Jon 13:5 - Nobonob Baibel

⁵ Nug anam hewowa, le tappiɗppa qe noum. Qe no, aakku Nug digma, nuhikkud ippunittak awak danab baelag ihaaha, amu beɗu oppiaknu lamen imuagppa takkom ele, amuppa baelag leppu oppiom.

Jon 13:5 ပူးပေါင်းရင်းမြစ်များ

Genesis 18:4

Tatam laa le nakokib awa doob, ag baelag ihona, ag ad logoppa hik aoglag.

Genesis 19:2

Wanppa ma amu, nug aum. “O danab okkai aɗit dahilaɗ, aa da, da ahilah maɗi nid amu, aa da laulppa gokkulahnu ool daatte. Aa goya, baelah ihoya, tuqan imuppa niiyya, butti buttua ahaya gokkulah,” awa aum. Nug anam aum, amge engel aɗit aa nug amegppa apiɗ. “Iitta! I qagmak aben imuppa niignih,” aoya apiɗ.

Genesis 43:24

Daaeg amu, laug gumak danab nug ag omalatta, Josep laug ooppa noa, le baelag ihaglagnu matta, nug ahilag donki dilag ee ele awa, donki mattom.

2 King 3:11

Nug anam aum, amge King Jehosapat nug Joram inam oɗ mettom. “Yawenu propet laa, ig nug amegppa apput, ig geha attem hekkunig amu, nug Yawe amunu oɗ metteb, amegppa ab, nug ab ig doognignu laa iite daatte?” awa aum. Amu Israel dilag king Joramnu ban daup ikki laa dayaya, nug nai amu doya, nug inam nob meum. “Sapat bekka Elisa nug daatte. Anukka nug am propet Elaiyanu maɗi nid dayom,” awa aum.

Sam 51:2

Na heppe, da oolppa aab iitta daakkunu oɗ medattem. Yo, na dahil hipunin uhuqna meɗan heppe, da oppiaawak bekkulnu unuqidttem.

Eksodas 29:4

Amu dimppa na Aron bekkod ele omaladna gona, dahil mettid haknu peh lag danab ah appa qagmetteb ele, na ag lag amu odppa maadna heppe, ag le layeg!

Aisaia 1:16

Ag nau heppig amunu, ⌊danab nug beɗu dubuttid ele le layowa, dubittid iitta daatte bia,⌋ ag oolag bappaidna, dubuttid iitta dayeg! Ag hak nau da amelppa baula aib heppig. Ag baula eheɗ aib heppig.

Esekiel 36:25

Ag wan ahilagppanab daappeg, da le oppiaawak ele awen, ahilagppa tauɗppi ag oppiaawak daaglag. Da heppi, dubuttid, da noolppa daakkun elele iitta ahilagppa laa ii daama; ag baula kayak hambuppuak dottolkad noolagppa dup nona binalag ii memana.

Lewitikas 14:8

Laa nug Kayak ele ouqeya daaglahnu bekkun daatte, nug Kayak ele ouqa dayaknu kobol heeb, gogppa tekkunu amu, nug inam hekkuoitte. Nug lamen nuhig miha, beɗu uɗig oh hoiyeb ukkeb, nug le laakkuoitte. Nug anam ha, Kayak ele ouqa dayaknu elele amunu, nug eɗua, haen tutu dayaknu aab kalak, amuppa gokkunu elele. Anam aakku hekku, me nug nuhig peh lag ooppa ii noma, nug deɗ eblaih aɗit ele dimittim daakkuoitte.

Sekaraia 13:1

Le dubuttid ihe, iitta mette, amubia qinob Yawe Nug heeb, Dawit buɗub, am Jerusalem danab ah ele ag hipunin iitta, beɗulagppa ele aab iitta daaglagnu ib daakku.

Luk 7:38

Jesus baegppa, guguitta dimugppa hibaitta gayaya dayom. Ameg leb gokkaɗa, Jesus baegppa ne amu, ikki uɗugppa oppiaya, Jesus baeg ootuqittowa, leppu muttuɗig enanag ele Jesus baeg gokkaɗ qettom.

Luk 7:44

Jesus Nug anam ana amu, Nug eɗua, ah neekkittatta, Saimon amegppa aum. “Na ah imu anidttem. Da na laut ooppa nemi amu, na le aon dona, da bael ihaknu ii meɗame, amge ah imu nug ameg lebppa da bael iha, nug ikki uɗugppa oppiom.

