Jon 13:21 - Nobonob Baibel

²¹ Jesus nai anam mattiowa, Nug ooppa uugnab doyom. Ooppa uug doya amu, Nug nai mattia aum. “Da genabnab genab ag amelagppa attem. Ag oolagppanu laippu laa nug da kekeɗ eppelagppa meiɗkku,” awa aum.

Jon 13:21 ပူးပေါင်းရင်းမြစ်များ

Matyu 26:21

Ag anam balalppa ee lanana, Jesus Nug aum. “Da genab ag amelagppa attem, ag oolagppanu laippu laa nug da kekeɗ eppelagppa meiɗkku,” awa aum.

Matyu 26:38

Nug anam doya, Nug ag amelagppa aum. “Da oolppa kahipan toɗe mauhak bianab doottem amunu, ag inam daappeg, da ele dabmettat daatu!” awa aum.

Mak 14:18

Aria, ag gona tena, balalppa ee lanana, Jesus Nug aum. “Da genab ag amelagppa attem. Ag oolagppanu laippu laa, nug da ele geha iikku ee lattep amu, nug da kekeɗ eppelagppa meiɗkku,” awa aum.

Mak 3:5

Ag toettan daaegeg, Jesus Nug neekka anatta, Nug oo nauhak doya, ag ahilag dabmak ɠagattag eppom ele antta, Nug amunu oo uugnab doya, Nug danab eppeg mauhak ele amegppa aum. “Na eppen taiette!” awa aum. Jesus Nug anam a amu, danab amu nug eppeg taiette, eɗua laih bia, ena dayom.

Jon 11:33

Maria anam a amu Jesus Nug Maria gayeye antta, Juda ag Maria ele uɗippig amu, ag ele gaaegeg anattom. Anam anatta, Nug ele oo hik boppane, gaakkunu heum.

Jon 11:35

Anam aeg amu Jesus gayom.

Jon 11:38

Aria, Jesus aakku anam baula oo hik boppane, Nug moɗ guguitta waum. Moɗ amuam men oɗe laa, amu ag men laa buɗibɗib metteg ukke, men oɗe qehagppig.

Jon 12:27

Jesus Nug nai amu awona, Nug nai tuɗitta aum. “Da oolppa dabmak kuɗumnab aottem. Da, ‘Mame, na haen imunu mua nau imu heppe da ii anidpa,’ akkulte? Iitta! Da uɗat imu hekkulnu uɗimi,” awa aum.

Jon 13:18

Da madittem imu amu da ag oh ahilagnu ii attem. Da danab dahilad, da tituanadmi ele amu, da ag diilag doottem. Amge Kayak nai niitte amu genab meu bekku. Nai amu inam atte. ‘Am da layalnab, i oh ee lamuɗ ele, nug da kekeɗ meɗom.’

Jon 13:2

Nug nuhikkud ippunittak awak danab ele ee lanan daanna, Satan nug matu Judas Iskariot, Saimon bekka, nug Jesus kekeɗ eppelagppa mekkunu dabmak metta malom amu,

Jon 13:22

Nug anam a amu ippunittak awak danab ag akka akka amelag behabe, nug neekkidppig. Nug aunnutai aum amu ag ii dooppig.

Aposel 17:16

Amu Pol nug Atens appa Silas, Timoti ele amelah maama, nug aab okkai amuppa kayak hambuppuak dottolkad amu kuɗumnab aben ohppa anatta, nug keeke amunu oo huanak guittom.

1 Jon 2:19

Kristusnu kekeɗ ag ig oonigppa daappig, amge ahilag ooppa genab doyak am ihinig ele laippu iitta amunu, ag uuigna goppig. Ag ig ele ooppa genab doyak laippu daalom, ig gemu ag ele laippu daalom. Ag ig uuigna goppig amu, amuam ag ig ele laippu ii daamut ippunigtte.