Jon 14:18 - Nobonob Baibel

¹⁸ Da ag nid laa, nug anig mameg ele mauhpiɗ, nukkanab daatte, da amubia ii uuadpa. Iitta. Da gumatte uɗikkul.

Jon 14:18 ပူးပေါင်းရင်းမြစ်များ

Sam 101:2

Da na noomppa nahip neekkakppa da oolppa kaliak laa iitta ele oikkulnu wagai mein hekkul. Na ganeb dahilppa uɗikkut? Da daattemppa amu, da na noomppa danab ooppa kaliak laa iitta ele daakkulnu oolppa dabmein oikkul.

Sam 23:4

Amu, O Yawe, da aben laa, appa gatatu nau ele daatte amu, da appa oikkul dayeb, na appa ele da ele daagnih amunu, da ii baɗapa. Nahip sipsip gumattaknu dudqak hokkat, nahip doɗ nau lamittaknu bu ele da oo maɗoɗ meɗattep.

Aisaia 43:1

Anam, amge gemu Yawe Nug he, ag Jakop buɗub ag huu laippu daatteb ele, Nug ag amelagppa atte. Ao, Yawe Nug, Nug he, ag Israel buɗub ag danab ah laippu daatteb, Nug ag amelagppa atte. “Da ag laa eppegppa dayaknu qagaiettakppanu eɗua uhuqak dayaknu hein madakkul amunu, ag aib baɗappig. Da danab nug laa onigppanab eewo dootte, amubia da ag onilagppa ei, ag dahilad daatteb.

Aisaia 51:12

Amu Yawe Nug atte. “Da, ge da, da oo mak madattem. Danab am keeke gai-iitta, oh mauhtteb amunu, aɗinu ag danabnu baɗadtteb? Ao, aɗinu ag danab bekkalkad, ag gikkiɗah bia paha nauhtteb ele amu, aɗinu ag ag baɗadtteb?

Gayak Nai 5:3

Ig nid ag mamelkad mauhppig, ehanittak laa ele iitta daatteb bia daattem. Ao, ig aninkad ag ah qab daatteb.

Hosea 14:3

Asiria ag ig ehanigkkulagnu elele iitta. Ao, ig ban haknu hosppa ban hetata, ena daagnignu ii dabmemata. Ig keeke dottolkad eppenigppa hak, ig amu dilagnu baula, ‘Am ihinig kayak,’ ii amata. Aɗinu? Na aakkuib nid anilkad mamelkad iitta dilagnu oot bodoetta, le mette.” Ag anam aig!

Hosea 6:3

Ig Yawenu doyaknu wagai metu! Ao, ig Yawe doognignu wagai metu! Ig anam hekkunig amu, aam nug genab buttua hanhan bette, genab amubia, Yawe Nug uɗia, ig ehanigkku. Ge, gu oug haen iitta metteppa hanhan nette, amubia Nug genab uɗia, ig ehanigkku.” Israel ag anam akkulag.

Matyu 18:20

Ao, danab aɗit, o ewam aakkuib ag da onilppa, aben adekkuppa qagmekkulag amu, da ele ag oolagppa daakkul,” awa aum.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Jon 14:16

Amu da Mamel oɗ medappi, Nug Ehanittak laa madakku. Nug ag ele hanhan daaglag.

Jon 14:3

Da ukken, ahilag aben babaittoya, ag da daakkulppa da ele daagnignu da eɗuen uɗien, omalatte gokkul.

Jon 16:16

Nakok laa ele ag da ii aniɗmana. Nakok laa ele dimppa amu ag da baula aniɗkkulag,” awa aum.

Jon 16:33

Da nai imu ag dahilppa maɗoɗ aon daaglagnu elele daaglagnu amelagppa ami. Wan imuppa amu ag uug anidkkulag, amge ag uug aib aqom! Aɗinu? Da wan imuppanu ɠagattag eɗidmi,” awa aum.

2 Tesalonaika 2:16

Aria, ihinig Naɗi Jesus Kristus Nugnab, amu ig Mamenig Kayak, Nug ihinignu oo mauhom, Nug nuhig ehanittak okkai hamu mettakppa oo ɠagattag qak hanhannu, ena baknu dabmak aɗa oiyak enanag ele mekkom amu, aɗit amu aa hepeɗ,

Hibru 2:18

Amu Nug nukka hipunin hekkunu eeɗak doyaya, uug mawa guittak doyom amunu, haen danab ag hipunin hekkulagnu eeɗak dootteb ele amu, Nug ag ehanadkkunu elele.