Jon 14:26 - Nobonob Baibel

²⁶ Amge ahilag Ehanittak, Kayak Ouɗi, da Mamel Nug da onilppa meeb uɗikku amu, Nug uɗia, keeke oh ippuanatta, da ag amelagppa aɗi ami amu Nug heeb, ag daulagppa dokku.

Jon 14:26 ပူးပေါင်းရင်းမြစ်များ

Sam 51:11

O Yawe, na oot da meɗan, na heppe, da na uuitten ii gopanu oɗ medattem. Ao, na oot da meɗan, nahip Ouɗi oppiaawak ele, na Nug dahilppanu aɗilna ii aomnanu unuqidttem.

Aisaia 54:13

Danab ah oh Jerusalem daatteb, Juda laa oh ele amu, Yawe Nug ib tutukku ippuanatteb, ag maɗoɗnab daaglag.

Aisaia 63:10

Nug anam heum, amge ag Nug waappa daaglagnu uun, nuhig nai tappaeg ne, ag nuhig Ouɗi Oppiaawak Ele, ag Nug uug nau medappig. Ag anam heppig amunu, Nug eɗua, ahilag kekeɗ dayom. Nugnab aakku ag ele ban heppig.

Matyu 1:18

Anam amu, Jesus Kristus, nuhig menuaknu nai am inam. Josep nug Maria aokkunu baeg aɗaeg daye ukkom, amge aa ewau matulak ii aopiɗppa Maria nug Kayak Ouɗinu ɠagattagppa oo ele dayom.

Matyu 1:20

Josep nug amunu dabmak awewe, tuqan tulppa Naɗinu engel nug gumitta neum. Na amu nug aum. “Josep, Dawit bekka, na Maria ah nahip daakkunu, na nug aokkutnu aib baɗame. Doye! Kayak Ouɗi Nug nukka nid amu mettom.

Matyu 28:19

amunu, ag gowona, wan atu ohppanu danab ah heppeg, dahilad ippunittak awak danab ah daappeg, ag Mama onigppa, Nug Bekka onigppa, amu Kayak Ouɗi onigppa layatteg!

Matyu 3:11

Da ag oolag eɗuom Kayak dim lamidtteb ele leppa layadttem, amge laa Nug da dimulppa uɗitte amu, nuhig ɠagattag am dahil eɗidtte. Nug am danab okkainab, da am okkai iitta; dahil hak am nuhig bia iitta, dahil am elele iittanab iitta. Nug Kayak Ouɗi, aab aɗu eleppa ag layadkku.

Mak 12:36

Aɗinu? Kayak Ouɗi Nug he, Dawit nug inam aum. ‘Yawe Nug dahil Naɗi amegppa inam aum. “Na da eppel naɗiap-ppa daappe ukkeb, da nahip kekeɗ na waatppa maadkkul.” ’

Mak 13:11

Amu ag dahilnu Nai Ena mehuqkkulag amunu, ag aɗualadna hettoɗiakppa maadppeg, hettoɗiakppa mattiak haen ahilag ii nak, ag haen amuppa aɗi akkulagnu dabmak huan aib aoppig. Iitta. Haen amuppaib Kayak Nug nai akkulagnu ippuanatteb, ag nai amuib mehuqeg! Amuppa ag nai ii mehuqmana. Iitta. Kayak Ouɗi Nug nai mehuqkku.

Luk 1:15

Nug Naɗi noobppa onig am binag ele daakku. Nug wain amu kaaka qaknu le laa oh ele ii lama. Nug anig ooppa dayebeb amu Kayak Ouɗi am nug ooppa ambekku.

Luk 1:35

Anam a amu, engel nug oɗeppa awa aum. “Geha Kayak Ouɗi nahip-ppa uɗieb, Kayak Attannab Laa Oh Eɗattak, nuhig ɠagattag na tonidkku amunu, na nid oppiaawak ele menukkut amu, ag nuhignu, ‘Kayak Bekka,’ aona akkulag.

Luk 1:41

Anam he amu Elisabet nug Marianu nai amu doyeye, nid ooppa niiom amu nug ottaia, oola te, Kayak Ouɗi Nug Elisabet ooppa ambeum.

Luk 1:67

Amu Kayak Ouɗi Nug Jon mameg Sekaraia nug ooppa ambe, Sekaraia nug propet nai imu mehuqa aum.

