Jon 14:2 - Nobonob Baibel

² Da Mamel laug am oo kuɗum ele, amu da laa ahilagnu bappaidkkulnu gottem. Anam laa ii daalo amu, da ag amelagppa alom.

Jon 14:2 ပူးပေါင်းရင်းမြစ်များ

Luk 14:22

Nug anam a am dimppa maɗi nid nug nuhig okkai amegppa aum. ‘Naɗi, da na ame amu dim lamitten hein malami, amge balal laa oh am-ii-beum,’ awa aum.

Jon 13:33

O nid naunau dahilad, haen nakoknab da ag ele daagnig, amu dimppa ag da mattiɗkkulag. Da tatam Juda okkai amelagppa ami amu, gemu da ag amelagppa ele iikku attem. Ag aben da gottem ele, amuppa ag gokkulagnu elele iitta.

Jon 13:36

Jesus anam a amu Saimon Pita oɗ mettom. “Naɗi, na adeppa gokkut?” Pita anam a amu Jesus Nug amegppa aum. “Aben da gottem ele, amuppa amu gemu na da dim lamiɗna gokkutnu elele iitta, amge dimppa amu, na dim lamiɗkkut,” awa aum.

Jon 14:28

‘Da ag uuatte ukkoya, da eɗuen ag gumatte uɗikkul,’ ai dooppig. Ag genab dahilnu oolag mauhlolob, ag da Mame toppa gokkulnu amu, ag amunu oolag gamag ahalo. Aɗinu? Mame Nug am Naɗi, Nug da eɗilak.

Jon 16:4

Da nai imu mattiminu diig am haen amu beebeb, da dabmak awaknu nai imu mattami amu, ag daulagppa dokku. Digmakppa da ag ele daamut amunu, da nai imu ag amelagppa ii ami; gemuib madittem.

Jon 17:24

Mame, danab na da meɗame amu, haen da binag amahlak oppiaawak ele daakkul, haen amuppa ag da ele aben amuppa daagnignu ool daatte. Ag da binag amahlak oppiaawak ele anukka wan ii dayomppa na dahilnu oot mauhom, gemu ele oot mauhtte amunu, na da meɗame amu, ag amu anidkkulagnu ool daatte.

Aposel 9:16

Geha nug da onil ag ippuanattatta, amuppa nug uug nau digdig maokkunu daatte amu da nug ippunidkkul,” awa aum.

2 Korint 5:1

Wanppan keeke haen tutuib daatte, hab aabppanu keeke am hanhannu ele amunu, ig imuam dabmettat doottem. Ig gemunu beɗunig am wan imuppaib oiyaknu daatte. Keeke hanhannu iitta, danab nug peh haen tutuib daakkunu hette, amubia. Anam daatte amu, aria peh nug nauhtte, amubia ig beɗunig gemunu nauhppeg amu, Kayak Nug beɗunig laa, lagnab bia, hab aab appa megakkunu daatte. Lag amuam Kayak Nug heum; danab laa ii heum. Nug hanhan daakku.

1 Tesalonaika 5:9

Aɗinu? Kayak Nug nuhig oppoɗi bak ig iqakkunu ii tituanikkom. Iitta. Jesus Kristus, ihinig Naɗi, Nug eɗua awigkkunu tituanikkom.

Taitus 1:2

Doyak diig genabib amuam he, ag bauklel hanhannu aoppig daatteb dootteb. Kayak, Nug hambuppuak nakok laa iinab maditte amu, Nug ag bauklel hanhannu amu aoglagnu anukkanab, keeke ii heum haenppa nai qakka aum.

Hibru 11:10

Abraham nug aab okkai laa, Kayak dabma heum, aab amuam hanhan daakku ele amu, aab amuppa daakkunu ameg ma dayom amunu, nug wan amuppa peh lagppa daakkunu uug ii doyom.

Hibru 13:14

Ig doottem, wan imuppa aab okkai haen elab hanhan daakkunu, ig appa daagnignu laa ii daatte. Amge ig am aab okkai butti aɗi bekku ele amunuib ameg metata daattem.

Hibru 6:20

Jesus Nug tatam lag oo amuppa ig ehanigkkunu noum. Nug am mana mettak ikki danab, Melkisedek bia hanhannu beum daatte.

Hibru 9:8

Kobol amuppa Kayak Ouɗi Nug inam ippunigtte. Haen danab ah ag lag amuppa Kayak binag meppig ele amu, danab ah oh ag Kayak noobppa tutukku wakkulagnu ib iitta. Ib amuam oo nak.

Revelesen 21:2

Anam amu, da aab okkai, am Jerusalem bau Kayaknu tituanak daatte, aab amuam hab aabppa, Kayak toppanu neene anidmi. Nug am ah bau nug danab aokkunu bala mettom, amubia.

Revelesen 3:12

Aun laa nug ban eɗidkku amu, da nug dahil Kayak, nuhig mettid lagppa anuqak laa meppi daakku; nug haen oh lag uua dimittim ii wama. Da nug qaɗeppa dahil Kayak onig amu dahil Kayaknu aab okkai onig ele yaakkul. Aab okkai amuam Jerusalem bau, am dahil Kayak toppanu attannu nette. Am da onil bau ele nug qaɗeppa yaakkul.

Revelesen 3:21

Aun laa nug ban eɗidkku amu, da nug daakkunu elele appi, nug da ele dahil sia kingppa, anukka da ban eɗitti, gemu da Mamel ele nuhig sia kingppa daattep amubia daagnih.