Jon 13:23 - Nobonob Baibel

²³ Ippunittak awak danab laa, Jesus nuhignu oo huanak mauhttom ele, nug Jesus guguittak dayom.

Jon 13:23 ပူးပေါင်းရင်းမြစ်များ

2 Samuel 12:3

Daɗek danab nug keeke iittanab, nug sipsip balat laippu, nug daden meum, amu aakkuib. Nug sipsip balat laippu aakkuib, amu nug begitta auta awewe, sipsip nug danab amu, amu nug bekkod ele oh oippig. Danab amu nug ee nuhig laih laa awa, sipsip mette laum. Kap nuhig, amuppa ele le laum. Danab nug sipsip amu eppegppa aɗe niiom. Nug danab amu aɗeg bia dayom.

1 King 4:5

Natan bekka Asaria nug am wan obatak gumak danab, amu dilag gumak ikki anuqak. Natan bekka Sabut, nug am mana mettak danab, amu nug ele kingnu ulum mettak danab.

Luk 16:22

Am dimppa daɗek danab amu nug mauhom. Mauhe am engel ag nug aon meeg, Abraham ele daapiɗ. Daaeheh amu enub danab nug ele mauhe, ag nug boumppig.

Jon 1:18

Danab laippu laa nug haen laa Kayak ii anttom. Iittanab. Kayak Bekka laippunab, Nug Kayak ele ouqak daattep amu, Nug aakkuib anitta doya, Kayak ippunikkom.

Jon 11:3

Lasarus nug oɗe meum amunu, Maria, Marta ele aa nai meeh, Jesus toppa ukke apiɗ. “Naɗi, na nuhignu oot mauhtte ele, danab amu aakku oɗe meum,” aoya apiɗ.

Jon 11:36

Juda ag amu anidna appig. “Antteg! Nug danab amunu oo huanak mauhom,” aon appig.

Jon 11:5

Jesus Nug Maria, Marta amu Lasarus ele dilagnu oo mauhttom,

Jon 13:24

Dayeye amu Saimon Pita nug eppegppaib amegppa aum. “Na oɗ mette, Nug aunnu atte,” awa aum.

Jon 13:25

Anam a amu ippunittak awak danab Jesus guguittak dayom ele nug Jesus oguitta wana oɗ mettom. “Naɗi, na aunnu attem?” awa aum.

Jon 19:26

Ag anam daaegeg, haen Jesus Nug anig amu ippunittak awak danab laa, Jesus Nug nuhignu oo huanak mauhttom ele, nug ele anata amu, Nug anig amegppa aum. “Anai, nid imuam na bekkat,” awa aum.

Jon 20:2

Anam antta, nug eɗua qaiqaɗ ukka, Saimon Pita, amu ippunittak awak danab laa, Jesus Nug nuhignu oo huanak mauhttom ele, nug aa amelahppa aum. “Ag Naɗi moɗppanu aon, adebtag meppig amu, ig ii doottem,” awa aum.

Jon 21:20

Pita Jesus ele goyaya amu, Pita nug eɗua neekka, ippunittak awak danab laa, Jesus nuhignu oo huanak mauhttom ele, nug anukka Pasowa ee lanak haenppa Jesus oguitta wana, “Naɗi, aun nug na kekeɗ eppelagppa meidkku?” oɗ mettom ele, nug dim lamatete anttom.

Jon 21:24

Am ippunittak awak danab amuib nug keeke imu oh amegppa antta, nai amu maditte, nai imu ele iikku yom amunu, ig doottem, nai imu am genab.

Jon 21:7

Anam daye amu ippunittak awak danab laa, Jesus nuhignu oo huanak mauhttom ele amu, nug Saimon Pita amegppa aum. “Umu am Naɗi,” awa aum. Anam a, Saimon Pita nug uɗat haaha, ulahnu lamen uɗa dayom ele amu, haen nug, “Umu am Naɗi,” nai amu doya, nug ulah lamen awa ma, oola leppa noum.