Jon 14:24 - Nobonob Baibel

²⁴ Laa nug dahilnu oo ii mauhtte ele, nug nai dahil ele dim ii lamidtte. Am ag dootteb, nai amuam dahil iitta. Nai amuam Mame, Nug da meiɗe uɗimi ele, am nuhig nai.

Jon 14:24 ပူးပေါင်းရင်းမြစ်များ

Matyu 19:21

A amu Jesus Nug amegppa aum. “Na genab tutukku hak danab elelenab bekkutnu amu na gona, na enun oh meppe, danab laala daden meppeg, na men doɗo amu oh aon, daɗek danab mattona amu, na hab attan enun okkai ele daakkut. Anam hewona amu na eɗun dona, da dim lamiɗe!” awa aum.

Jon 14:10

Da Mame nuhigppa daattem, Mame Nug dahilppa daatte. Pilip na amu ootppa genab iite doottem?” awa aum. Jesus Nug anam mattiowa, Nug nai tuɗitta ag oh amelagppa aum. “Nai da ag amelagppa madittem ele imu, amuam da dakka, dahil dabmakppanu iitta. Mame Nug dahilppa daatte, Nug nuhig uɗat dahilppa hette.

Jon 14:15

Am ag dahilnu oolag mauhtte dayeb, ag dahil haknunab anak dim lamadkkulag.

Jon 14:25

Da nai imu oh haen da ag ii uuadmippa, amuam gemu haen imu da ag ele daattem, da gemu haen imuppa nai imu ag amelagppa madittem.

Jon 3:11

Genabnab genab da na amenppa attem. Keeke ig doottem ele amu, ig amunu mehuqttem, keeke ig anidttem ele amu, ig amunu madittem, amge ihinig mattiak amu ag ii aotteb.

Jon 3:34

Yo, laa Kayak me uɗiom amu, Nug Kayak nai maditte. Aɗinu? Kayak Nug nuhig Ouɗi ambak medatte.

Jon 5:19

Juda okkai ag amunu eheɗ dooppig amunu, Jesus Nug amelagppa inam aum. “Genabnab genab, da ag amelagppa attem. Kayak Bekka da, dahil dabmakppa keeke laa ii hettem. Iitta. Da Mamel he anidmi amu, da ele anamib hettem. Keeke oh Mama hette amu, Nug Bekka da, da ele hettem.

Jon 5:38

Ele amu, nuhig nai ag oolagppa ii daatte. Aɗinu? Ag laa Nug me uɗiom ele, ag nuhignu oolagppa genab ii dootteb.

Jon 7:16

Ag anam mattieg amu, Jesus Nug ag amelagppa aum. “Da nai ag amelagppa madittem ele imuam dahil iitta. Kayak, Nug da meiɗe uɗimi ele, da nuhig nai madittem.

Jon 7:28

Danab ah ag anam mattiegeg, Jesus Nug Kayaknu mettid lakka danab ah noolagppa hibaitta dayaya, baag okkaippa nai mattiaya aum. “Ag da dooiɗtteb, da appal diig ele dootteb, amge da dakka dahil dabmakppa ii uɗimi. Mame Nug da meiɗe uɗimi. Nuhig diig am genabib, amge ag Nug ii dootteb.

Jon 8:26

Da epeɗiak danab nug danab hettoɗiakppa epeɗitte, amubia da ag epeɗiadkkulnu nai kuɗum madikkulnu elele, amge laa Nug da meiɗe uɗimi ele, Nug genabib maditte, da nuhigppa nai aomi amu, da wanppan danab ah amelagppa amuib madittem,” awa aum.

Jon 8:28

Amunu Jesus Nug ag amelagppa aum. “Dimppa ag Danab Bekkalag da ad emaitakppa atuliɗona amu, ag da am Kayak Bekka dooglag. Amu ele, da dahil dabmakppa keeke ii hettem. Iitta. Mame Nug da ippuniɗom amu, da amunuib madittem, ag amu ele dooglag.

Jon 8:38

Da nai imu madittem ele amu, da Mame ele daaɗɗa anidmi, da amu madittem, amge ag am ag mamelag a dooppig hetteb,” awa aum.

Jon 8:42

Aeg am Jesus amelagppa aum. “Ag Mamelag genab Kayaklob, ag dahilnu oolag mauhlo. Aɗinu? Da Kayak ele daaɗa uɗimi. Da dahil maittakppa ii uɗimi. Iitta. Kayak Nug da meiɗe uɗimi.