Jon 14:17 - Nobonob Baibel

¹⁷ Nug am Kayak Ouɗi; doyak diig genabib diig. Wanppan danab ah wannu kobol dim lamidtteb ele, ag Nug aoglagnu am elele iitta. Aɗinu? Ag Nug ii anidtteb, amu ag ele Nug ii dootteb. Amge ag da ele geha iikku daatteb, ag am Nug dootteb, Nug ag ele daatteb, dimppa Nug ag oolagppa ele daakku.

Jon 14:17 ပူးပေါင်းရင်းမြစ်များ

Prowerb 14:10

Nahip oo gamag ahak, oo uug doyak ele, amuam nakka nahip keeke; laa nug na doottem bianab dookkunu elele iitta.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Aisaia 59:21

Amu Yawe Nug atte. “⌊Danab ah ag oolag eɗuom ele⌋, da, ge da, da ag ele imu hekkunignu nug tituana nai qakkak hettem. Da dahil Ouɗi, Nug ahilagppa daatte, amu da heppi, Nug ag, ag bekkalkad aɗelkad ele, amu ag bekkalkad aɗelkad ele amu, Nug ag oh ele gemu, hanhan ele anam daaglag. Laa, dahil nai, ag oɗelagppa daatte amu, da heppi, nai amuam ag oɗelagppa, ag bekkalkad aɗelkad ele oɗelagppa, amu ag bekkalkad aɗelkad buɗulkad oɗelagppa ele gemu, hanhan ele anam daakku.” Yawe Nug anam atte.

Esekiel 36:27

Amu da ele da Ouɗil ag matten, da heppi, ag dahil nai dim lamidkkulagnu dabmak anuqak aɗan oiglag. Ag dahil ɗo iɗu iɗu ii tippalmananu dabmak okkainab aoglag.

Matyu 10:20

Amuppa ag nai ii mehuqmana. Iitta. Ag Mamelagnu Ouɗi Nug ag oɗelagppa nai mehuqkku,” awa aum.

Jon 14:16

Amu da Mamel oɗ medappi, Nug Ehanittak laa madakku. Nug ag ele hanhan daaglag.

Jon 14:23

Judas laa amu nug anam a, Jesus Nug aum. “Danab laa nug dahilnu oo mauhak dootte dayeb, nug dahil nai ele dim lamidkku. Aria, danab amunu amu da Mamel Nug nuhignu oo mauhkku. Amu da Nug ele, i nuhigppa nepuɗ, ig oh laippu, danab ewam lag laippuppa daatteb, amubia haen oh daagnig.

Jon 15:26

Kayak Ouɗi, Nug onig laa Ehanittak, Nug am doyak diig genabibnu diig Kayak toppa daatte amu, da Nug geha meppi, ag ehanadkkunu ahilagppa uɗikku. Nug amu Mame nuhigppa dayaya uɗikku. Haen Nug uɗia amu, Nug nai dahilnu ag amelagppa mattieb dooglag.

Jon 16:13

Amge Kayak Ouɗi, doyak diig genabib diig, haen Nug na, Nug keeke oh doyak diig genabibppanu ippunadkku. Nug nukka nuhig dabmakppa ii mattima. Iitta. Nug aɗi doyom aakkuib madikku. Aɗi aɗi dimppa bekku, amu ele ippunadkku.

Jon 6:40

Ao, da Mamel Nug oo niitte ele amu anam aakku. Danab aun ag Nug Bekka da, ag da aniɗna, ag dahilnu oolagppa genab dootteb ele amu, ag bauklel hanhannu aoglag. Da dakka geha wan haen malakppa maɗadakkul,” awa aum.

1 Korint 14:15

Amunu da attem hekkul? Da unuqidkkul amu da ouɗil, dahil dabmak ele ohppa unuqidkkul. Da ahi edakkul amu da ouɗil, dabmak ele ohppa ahi edakkul.

1 Korint 2:14

Amge danab nug Kayak Ouɗi ii awom ele, nug Kayak Ouɗinu dabmak ii aotte. Aɗinu? Nug dabmak amunu, “Dabmak tutukku iitta,” anam dabmette. Dabmak amunu amu, Kayak Ouɗi Nug danab ehanidkku dayeb, nug dabmak amunu oo maidkku amunu, danab ag Kayak Ouɗi iitta ele, ag am dooglagnu elele iitta.

1 Korint 3:16

Ag am Kayaknu mettid lag, Kayak Ouɗi Nug ag oolagppa daatte amu, ag amu iite dootteb?