Luk 11:13

Anam amunu, ag nau aɗi ag genab keeke ena ag nid ahilkad mattaglagnu dootteb dayeb, genabnab ag Mamelag, hab attan daatte, Nug danab ag Nug unuqidppeg, Nug nuhig Ouɗi ag madakku,” awa aum.

Luk 2:25

Haen amuppa danab laa Jerusalem dayom, nug onig Simeon. Nug Kayak noobppa tutukku oiyaya, Kayak binag ena maama, Israel dilag ehanattak danab ameg meum. Kayak Ouɗi nuhigppa dayom.

Luk 24:49

Jesus Nug anam ana, Nug baula tuɗitta aum. “Doyeg! Da Mamel Nug keeke amu anukka ag madakkunu nai qakka aum amu, da meppi nekku, amge ag aab okkaippa daappeg, hab attannu ɠagattag amu ahilagppa neeb, ag uɗat digmekkulag,” awa aum.

Luk 3:22

Kayak Ouɗi Nug uppuɗil beɗulag nakok laabia nug qaɗeppa ne, baag laa hab aabppanu Jesus amegppa aum. “Na am da Bekkal, da nahipnu ool mauhtte. Ele amu, da nahipnu oolppa enanag doottem,” awa aum.

Jon 1:33

Da ele Nug ii doolom, amge laa Nug da danab ah leppa layadkkulnu meiɗe uɗimi ele amu, Nug a doomi. Nug aum. ‘Kayak Ouɗi Nug na, danab laa qaɗeppa daakku amu, danab amu aakkuib Nug geha Kayak Ouɗippa layadkku,’ awa aum.

Jon 12:16

Yaak anam niitte, amge Jesusnu ippunittak awak danab ag tatam nai amunu diig am, ag oolag ii maittom. Dimppa Jesus Nug Mame toppa ukke, haen amuppa amu Kayak naippa yaak amu dayom daulagppa do dabmena, keeke oh yaakppa dayom ele am anamib beum, amu ele daulagppa do dabmeppig.

Jon 14:16

Amu da Mamel oɗ medappi, Nug Ehanittak laa madakku. Nug ag ele hanhan daaglag.

Jon 14:25

Da nai imu oh haen da ag ii uuadmippa, amuam gemu haen imu da ag ele daattem, da gemu haen imuppa nai imu ag amelagppa madittem.

Jon 15:26

Kayak Ouɗi, Nug onig laa Ehanittak, Nug am doyak diig genabibnu diig Kayak toppa daatte amu, da Nug geha meppi, ag ehanadkkunu ahilagppa uɗikku. Nug amu Mame nuhigppa dayaya uɗikku. Haen Nug uɗia amu, Nug nai dahilnu ag amelagppa mattieb dooglag.

Jon 16:7

Da genabnab genab ag amelagppa attem. Da hab aabppa gokkul am ena. Da ii goppi am ena iitta. Aɗinu? Da ii goppi amu Kayak Ouɗi, ahilag Ehanittak, Nug ii nema, amge da tein dayeye, da meppi, Nug ag gumatta nekku.

Jon 2:22

Amunu dimppa Kayak he, Jesus Nug eɗua hibaitte amu, ippunittak awak danab ag Nug anukka aum amu daulagppa do, ag Kayak nai, amu nai Jesus Nug aum, nai amu ele ag oolagppa genab dooppig.

Jon 20:22

Anam awowa, Nug ouɗi ahilagppa iwala, Nug aum. “Ag Kayak Ouɗi aweg! awa aum.

Jon 6:45

Propet dilag yaakppa, nai inam niitte. ‘Danab ah oh am Kayak nukka nuhig kobol ippunadkku.’ Aria aun aɗi Nug ag ehanatta ippuanatte, ag Mame oɗe doona, nuhig kobol aona amu, ag dahilppa dotteb.

Jon 7:39

Jesus Nug nai amuam Kayak Ouɗinu aum. Danab ag oolagppa genab dooglag ele, ag aoglag. Amge haen amuppa Jesus Nug Mame toppa ii ukkom amunu, Kayak Ouɗi, Nug danab oolagppa ii dayom.

Aposel 1:4

Amu ele deɗ 40 amuppa Nug ag ele oh haen laa ee lanan daanna, Nug amelagppa aum. “Ag Jerusalem paha aib uuppig. Iitta. Ag Kayak Ouɗi da Mamel Nug madakkunu nai qakka aum, da ele nuhignu ag ai dooppig amu, ag Nug ameg mekkulag.