Jon 13:10

Pita anam a amu Jesus Nug amegppa aum. “Laa nug le layom ele, nug beɗu dubuttid iitta amunu, nug baegib iheb, nug beɗu oh oppiaawak daakku. Ag am oppiaawak daatteb, amge ag ohnab oppiaawak iitta,” awa aum.

Jon 13:6

Am Nug baelag leppa ihaaha ukka ukka, Saimon Pita gumitta wa, Pita nug Jesus oɗ mettom. “Naɗi, na da bael ihakkutnute hettem?” awa aum.

Jon 13:8

Awa a amu Pita aum. “Naɗi, na da bael iinab ihamna; gemu butti aɗi ele iinab ihamna,” awa aum. A am Jesus Nug aum. “Da na baen ii ihakkul dayeb amu, na dahil iitta,” awa aum.

Jon 19:34

amge daup danab laippu nug Jesus ban hawaɗppa qetti atule, am pahanab tiig le ele neum.

Aposel 22:16

Aria, na aib hamu daame! Na ahan, layattak aon, na Jesus onigppa unuqidppeppe, Nug hipunin nahip uhuqa medakku.’ Ananias nug anam da amelppa aum.

1 Korint 6:11

Anukka ag oolagppa laala amubia oittappig, amge Kayak Nug he, hipunin ahilag iitta meum. Nug he, ag oppiaawak daatteb. Kayak Nug he, ag genab tutukku hak danab ah daatteb. Ihinig Kayak Nug amu oh Naɗi Jesus Kristus onigppa, amu nuhig Ouɗippa ele heum.

Epesus 5:26

Ge, Kristus Nug tamaniak leppa amu Kayak naippa ele iheb, oppiaawak daakkunu,

1 Timoti 5:10

amu danab ah laa ag nug kobol ena heum, nug nuhikkud nid ena atognoatta omalattom, nug ehanittak kobol dim lamittom, nug Kayaknu danab ah oppiaawak ele atognoattom, nug laa qagaiettakppa daaegeg ehanattom, amu nug kobol ena laala kuɗum heum ele anidtteb dayeb amu, ah qab amu na nug onig ah qab laa, ehanittak aoglagnu onilag ele laippu ye!

Hibru 10:22

amunu, ig oonigppa hambuppuak laa iitta ele daatta, ig Jesusnu oonigppa genab doot autta aota, Nug he ig ihinkad hipunin uhuqa mekkak daatteb dootta, ig beɗunig le oppiaawakppa babaitta malak oitta, Kayak gumidta gotu!

1 Jon 1:7

Amge Nug nukka amahlakppa daatte, amubia ig amahlakppa oittem dayeb amu, ig oh nug oo laippu ele nug doya dayakppa daattem, amu Nug Bekka Jesus, Nug tiig ihinig hipunin oh mihehe, ig oppiak daattem.

1 Jon 5:6

Jesus Kristus Nug uɗia, leppa layattak awa ukka, ad emaitakppa mauha Nug tiigppa ig uhuqikkom. Amu le, tiig amu ele, keeke aɗit amu Nug Kayak Bekka ippunigtte. Le nug nukka ii ippunigtte. Iitta. Le tiig ele oh amu ippunigtte. Kayak Ouɗi Nug am doyak diig genabib diig amunu, Nug amunu mehuqtte.

Revelesen 7:14

Oɗ meɗe, da nuhig oɗmak nob mein ami. “Naɗi, na doottem,” awe ami. Da ai amu, nug da amelppa aum. “Danab imu amu, ag eheɗ hattak okkainab, amuppa daappig, amge ag Kayak di-ii-medappig. Ag lamen elab ahilkad Sipsip Nag tiigppa ihalatteg hakkab ebappig

Ikki Danab 19:21

Nug anam anana, nug diia laugppa ukka, nug donki ahilag ele mattom. Nug anam hewowa, nug oippig ele le matte, ag baelag ihaeg, ag oh daanna, ee lappig.

1 Samuel 25:41

Ag anam aeg, Abigel nug amu doya, nug gateg qaun o, gomela, iɗu wanppa ma, nug aum. “Antteg! Da am naɗi dahil Dawitnu maɗi ah dayeye, nuhig maɗi nid baelag ihak uɗat hekkulnu babaitte daattem,” awa aum.