Jon 13:38 - Nobonob Baibel

³⁸ A amu Jesus oɗeppa awa aum. “Na genab dahil aben aona mauhkkutte? Da genabnab genab na amenppa attem. Na tuqan imuppa, na dahilnu, ‘Da Nug ii doottem,’ aon, haen ewam batak akkut. Na haen ewam anam appe, geha matuk dawai nug gaakku,” awa aum.

Jon 13:38 ပူးပေါင်းရင်းမြစ်များ

Prowerb 16:18

Aun laa nug dada kobol hekku amu, nug padal mekku. Ao, danab nug dada ha laa eɗittaknu dabmak aotte amu, nug na qekku.

Prowerb 28:26

Aun nug, “Da dakka dahil oiyak, dabmak, keeke oh atognokkulnu elele,” anana, amunu ooppa genab dootte ele, danab amu nug Kayak dab-ii-maama ii dim lamidtte ele; amge aun nug doyak dabmak ena ele dim lamidtte, Kayak Nug heeb, nug elele daakku.

Prowerb 29:23

Danab nug dada hette, nuhig hak amu he, nug na qette; amge danab nug oo bodoettakppa daatte amu, nug binag aotte.

Matyu 26:34

Pita nug anam a amu Jesus nug oɗeppa awa aum. “Da genab na amenppa attem. Na tuqan imuppanab na dahilnu, ‘Da Nug ii doottem,’ aon, haen ewam batak akkut. Na haen ewam anam appe, geha matuk dawai nug gaakku,” awa aum.

Mak 14:30

Pita nug anam a amu Jesus Nug oɗeppa awa aum. “Da genab na amenppa attem. Gemu tuqan imuppanab, matuk dawai haen ebqak aɗit ii gayeb, na dahilnu, ‘Da Nug ii doottem,’ aon, haen ewam batak akkut,” awa aum.

Luk 22:33

Nug anam a, Pita nug Jesus amegppa, “Naɗi da na ele maniguittakppa goɗa, oh mauhkkunihnu uug ii doottem. Hekkulnuib doottem,” awa aum.

Luk 22:34

Amge Jesus Nug aum. “Pita, da na amenppa attem, tuqan imuppa na dahilnu, ‘Da Nug ii doottem,’ aon, haen ewam batak akkut. Na haen ewam anam appe, geha matuk dawai nug gaakku,” awa aum.

Jon 16:31

Anam aeg amu Jesus amelagppa aum, “Genab ag gemu oolagppa genab doottebte?

Jon 21:17

Jesus baula ewam batak Pita oɗ mettom. “Saimon, Jon bekka, na dahilnu oot mauhttete?” awa aum. Pita Jesus haen ewam batak, “Na dahilnu oot mauhttete?” aum amunu ooppa guittak doyaya, nug Jesus amegppa aum. “Naɗi, na keeke oh doon malame, amu na da nahipnu ool mauhtte ele doottem,” awa aum. Pita anam a amu Jesus amegppa aum. “Dahil sipsip bekkadna meɗe!” awa aum.

Aposel 11:10

Lamen okkai amu nug ne, haen ewam bate, aria ⌊Kayak he⌋ keeke amu eɗua, hab aabppa teum.

1 Korint 10:12

amunu, danab laa nug ɠagattag hibaitta daatte dabmette ele amu, nug na qemanu dabma auta awaɗ!