Aposel 1:8

Amge geha dimppa Kayak Ouɗi Nug ahilagppa neeb, ag ɠagattag aon, geha ag dahil aɗi heehe anttomnu mattiak danab daanna, ag dahilnu Jerusalem mehuqna, ag gona, Juda wan ohppa, Samaria appa ele mehuqna, ag wan atu ohppa ele gona mehuqkkulag,” awa aum.

Aposel 11:16

Am da amu anttena, Naɗi nai aum amu, nai amu aakku daulppa doum. Nai amuam inam. ‘Layattak Jon nug leppa danab ah layattom, amge geha ag amu, ag leppa layattak aoppig bia Kayak Ouɗippa layattak aoglag,’ awa aum.

Aposel 13:2

Ag am Naɗi noobppa dup nona binag menana, ee ohnu kud mena daaegeg, Kayak Ouɗi Nug ag amelagppa aum. “Da Barnabas, Saul ele aa uɗat laa hekkulahnu tituanatmi amunu, ag otiatna meɗeg!” awa aum.

Aposel 13:4

Kayak Ouɗi Nug he, aa ahai goya, Selusia noya, Selusia appa aa uub laa anidya teya, Saiprus nudppa gopiɗ.

Aposel 15:28

Ig qagmeta nai mattiutut, Kayak Ouɗi Nug ig ehanikka, ig ɗo laa aot, ag qaɗelagppa ii memata, ag imu iikkuib dim lamidkkulagnu ippunikkom, aakku ig Nug oɗe dim lamidta, inam attem.

Aposel 15:8

Amu Kayak, Nug danab ah oh oolag diig dootte ele, Nug iitta aɗi nuhig Ouɗi ig mekkom bia ag mattom, amuppa Nug eɗua diiadkkunu oo dayom ig ippunikkom.

Aposel 16:6

Aria Pol, Silas amu Timoti ele ag oiyegeg, Kayak Ouɗi Nug ag Nai Ena Asia appa mehuqmananu ib oo neum amunu, Pol nug aɗit laa ele ag ahan wan atu aɗit onilah Prigia, Galesia ele tikkuna gonana amu,

Aposel 2:33

Nug hab aabppa teum, Kayak eppeg naɗiap-ppa daatte. Mameg Kayak Nug nuhig Ouɗi, anukka medakkunu nai qakka aum bia amu, Nug mettom. Mette, Jesus Nug ig ele iikku gemu Kayak Ouɗi mekkom amunu, ag keeke imu gemu anidna dootteb.

Aposel 2:4

Anam he amu, danab oolagppa genab dooppig ele, danab amu ag oh Kayak Ouɗi ag oolagppa ambe, ag ahan, nai digdigppa nai madippig. Amu Kayak Ouɗi Nug he, ag oɗelagppa anam nai madippig.

Aposel 20:28

Amunu ag akka ahilagnu dabmenan daanna, amu Kayaknu danab ah, Kayak Ouɗi Nug ag gumak ikki danab ahilag daaglagnu otiattom ele amu, ag amu dilag ele oh dabmenan dayeg! Ag Kristen tamaniak, Kayak Nug nukka Nug tiigppa nuhig tamaniak amu daden meum ele amu, ag nuhig tamaniak amu tutukku gumatteg!

Aposel 20:35

Da Naɗi Jesusnu nai laa dabmeinne, da ehanittak kobol amuppa amu, da ag danab ah, keeke iitta, hamu daatteb, ig ag ehanadkkunignu daattem amu, da kobol amuppa ag ehanadkkulagnu ib ippunadmi. Jesusnu nai amuam inam. ‘Danab nug danab laa keeke metta, itittak ena aotte, itittak amuam danab nug keeke awa, itittak ena aotte, itittak amu eɗidtte.’ ”

Aposel 28:25

Ag anam henana ag gokkulagnu gonana, ag am akka akka ahilag dabmak ib piɗe piɗe dayeye, ag ahan goppig. Ag anam henana goppig, amge Pol nug tatam nai laa ahilagnu inam mehuqom. “Kayak Ouɗi Nug ig alankad amelagppa nai genabnab laa propet Aisaia oɗeppa aum. Nai amuam inam.

Aposel 5:3

Nug anam a amu Pita nug aum. “Ananias, aɗinu Satan na ootppa ambe, na Kayak Ouɗi amegppa hambuppuak nai mattinna, ‘Da wan mei, laa nug daden me, men doɗo aomi amu oh iikku,’ ame, amge na laih nahip daakkunu piɗe mee dayeye, laihib aon uɗime?

