Jon 13:13 - Nobonob Baibel

¹³ Ag dahilnu, ‘Ihinig ippunittak danab amu ihinig Naɗi ele,’ aon atteb. Da genab da anam aakku daattem amunu, ag ena anam atteb.

Jon 13:13 ပူးပေါင်းရင်းမြစ်များ

Jeremaia 1:12

Da ai, Yawe Nug aum. “Na genab anidna ame. Amunu, amubia da genab dahil nai meu okkunu heppi bekkunu neegkkul,” awa aum.

Matyu 20:28

Yo, nug Danab Bekkalag da, da hettem amubia haɗ! Am inam. Danab Bekkalag da, da wan imuppanu danab ah ag da ehaniɗkkulagnu ii uɗimi. Iitta. Da ag ehanadkkulnu uɗimi, amu da dahil mauhakppa danab ah kuɗum eɗue diiadkkulnu ele uɗimi,” awa aum.

Luk 10:28

Awa a amu Jesus Nug amegppa aum. “Na tutukku ame, na anam henana, na bauklel hanhannu aokkut,” awa aum.

Luk 6:46

Aɗinu ag dahilnu, ‘O Naɗi, O Naɗi,’ aon atteb, amge ag dahil nai dim ii lamidtteb?

Luk 7:43

Awa a amu Saimon nug Jesus nai mattie doya, oɗeppa awa aum. “Dahil dabmakppa amu, danab okkai nug danab laa lon okkai uua, uhuqa mettom ele, nug am anam dookku,” awa aum. A amu Jesus eɗua amegppa aum. “Dabmak amu tutukku, na nob elenab meme,” awa aum.

Jon 11:2

Maria imu, nug am leppu muttuɗig enanag ele Jesus baeg gokkaɗ qettowa, ikki uɗugppa baeg oppiom ele, ah amu aakkuib, nug oɗe danab Lasarus ele, aa eappinag.

Jon 11:28

Marta anam awowa, nug lakka ukka, nug Maria, nug Maria ele aa emakkeg, nug nug onigppa e do, omala nakok giginppa ukka, amegppa aum. “Ippunittak danab uɗiom, uppa uma ibppa dayaya na oninppa ette,” awa aum.

Jon 11:3

Lasarus nug oɗe meum amunu, Maria, Marta ele aa nai meeh, Jesus toppa ukke apiɗ. “Naɗi, na nuhignu oot mauhtte ele, danab amu aakku oɗe meum,” aoya apiɗ.

1 Korint 12:3

Amunu gemu keeke amubia baula bemanu, ag imu dooglagnu da ool daatte. Kayak Ouɗi Nug danab laa ooppa noa heeb, nai mehuqa, “Jesus Nug eheɗ laa awaknu anak waappa daakkunu ool daatte,” madikkunu elele iitta. Aria danab auntai laa, nug ooppa Kayak Ouɗi iitta ele amu nug Kayak binag ma, “Jesus Nug Naɗi daatte,” madikkunu ele elele iitta.

1 Korint 8:6

Amge ihinignu, Kayak laippuib daatte, Nug am ig Mamenig, Nug am keeke ohnu diig daatte amunu, ig am nuhignuib bau daattem. Naɗi ele am laippuib daatte, Nug am Jesus Kristus. Kayak Nug nuhigppa keeke oh hattom, amu ig nuhigppa bauklel aottem.

Epesus 6:9

Gumak danab ag ele ahilag begbeg maɗi nid dilagppa anamib ena heig! Ag baɗaknu kobol ahilagppa aib heppig. Ag dootteb, Naɗi, hab aabppa daatte ele, Nug am begbeg maɗi nid dilag Naɗi, ag gumak danab, ahilag Naɗi ele. Nug laa, nug danab onig okkai ele, nuhignu ena doonna, laa onig iitta ele nuhignu eheɗ dootteb, amubia iinab hette.

Pilipai 3:8

Amu da keeke amunuib ii attem. Iitta. Da aɗi keeke laa awen, Jesus ele ouaqaten, laippu elele bia daattep dookkulnu elele iittanab iitta doottem. Jesus nukka am enanag. Keeke laa ohnu, da keeke amunu am keeke ena, keeke genab ele ii doottem. Laippuib am Kristus Jesus, Nug am dahil Naɗi, doyak amuam keeke genabnab doottem. Amu da Kristusnuib daakkulnu dabmein, keeke laa oh akkai goppig. Keeke amuam kinipan bia doottem. Amu da Kristusnuib daakkulnu, Nug ele laippu daagnihnu aakkuib ool daatte. Amu da ɗo dim lamittak kobolppa genab tutukku hak danab daakkulnu ool ii daatte. Iitta. Da genab tutukku hak danab daakkulnu amu, da Kristusnu oolppa genab doottem, amuppa Kayak Nug dahilnu, “Genab tutukku hak danab,” awa akkunu ool daatte. Genab tutukku dayak amunu diig am da iitta, am Kayak, amu danab nug ooppa genab doyakppa aotte.

Jems 2:19

Na am ootppa genab inam doottem, “Kayak laippuib daatte.” Amu ena, amge ouɗi nau ag ele anam oolagppa genab doon, ag eheɗ nau baɗan hahaɗtteb.