Jon 13:18 - Nobonob Baibel

¹⁸ Da madittem imu amu da ag oh ahilagnu ii attem. Da danab dahilad, da tituanadmi ele amu, da ag diilag doottem. Amge Kayak nai niitte amu genab meu bekku. Nai amu inam atte. ‘Am da layalnab, i oh ee lamuɗ ele, nug da kekeɗ meɗom.’

Jon 13:18 ပူးပေါင်းရင်းမြစ်များ

Sam 41:9

Am da layalnab, da nuhignu oolppa genab doyen, ool mettami, i oh ee lamuɗ ele, nug da kekeɗ meɗom.

Jeremaia 41:2

Netania bekka Ismael nug danab eblaih laih ele, nug ag ele oh ahan, Ahikam bekka Gedalaia, nug am Sapan alag, ag nug qep elabppa qeeg mauhom. Ge, ag laa Babilon dilag king nug Juda wannu gawana daakkunu tituanom amu, ag nug qeeg mauhom.

Matyu 10:36

Danabnu kekeɗ ag nug baekkudppan danab ah daaglag.

Matyu 26:21

Ag anam balalppa ee lanana, Jesus Nug aum. “Da genab ag amelagppa attem, ag oolagppanu laippu laa nug da kekeɗ eppelagppa meiɗkku,” awa aum.

Matyu 26:23

Aeg amu Nug ag oɗelagppa awa aum. “Laippu laa nug da ele ee lattep amu, nug da kekeɗ eppelagppa meiɗkku.

Mak 14:17

Bappaidya malapiɗ amu, tueb meeme, Jesus Nug nuhikkud ippunittak awak danab 12 ele, ag oh appa goppig.

Mak 14:18

Aria, ag gona tena, balalppa ee lanana, Jesus Nug aum. “Da genab ag amelagppa attem. Ag oolagppanu laippu laa, nug da ele geha iikku ee lattep amu, nug da kekeɗ eppelagppa meiɗkku,” awa aum.

Mak 14:20

Ag anam oɗ mettaeg amu, Jesus Nug nai nob meum. “Ag danab 12 amu, ag oolagppanu laa nug da ele geha iikku tappiɗ imuppanu ee lattep amu, nug ana hekku.

Luk 22:21

Amge iikkud antteg! Danab da kekeɗ eppelagppa meiɗkku ele amu, nug da ele oh iikku balalppa daattem.

Jon 13:21

Jesus nai anam mattiowa, Nug ooppa uugnab doyom. Ooppa uug doya amu, Nug nai mattia aum. “Da genabnab genab ag amelagppa attem. Ag oolagppanu laippu laa nug da kekeɗ eppelagppa meiɗkku,” awa aum.

Jon 13:22

Nug anam a amu ippunittak awak danab ag akka akka amelag behabe, nug neekkidppig. Nug aunnutai aum amu ag ii dooppig.

Jon 13:26

Nug anam a amu Jesus amegppa aum. “Da geha bret tappiɗ lewa eleppa meppi nob taulen medakkul amu, danab nug aakkuib,” awa aum. Aria, Jesus Nug bret lewappa ma awa, Saimon bekka Judas Iskariot mettom.

Jon 15:16

Ag da ii tituaniɗppig. Iitta! Da ag tituanadmi. Anam amu, da ele ag gona, meu ii nauhtte ele okkulagnu, da uɗat amu ag mattami. Ag anam hekkulag dayeb amu, Mama Nug aɗi keeke ag da onilppa Nug oɗ medappeg amu, Nug ag madakku.

Jon 15:19

Ag wan imuppan danab ah wannu kobol dim lamadtteb ele laippu daalob, wan imuppanu danab ah amu ag ahilagnu ag lailkad bia doon, ahilagnu oolag mauhlob, amge ag wan imuppan danab ah amu ele laippu iitta. Da ag danab amu oolagppanu tituanatten, wan imuppanu kobol uuglagnu ag maadmi amunu, diig amuppa ag ahilagnu kekeɗ daatteb.

Jon 15:25

Am ahilag ɗoppa yaak niitte amu elele medatte. Nai amu inam. ‘Ag dahilnu diig iittappa nau ninig ele dooppig.’

Jon 17:12

Na onin na da meɗame amu, da ag ele daamut haenppa da onin amuppa ag ⌊nena qemananu⌋ dabmattami. Da ahilag guppiɗ ele daami amunu, laa ii qettoɗom; laippu aakkuib, nug am ib appiɗittak danab, nug aakkuib Kayaknu ib apiɗitta qettoɗom amunu, Kayak nai meu oum.

Jon 18:32

Ag nai amu appig amu Jesus Nug kobol aɗippa mauhkkunu aum ele, nuhig nai amu meu oum.

Jon 19:24

amunu, daup danab ag appig. “Ig lamen imu iitai pattiɗmata. Ig om yaakppa heta, ig oonigppanu aun ig laa oh eɗikka amu, nug aokku” aon appig. Ag anam heeg amu Kayak naippa, nai laa daatte amu elele mettom. Nai amuam inam. “Ag lamen dahil otin, akka akka aotteb. Yo, ag om yaan, lamen dahil aotteb.” Daup danab ag anam heppig.

Jon 19:36

Keeke amu oh am Kayak naippa, nai daatte amu genab elele mekkunu beum. Nai amunu laa am inam. “Ag Nug ebehi laippu laa ii qiimna.”

Jon 21:17

Jesus baula ewam batak Pita oɗ mettom. “Saimon, Jon bekka, na dahilnu oot mauhttete?” awa aum. Pita Jesus haen ewam batak, “Na dahilnu oot mauhttete?” aum amunu ooppa guittak doyaya, nug Jesus amegppa aum. “Naɗi, na keeke oh doon malame, amu na da nahipnu ool mauhtte ele doottem,” awa aum. Pita anam a amu Jesus amegppa aum. “Dahil sipsip bekkadna meɗe!” awa aum.

Jon 6:70

A amu Jesus Nug nuhikkud ippunittak awak danab amelagppa aum. “Da ag danab 12 tituanadmi, amge laippu laa ag oolagppanu amu, nug ouɗi nau,” awa aum.

Aposel 1:16

“O lailad, Kayak Ouɗi Nug Dawit oɗeppa keeke laa Judas, nug danab ag Jesus aɗaglagnu ib dayom amu, nuhigppa bekkunu a, Kayak nai amuam bekkununab dayaya aakku beum.

2 Korint 4:5

Anukka Kayak Nug aum. “Gatatu ooppa amahlak nug amahlaɗ!” awa aum. Kayak anam aum, amu Nug ele he, ig Jesus iɗuppa Kayak binag amahlak oppiaawak ele anidta doottem amunu, ig ikka ihinignu nai ii mehuqttem. Iitta. Ig Kristus Jesus, Nug am Naɗi daatte, anam mehuqtata, Jesusnu nai dim lamidttem, amuppa amu ig ahilag maɗi nid daattemnu ele mehuqttem.

Hibru 4:13

Amu keeke laippu laa Kayak Nug amegppa lokkumak iinab daatte. Iitta. Keeke oh am Nug amegppa miagib amahlakppa daatteb. Amu dimppa ig Nug noobppa daata, ihinig haknu Nug amegppa mattignig.

Revelesen 2:23

Da nuhikkud nid ele heppi mauhkkulag. Amuppa Kristen tamaniak oh ag dooglag, da danab oolag, amu ahilag dabmak ele epeɗie aute aottem. Amu ele, da Taiataira daatteb, da ahilag hak attemu amu, da amuppa nob madakkul.