at daatteb. Laa am, da heppi, dahil maɗi nid, Nug am ad diigppa ita bau bette, amubia bekku, amu Nug uɗikku.

Matyu 15:13

Ag anam aeg amu, Jesus Nug nob ma aum. “Da Mamel, Nug hab aabppa daatte amu, Nug dad ele. Am keeke oh Nug ii eppom am geha Nug diɗi ele oh kakeɗiadkku.

Matyu 20:1

Aria, Jesus Nug nai tuɗitta aum. “Kayaknu ɗo maɗoɗ am imubia. Danab nug wan okkai ele, nug buttuanab aha, ee oɗiak abenppa maɗi nid nuhig uɗat hekkulagnu anadkkunu ukka, nug laa ag deɗ amuppa uɗat aoglagnu daaegeg anatta, nug ag nuhig grep dadppa uɗat hekkulagnu diiom.

Matyu 21:33

Jesus baula ele amelagppa aum. “Ag keeke danab ag dootteb ii dootteb ele ouaqata ippuanittak nai imu baula doyeg! Danab laa nug wan ele amu, nug grep dad eppowa, aɗ ita, dad ooppa amu nug grep meu tappa leppu awaknu aben laa ha, nug neekkeb ukkeb aɗi uɗitteb anttaknu lag attan ta ukkak laa ele heum. Aria, nug uɗat amu oh ha mala, nug dad uɗat danab, dimppa ag dad amunu meu laih mettaglagnu ag eppelagppa mewowa, nug aha, atu laih umanab ukkom.

Mak 12:1

Jesus Nug anam awowa amu Nug digma, keeke danab ag dootteb ii dootteb ele ouaqata ippuanittak nai laala inam aum. “Danab laa nug grep dad eppowa, aɗ ita, dad ooppa grep meu tappa leppu awaknu aben laa ha, nug neekkeb ukkeb, aɗi uɗitteb anttaknu lag attan ta ukkak laa ele heum. Aria, nug uɗat amu oh ha mala, nug dad uɗat danab eppelagppa mewowa, nug aha, atu laih umanab ukkom.

Luk 13:6

Jesus Nug nai baula tuɗitta, keeke danab ag dootteb ii dootteb ele ouaqata ippuanatta, nai laa mattia aum. “Danab laa nug nuhig grep dadppa ad fig laa eppom, am dimppa nug uɗia meu anidkkunu dabmeum, amge meu iitta anttom

Jon 1:17

Yo, ɗo amu ig Moses nuhigppa aomut, amge ehanittak okkai hamu mettak kobol, amu doyak diig genabib ele amu, ig Jesus Kristus nuhigppa aomut.

Jon 1:9

⌊Amahlak amuam Jesus Kristus,⌋ amu amahlak nuhig am amahlak genab. Nug wanppan danab ah oh amahlak madatte.

Jon 15:2

Mame Nug dahilppa eppeg oh meu ii niitteb ele okkulatta geɗadtte. Eppeg laa meu niitteb ele, ag meu huana okkulagnu Nug bappaladtte.

Jon 6:32

Aeg amu Jesus Nug amelagppa aum. “Da genabnab genab ag amelagppa attem. Moses nug hab aabppanu bret ii mattom, amge da Mamel, Nug amu hab aabppanu bret genab ag madatte.

Jon 6:55

Aɗinu? Da teppul tiil ele amu lanaknu ee genab.

Rom 11:17

Kayak Nug danab laa, nug dattanu olip ad ebekkud laala qiialatta awowa, ebekkud ii qiialattak daappig oolagppa olip dakkuɗ eppeg laa awa tuɗitte bau daatte, amubia Kayak Nug he, ag iitta aɗi ag gemu ena bau daatteb. Ag iitta aɗi ag gemu amu ag am olip dakkuɗ eppeg bia, gemu amu ag ɠagattag, kobol ena ele Kayaknu aotteb, eppekkud diɗippa keeke ena aotteb bia.

1 Korint 3:9

I am kadoi meɗa, Kayaknu maɗi nid daattep; ag am Kayaknu dad bia daatteb. Laa ele amu, ag am Kayak laug daatteb.

1 Jon 2:8

Amge haknunab anak imu, da ahilagnu yaattem ele amu, nug am bau bia ele. Nuhig meu am Jesus nuhigppa amu ahilagppa ele miag atitte. Aɗinu? Gatatu oh iitta meeme, amahlak genab nug aakku amahaltte.