1 Korint 6:19

Ag anen anen ag beɗulkad am Kayak Ouɗinu mettid lag ag iite dootteb? Kayak Nug nuhig Ouɗi ag mattom, ag oolkadppa daatte. Ag amu, ag akka ahilagnu iitta. Ag am Kayaknu daatteb.

2 Korint 13:5

Ag akka akka ag ahilag ooppa genab doyak am genabte, ⌊amuam ag Kristusnu, nuhig Nai Enanu ele aakkuib oolagppa genab dootteb,⌋ o ahilag ooppa genab doyak am genab iittate italna epeɗieg! Ag akka, ag oolag ma anttak metteg! Ag Jesus Kristus, Nug ag oolagppa daatte iite dootteb? Yo, ag ma anttakppa elele hetteb dayeb amu, Nug ag oolagppa daatte. Iitta am iitta.

2 Korint 6:16

Ig Kayaknu mettid lag amu kayak hambuppuak dottolkad ele ouaqadkkunigte? Amu oh am iitta! Ag dootteb Kayak bauklel ele nuhig mettid lag amu igib iikku. Anukka Kayak Nug nuhikkud danab ah dilagnu inam aum. “Geha da ag ele oh daatta, ag oolagppa oikkul. Da ahilag Kayak daakkul, ag am dahilad danab ah daaglag.”

Galesia 4:6

Gemu ag Kayak bekkod daatteb amunu, Kayak Nug Bekka Jesusnu Ouɗi me, Nug ig oonigppa dayaya ehanikke, ig Kayak amegppa, “Mame, Mame!” attem.

Epesus 2:22

Kristusnu uɗat okkaippaib ameg aɗit amu ag ouaqe, laippu bena, ag Kayak Ouɗippa, Kayak Nug daakkunu laug aakku betteb.

Epesus 3:17

ag ahilag ooppa genab doyakppa Kristus Nug ag oolagppa daakkunu, amu Kayaknu oo mauhak ag ɠagattag aqeb, ad diɗi nug wan aɗe ad ɠagattag daatte, amubia ag ɠagattag daaglagnu unuqidttem.

Kolosi 1:27

Lokkumak nai amuam enanagnab, danab oh dilagnu. Amu Kayak Nug danab ah nuhikkud ag amu dooglagnu heum. Nai lokkumak amuam iikku. Am Kristus, ag oolagppa daatte. Nugib ag omalatteb gona, Nug ele hab attan ena daaglag.

2 Timoti 1:14

Kayak Nug doyak diig genabib na mettom, Kayak Ouɗi, Nug ihinigppa daatte amu, Nug na ehanittebeb, na pehettak atogno!

1 Jon 2:27

Amge ag Kristus eppegppanu Kayak Ouɗi aoppig, ag oolagppa ele daatte amunu, auntai laa nug ag keeke laa ippunadkkununab ii daatte. Aɗinu? Kayak Ouɗi, Nug keeke ohnu diig tutukku ippunadtte, Nug am genabib ippunadtte, Nug hambuppuak laa ii ippunadtte amunu, Nug ag ippunadtte amu, ag amu dim lamidna, Kristus ele laippu dayeg!

1 Jon 3:24

Anam amunu, laa ag Kayaknu ɗo dim lamidtteb amu, ag Kayak nuhigppa daatteb, amu Kayak Nug ele danab amu, ahilagppa daatte. Kayak Nug nuhig Ouɗi ig mekkom amunu, amuppa ig doottem, Nug ihinigppa daatte.

1 Jon 4:4

O nid naunau dahilad, ag am Kayaknu amunu, ag propet hambuppuak eɗadppig. Aɗinu? Laa ag oolagppa daatte amu, Nug onig, ɠagattag ele am wan imuppan okkai eɗittak.

1 Jon 4:6

Ge ig am Kayaknu amunu, aun nug Kayak dootte amu nug ihinig nai dootte. Amge aun nug Kayaknu danab iitta amu, nug ihinig nai ii dootte. Amuppa ele ig aun nug Kayak Ouɗi oɗe awa, nai doyak diig genabibppanu maditte, amu aun nug wan imuppan okkai oɗe awa, nai genab iitta maditte ele doottem.

1 Jon 5:7

Am ewam amu ag Jesus, Nug am Kristus, ippunigtte.

Revelesen 2:17

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da maana gemu lokkumak daatte, da amunu laa medakkul. Da nug men hakkab laa ele nug medakkul. Men amuppa onig bau yaak ele daatte. Laippu laa nug onig amu diig ii dooma, aun nug da mettami ele amu, nug aakkuib dookku,” awa aum.