Aposel 7:51

Aria, Israel ag am tappe nak danab, ag oolag, daulag ele am ituak, iitta aɗi danab bia amunu, ag mamelkad aɗi heppig amubia, ag hanhan Kayak Ouɗi dimedatteb.

Aposel 7:55

Ag anam heppig, amge Kayak Ouɗi am Stiven ooppa ambe, nug tutukku hab aabppa neekka, Kayaknu binag amahlak oppiaawak ele hab aabppa antta, Jesus Nug Kayak eppeg naɗiap-ppa hibaitta dayeye anttom.

Rom 14:17

Aɗinu? Ee lanak amu le lanaknu kobol ele aa Kayaknu ɗo maɗoɗnu diig iitta. Kayaknu ɗo maɗoɗ diig am genab tutukku hak kobol, maɗoɗ kobol, amu maɗoɗppan gamag ahak kobol ele. Keeke amu oh am Kayak Ouɗi Nug he bette.

Rom 15:13

Amu Kayak Ouɗinu ɠagattagppa ag butti aɗi hab aabnu keeke aoglagnu dabmak aɗan daan autna aoglagnu, da ag Kayak, Nug am aɗi keeke oh ena bekkunu dabmak aɗa dayaknu diig, ag nuhignu oolagppa genab doobppeg, Nug heeb, ag oolagppa maɗoɗppan gamag ahak okkai, amu maɗoɗ ele naɗi daaglahnu ool daatte.

Rom 15:16

da iitta aɗi ag oolagppa uɗat hekkulnu Kristus Jesusnu maɗi nid bemi. Da iitta aɗi ag Kayak Nug oo daatte amubia daaglagnu, Kayak Ouɗi Nug heeb, ag oppiaawak danab bena daaglagnu, da ag diie, Kayak medakkulnu mana mettak danab bia bein, Kayaknu Nai Ena mehuqttem.

Rom 5:5

Amu keeke ena bekkunu dabmak aɗa dayak amu heeb, meu okku; ig meu amu genab anidkkunig. Aɗinu? Kayak Nug nuhig Ouɗi ig mekka, nuhigppa amu Kayak Nug nuhig oo mauhak ig oonigppa me ambette.

1 Korint 12:3

Amunu gemu keeke amubia baula bemanu, ag imu dooglagnu da ool daatte. Kayak Ouɗi Nug danab laa ooppa noa heeb, nai mehuqa, “Jesus Nug eheɗ laa awaknu anak waappa daakkunu ool daatte,” madikkunu elele iitta. Aria danab auntai laa, nug ooppa Kayak Ouɗi iitta ele amu nug Kayak binag ma, “Jesus Nug Naɗi daatte,” madikkunu ele elele iitta.

1 Korint 6:19

Ag anen anen ag beɗulkad am Kayak Ouɗinu mettid lag ag iite dootteb? Kayak Nug nuhig Ouɗi ag mattom, ag oolkadppa daatte. Ag amu, ag akka ahilagnu iitta. Ag am Kayaknu daatteb.

2 Korint 13:14

Naɗi Jesus Kristusnu ehanittak okkai, Nug ig hamu megatte, Kayaknu oo mauhak, nuhig Ouɗi ele oo laippu dayak ele, keeke amu oh, ag oh ahilagppa daaglagnu ool daatte.

2 Korint 6:6

Laa amu, ig ihinig oppiak kobolppa, ihinig oo mettak kobolppa, ihinig laa dilagnu oo maɗoɗ dim lamittak kobolppa, ihinig laa dilagnu oo bodoettak kobolppa, Kayak Ouɗi ihinigppa daatteppa, ig ihinig oo mauhak kobol genabppa, ihinig nai genab mattiak kobolppa, amu ihinig Kayaknu ɠagattagppa keeke hak kobolppa, ig am Kayaknu maɗi nid daattem ippunadttem. Ig Kayaknu ban haknu keeke eppenig naɗiap-ppa, nanehppa ele aɗattem amuppa amu,

Epesus 1:13

Ag Epesus daatteb amu, ag ele nai doyak diig genabibppanu, amuam Kayak Nug ag eɗua diikkunu ib babaittomnu Nai Ena, nai amu doonna, ag Kristusnu oolagppa genab dooppig amunu, ag Kristusnu daatteb, amu ag Kayak Nug nuhig Ouɗi, anukka Nug megakkunu nai qakka aum amu, ag genab nuhikkudnab daatteb miag atiak daakkunu, Nug nuhig Ouɗi ag mattom.

