Jon 14:10 - Nobonob Baibel

¹⁰ Da Mame nuhigppa daattem, Mame Nug dahilppa daatte. Pilip na amu ootppa genab iite doottem?” awa aum. Jesus Nug anam mattiowa, Nug nai tuɗitta ag oh amelagppa aum. “Nai da ag amelagppa madittem ele imu, amuam da dakka, dahil dabmakppanu iitta. Mame Nug dahilppa daatte, Nug nuhig uɗat dahilppa hette.

Jon 14:10 ပူးပေါင်းရင်းမြစ်များ

Jon 10:30

Da Mamel ele amu i am laippu,” awa aum.

Jon 10:38

Amge da Mamenu uɗat hettem dayeb, ag amuppa dahil nainu oolagppa genab dooglagnu elele iitta dabmak aotteb dayeb, da uɗat laala, danab haknu elele iitta hettem amu, ag amu anidna, oolagppa genab doyeg! Amuppa ag doyak aona, Mame Nug dahilppa dayeye, da nuhigppa daattem amu tutukku dooglag,” awa aum.

Jon 11:26

danab oh ag bau daan, dahilnu oolagppa genab dootteb ele ag mauhakppa hanhan iinab daamna. Na nai amu ootppa genab doottemte?” awa aum.

Jon 12:49

Da dakka dahil dabmakppa nai ii madittem. Iitta. Mame, Nug da meiɗe uɗimi, Nug da uɗat meɗom ele, Nug da aɗi nai akkulnunab, attem hein madikkulnunab ele meɗom.

Jon 14:11

Da Mama nuhigppa daattem, Mame Nug dahilppa daatte amu, nai amu ag oolagppa genab doyeg! Iitta dayeb amu, da kobol danab hekkunu elele iitta kuɗum hettem, ag amu anidna, ag oolagppa genab doyeg!

Jon 14:20

Haen amuppa amu, da Mame nuhigppa daattem, ag am dahilppa daatteb, da ahilagppa ele daattem amu, ag amu dooglag.

Jon 14:24

Laa nug dahilnu oo ii mauhtte ele, nug nai dahil ele dim ii lamidtte. Am ag dootteb, nai amuam dahil iitta. Nai amuam Mame, Nug da meiɗe uɗimi ele, am nuhig nai.

Jon 17:8

Nai oh na da meɗame ele amu, da ag mattai aoppig. Da nahip-ppanu uɗimi amu, ag genab dootteb; na da meiɗe uɗimi, ag amu ele oolagppa genab dootteb.

Jon 3:2

danab amu nug tuqan Jesus gumitta uɗia, Nug amegppa aum. “Ippunittak danab, ig doottem, na am ippunittak danab Kayak toppanu uɗime. Aɗinu? Kayak Nug danab laa ii ehanitteb amu, nug Kayak dabmettaknu kobol danab haknu elele iitta, na hettem ele amu, nug hekkunu elele iitta,” awa aum.

Jon 5:17

Ag anam heppig, amge Jesus Nug amelagppa aum. “Mama Nug hanhan uɗat heehe uɗiom, gemu ele haaha daatte, amu da ele uɗat hettem,” awa aum.

Jon 5:19

Juda okkai ag amunu eheɗ dooppig amunu, Jesus Nug amelagppa inam aum. “Genabnab genab, da ag amelagppa attem. Kayak Bekka da, dahil dabmakppa keeke laa ii hettem. Iitta. Da Mamel he anidmi amu, da ele anamib hettem. Keeke oh Mama hette amu, Nug Bekka da, da ele hettem.

Jon 7:16

Ag anam mattieg amu, Jesus Nug ag amelagppa aum. “Da nai ag amelagppa madittem ele imuam dahil iitta. Kayak, Nug da meiɗe uɗimi ele, da nuhig nai madittem.

Jon 8:28

Amunu Jesus Nug ag amelagppa aum. “Dimppa ag Danab Bekkalag da ad emaitakppa atuliɗona amu, ag da am Kayak Bekka dooglag. Amu ele, da dahil dabmakppa keeke ii hettem. Iitta. Mame Nug da ippuniɗom amu, da amunuib madittem, ag amu ele dooglag.

Jon 8:38

Da nai imu madittem ele amu, da Mame ele daaɗɗa anidmi, da amu madittem, amge ag am ag mamelag a dooppig hetteb,” awa aum.

Jon 8:40

Da doyak diig genabib Mame toppanu aomi amu mattiyi dooppig, amge ag da niɗaglag hetteb. Abraham nug anam ii heum.

Aposel 10:38

dimppa Kayak he, nuhig Ouɗi Nug Jesus, Nasaret ted, Nug ooppa ambe, ɠagattag okkai ele mettom amunu, Nug Galili appa digma, aabaab oiyaya, danab ah ehanatte, danab oh Satan he ena ii daappig ele amu, Nug bappalatte, ag eɗun ena daappig. Aɗinu? Kayak Nug ele daapiɗ,” awa aum.

2 Korint 5:19

Amu nai ihinig amu iikku. Kayak Nug Kristusnu uɗatppa danab ah oh ele oolag laippu daaglagnu ib babaitta, Nug ag ahilag hipuninnu nob madakkunu ii dabmeum. Aria Nug he, danab ah ag Nug ele oolag laippu bekkulagnu ib babaittak daatte, Nug nai amu mehuqaknu uɗat amu ig mekke hettem.

Kolosi 1:19

Aɗinu? Kayak oo niiom bia Nug he, Kayak attemnab daatte, nuhigppa aɗi kobol keeke ambak daatte ele, amu oh amu anamib aakku Jesus nuhigppa anam dayom.

Kolosi 2:9

Ag Kristen, ag amu dabmettaglagnu diig amu, Kayak Nug attemnab daatte, nuhigppa aɗi kobol keeke ambak daatte ele amu, amu oh Jesus Kristus nuhigppa aakku dayeye, Nug ele am danab daatte.

1 Jon 5:7

Am ewam amu ag Jesus, Nug am Kristus, ippunigtte.