Jon 14:21 - Nobonob Baibel

²¹ Am aun laa nug dahil haknunab anak awa dim lamadtte ele, nug aakkuib am dahilnu oo mauhtte. Am aun nug dahilnu oo mauhtte amu, Mame Nug ele nuhignu oo mauhkku. Da ele nuhignu ool mauhebeb, da nug da diil miag atiak nug ippunidkkul,” awa aum.

Jon 14:21 ပူးပေါင်းရင်းမြစ်များ

2 King 18:6

Hesekaia nug Yawe ouqa dayaya, nug haen oh Yawe iinab uuom. Iitta. Yawe nuhig ɗo nai Moses mettom amu, Hesekaia nug amu oh nug tutukku dim lamittom.

Sam 35:27

Amge danab ah ag na hee, da tutukkuib hemi miag atiom anidna dabmena, ag amunu enanagnab dootteb ele amu, ag am gamag ahak okkainab madakkutnu oɗ medattem. Na heppe, danab amu ag hanhan, “Ig Yawe, Nug nuhikkud maɗi nid maɗoɗ ele daakkunu oo huana hette ele, ig Nug hanhan attanib daakkunu oonig daatte,” akkulagnu unuqidttem.

Eksodas 33:18

Nug a amu, Moses nug Nug amegppa aum. “Da binag amahlak oppiaawak ele nahip da ippuniɗkkutnu unuqidttem,” awa aum.

Prowerb 8:17

Amu aun laa ag dahilnu oolag mauhtte amu, da ahilagnu ool mauhtte; am laa ag da aniɗna dim lamiɗkkulagnu mattiɗtteb, ag da aniɗtteb.

Jeremaia 31:31

Yawe Nug atte. “Haen laa uɗitte, haen amu uɗieb, haen amuppa da heppi, Israel danab ah, am Juda danab ah ele, da ag ele ig nug tituana nai qakkak bau hekkunig.

Sepanaia 3:17

Yawe, ahilag Kayak, Nug ag oolagppa daatte; Nug am ban danab ɠagattag, Nug hanhan nuhikkud ehanatte, ag kekeɗ eɗadtteb. Yawe Nug ahilagnu enanagnab dookku. Nug ahilagnu oo mauhtte, amu amuppa ag maɗoɗ aoglag. Ge, Nug ahilagnu oo gamag ahebeb, ahi edakku,” aon akkulag.

Luk 11:28

Amge Jesus Nug aum. “Anam iitta! Danab ag Kayak nai doon dim lamidtteb ele, ag itittak ena aoppig daatteb,” awa aum.

Jon 14:15

Am ag dahilnu oolag mauhtte dayeb, ag dahil haknunab anak dim lamadkkulag.

Jon 14:18

Da ag nid laa, nug anig mameg ele mauhpiɗ, nukkanab daatte, da amubia ii uuadpa. Iitta. Da gumatte uɗikkul.

Jon 15:14

Amu ag da haknunab anak nai ag mattami dim lamidtteb dayeb amu, ag da lailad daatteb.

Jon 16:14

Nug dahilppanu aɗi awom amu, Nug ag amelagppa madikku amunu, amuppa Nug da binal amahlak oppiaawak meɗakku.

Jon 16:27

Iitta! Mame Nug nukka ahilagnu oo mauhtte. Aɗinu? Ag dahilnu oolag mauhtte, amu ag ele da am Kayak toppanu uɗimi oolagppa genab dootteb.

Jon 17:23

Dahilad ag oolag laippunab daaglagnu, laippunab dayak amuppa ag wanppan danab ah na da meiɗe uɗimi, na dahilnu oot mauhom, gemu ele mauhtte, amubia na dahilad, ahilagnu ele oot mauhom, gemu ele mauhtte ippunadppeg dooglagnu, da ahilagppa daakkul, na dahilppa daakkut.

Aposel 22:18

Tuleglegppa da Naɗi anitti, Nug da amelppa aum. ‘Na paha ahan, Jerusalem uun ukke! Aɗinu? Na dahilnu nai ippa mehuqkkut amu, ag nai amu ii aomna,’ awa aum.