Epesus 1:17

ihinig Naɗi Jesus Kristusnu Kayak, Nug am ig Mamenig, Nug binag amahlak oppiaawak ele, Nug ag Ouɗi matteb, ag nuhig nainu diig, Kayak ele tutukku dooglagnu ool dayeye unuqidttem.

Epesus 4:30

Ag Kayak Ouɗi oo uug aib medappig. Aɗinu? Ag Nug aoppig oitteb amunu, dimppa qagaiettakppanu eɗua uhuqak awaknu deɗppa Kayak Nug uhuqak amu madakkunu, nuhig Ouɗi, epponak keeke bia, ahilagppa daatte.

1 Tesalonaika 4:8

Amunu amu danab nug nai amu dimedatte, nug danab di-ii-medatte. Iitta. Nug Kayak, Nug nuhig Ouɗi ag madatte ele amu, Nug dimedatte.

2 Timoti 1:14

Kayak Nug doyak diig genabib na mettom, Kayak Ouɗi, Nug ihinigppa daatte amu, Nug na ehanittebeb, na pehettak atogno!

Taitus 3:5

Nug ig eɗua awikkom. Ig ihinig genab tutukku hak kobol hemutnu laala anatta ii heum. Iitta. Nug ihinignu oo gai-iitta doya oo mekka ehanikkom amunu, Nug ig ihikka, nuhig Ouɗippa Nug bauklel mekke, ig bau menuak aomut.

Hibru 10:15

Kayak Ouɗi Nug ele Jesus Nug keeke oh ihinig hipunin uhuqa megakkunu ha malom ippunikka, nai aɗit megatte. Laa am inam.

Hibru 2:4

Kayak Nug nuhignu dabmettaknu kobol danab haknu elele iitta hattomppa, aria kobol danab haknu elele iitta laalappa, amu Nug nuhig Ouɗinu ɗo digdig ele, Nug oo niiom bia, danab mattom eleppa nai amu ɠagattag qettom.

Hibru 3:7

Amunu Kayak Ouɗi Nug atte bia: “Ag gemu Kayak Nug nai inam atte amu, ag daulag human doyeg!” Nai amuam inam.

Hibru 9:8

Kobol amuppa Kayak Ouɗi Nug inam ippunigtte. Haen danab ah ag lag amuppa Kayak binag meppig ele amu, danab ah oh ag Kayak noobppa tutukku wakkulagnu ib iitta. Ib amuam oo nak.

1 Pita 1:12

Aria, keeke amunu, Kayak Nug propet ag amelagppa Mesaia Nug ag ahilag haenppa beeb anidkkulagnu iitta, Mesaia Nug ag gemu daatteb, ahilag haenppa beeb anidkkulagnu aum. Amu ag keeke gemu daulagppa dootteb, Nai Ena amu Naɗinu maɗi nid ag Kayak Ouɗi hab aabppanu ɠagattagppa nai mehuqegeg dootteb amu, propet ag amunu anukka hettoɗin madippig. Keeke amu engel ag ele dooglagnu oolag naɗi daatte.

2 Pita 1:21

Aɗinu? Danab laa nug nukka nuhig dabmakppa propet nai ii aum. Iitta. Kayak Ouɗi Nug propet dabmak madette, ag nai Kayak toppanu uɗiom amu, ag madippig.

1 Jon 2:20

Anam, amge dahilad, ag Kayak Ouɗi aoppig amunu, ag oh aakku keeke doyak diig genabibppanu bette dootteb.

1 Jon 2:27

Amge ag Kristus eppegppanu Kayak Ouɗi aoppig, ag oolagppa ele daatte amunu, auntai laa nug ag keeke laa ippunadkkununab ii daatte. Aɗinu? Kayak Ouɗi, Nug keeke ohnu diig tutukku ippunadtte, Nug am genabib ippunadtte, Nug hambuppuak laa ii ippunadtte amunu, Nug ag ippunadtte amu, ag amu dim lamidna, Kristus ele laippu dayeg!

1 Jon 5:7

Am ewam amu ag Jesus, Nug am Kristus, ippunigtte.

Jut 1:20

Amge O lailad, ag oolag ɠagattag qettan, ooppa genab doyak oppiaawak ele ahilag aɗeg! Ag hanhan Kayak Ouɗinu ɠagattagppa unuqitteg!

Revelesen 2:11

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, mauhak ebqak 2 am nug guittak nakok laa ii mettama. Iittanab,” awa aum.