2 Korint 12:8

Da haen ewam Naɗi Nug beɗulppanu keeke amu uhuqkkunu unuqmi,

2 Korint 3:18

Amu keeke laa ig iɗunig ii haut-tte, Naɗinu binag amahlak oppiaawak ele ihinigppa uɗiaya, aam ameg lettodppa ya gotte, ig nuhig binag amahlak oppiaawak ele amubia heta daattem amu, Naɗi Nug ig Nug bia daagnignu baolikkekke, ig nuhig binag amahlak oppiaawak ele tuɗid tuɗid aot daattem. Naɗi Nug am Ouɗi, amu Nug anam aakku hette.

Duteronomi 11:13

Ag haknunab anak nai, gemu da ag madattem imu oh tutukku dim lamidnana, ag Yawe, ahilag Kayak, ag meulag ohppa, oolag ohppa ele nuhignu oolag mauheb, ag Nug waappa daan Nug oɗe dim lamidkkulag dayeb amu,

Duteronomi 7:13

Nug ag ahilagnu oo mauheb, ag itatta heeb, ag appatna, kuɗum bekkulag. Nug geha heeb, ag nid naunau kuɗum ele daappeg, Nug heeb, wan ahilag ittag ele dayebeb, doɗ ele ag mattoi ii daamna. Haen ag wan Nug ag mamelkad aɗi madakkununab nuhig nai ɠagattag qetta aum ele, amuppa nona amu, ag en kuɗum ele daaglag: amuam ee aeg, wain bau, olip goɗen, amu makau, sipsip, meeme ele, ag amu kuɗum ele daaglag.

2 Tesalonaika 2:16

Aria, ihinig Naɗi Jesus Kristus Nugnab, amu ig Mamenig Kayak, Nug ihinignu oo mauhom, Nug nuhig ehanittak okkai hamu mettakppa oo ɠagattag qak hanhannu, ena baknu dabmak aɗa oiyak enanag ele mekkom amu, aɗit amu aa hepeɗ,

2 Timoti 4:22

Naɗi Nug, amu nuhig ehanittak okkai hamu mettak ele nahip-ppa dayeɗ!

1 Jon 2:5

Amge aun laa nug nuhig nai dim lamidtte amu, Kayaknu oo mauhak am genab ambak nuhigppa daatte. Amuppa ig doottem, ig nuhigppa daattem.

1 Jon 3:1

Ag imu doyeg! Mame Nug ihinignu oo huanaknab mauhtte, amu diig amunu Nug ihinignu, “Da bekkalad,” atte. Amu ig genab Nug bekkod daattem. Wanppan danab ag ii dooigtteb. Aɗinu? Ag Kayak ii dootteb.

1 Jon 5:3

Ig Kayaknu oonig mauhtte dayeb, ig nuhig haknunab anak dim lamidkkunig. Amuam oo mauhaknu diig aakku. Amu nuhig haknunab anak am uug iitta.

2 Jon 1:6

Oo mauhak kobol dim lamittak am inam; ig nuhig haknunab anak dim lamidkkunig. Amu ag digmakppa dooppig amubia, nuhig haknunab anak am, ag oo mauhak doon oiyeg!

Revelesen 2:17

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da maana gemu lokkumak daatte, da amunu laa medakkul. Da nug men hakkab laa ele nug medakkul. Men amuppa onig bau yaak ele daatte. Laippu laa nug onig amu diig ii dooma, aun nug da mettami ele amu, nug aakkuib dookku,” awa aum.

Revelesen 22:14

Danab nug nuhig lamen iha oppiaawak daatte bia, aun aɗi ag Jesus tiigppa oppiaawak daatteb, amu diig amunu ag aab okkainu od oɗeppa wana, aabppa nona, ad bauklelnu meu lakkulagnu elele daatteb amu, ag itittak ena aoppig daatteb.

Revelesen 3:20

Antte! Da lag odppa dayeye, od qeqalele daattem. Aun laa nug doya od matuleb amu, da lag ooppa noppi, nug ele ee lakkunih.