Jon 13:1 - Nobonob Baibel

¹ Pasowa Hobulnu deɗ ii neum, amu haen miag dayomppa, Jesus Nug doyom, Nug wan imu uua, Mameg toppa gokkunu haen aakku malom. Nug anam doya, Nug nuhikkud, ag wan imuppa daappig amu, Nug ahilagnu oo mauhe, Nug genab anam huanak doyom amu gemu ippuanattom.

Jon 13:1 ပူးပေါင်းရင်းမြစ်များ

Prowerb 8:31

Nug keeke oh heumnu da ool gamag ahehe, da danab ah dilagnu ele enanagnab doomi.

Jeremaia 31:3

Amu anukka Yawe Nug ig Israel danab gumikka uɗia, Nug mattiaya inam aum. “Da oo mauhak tuqa ii awak eleppa ahilagnu ool mauhom, gemu ele amu hettem. Ao, da oo mauhaknab kobol dim lamittette, dahilppa uɗiglagnu eeɗadmi.

Matyu 26:45

Unuqittak oh malak dimppa Jesus Nug eɗua ukka, ippunittak awak danab amelagppa aum. “Ag iite ahappig? Ag tuɗidna niin, hik ele aottebte? Antteg! Laa nug Danab Bekkalag da, hipunin danab eppelagppa meiɗkkunu haen miag aakku doum.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Luk 22:53

Deɗ oh da ag ele Kayaknu mettid lag ooppa daamut, amge ag ii aɗailppig Anam amge haen imuam ahilag haen, amu Satan nug uɗat nuhig ahilagppa hette,” awa aum.

Luk 9:51

Amu Jesus Nug eɗua Mameg toppa gokkunu haen miag do doyaya, Nug Jerusalem gokkunu dabmak ɠagattag awom.

Jon 11:55

Ag appa daaegeg, Juda dilag Pasowanu Hobul miag doum amunu, aab laih laihnu danab ah oh Jerusalem appa, ag akka tatam oolag ihan oppiak daappeg, hobul digmekkunu hena gona amu,

Jon 12:23

Aeh amu Jesus Nug amelahppa aum. “Danab Bekkalag da, da binal amahlak oppiaawak ele aokkulnu haen aakku uɗiom.

Jon 13:29

Laala ag Judas men doɗo kunup gumttom amunu, “Jesus Nug Pasowa Hobulnu keeke awaknutai atte” o iitta, “Daɗek danab dilag keeke daden ma mattaknutai atte” aon appig.

Jon 13:3

Jesus Nug Mameg keeke oh Nug eppegppa meum doya, Nug Kayak toppanu uɗiom, Nug eɗua Kayak toppa gokkunu ele doyom

Jon 13:34

Amu gemu da haknunab bau ag madattem. Ag akka akka nug oo mauhak doyeg! Amu da ahilagnu ool mauhom daatte, amubia ag ele ag lailkad dilag oolag mauhaɗ!

Jon 14:28

‘Da ag uuatte ukkoya, da eɗuen ag gumatte uɗikkul,’ ai dooppig. Ag genab dahilnu oolag mauhlolob, ag da Mame toppa gokkulnu amu, ag amunu oolag gamag ahalo. Aɗinu? Mame Nug am Naɗi, Nug da eɗilak.

Jon 14:31

amge wanppan danab ah ag da Mamenu ool mauhtte anidkkulagnu, ag da Mame Nug aɗi hekkulnunab da amelppa mattiom amuib hettem ele dooglagnu amu, da iikku hettem. Ahappeg ig gotu.

Jon 16:28

Genab, da Mama toppanu uɗie, wanppa nemi daattem. Gemu am da wan imuppan ahe, eɗue Mama toppa gokkul,” awa aum.

Jon 17:1

Jesus nai mattiowa, Nug ameg huma, hab attan neekka dayaya, unuqitta aum. “O Mame, haen aakku uɗiom. Da am na bekkat. Da danab ah na meɗame ele, da ag bauklel hanhannu madakkulnu, na da danab ah oh dilag ikkilag daakkulnu ɠagattag meɗame amunu, da na binan amahlak oppiaawak ele na medakkulnu, na da binal amahlak oppiaawak ele meɗakkutnu oɗ medattem.

Jon 17:16

Ag wanppan danab ah wannu kobol dim lamadtteb iitta, da ele wanppan danab ah wannu kobol dim lamidtteb iitta, amubia.

Jon 17:26

Da na diit ahilagppa miag atimi. Amu na dahilnu oot mauhtte, oo mauhak amu ag oolagppa daakkunu, da dakka, da ele ag oolagppa daakkulnu amu, da baula na diit ippunadkkul,” awa unuqittom.

Jon 17:5

O Mame, anukka wan ii dayeye, da na ele daaɗɗa, da binal amahlak oppiaawak ele daaiyi uɗiom amu, gemu na binal amahlak oppiaawak ele amuib eɗun meɗakkutnu oɗ medattem.

Jon 18:4

Jesus Nug keeke oh nuhigppa hekkulag amu oh doya malom amunu ag uɗieg, Nug guguatta wana oɗ mattom. “Ag aun maditteb?” awa aum.

Jon 19:28

Keeke amu oh ba male amu Jesus doyom, uɗat nuhig oh aakku ha malak dayom amunu, Kayak naippa yaak laa daatte, amu elele medakkunu, Jesus aum. “Da le baal diitte,” awa aum.

Jon 2:13

Appa daaegeg ukke, Juda dilag Pasowanu Hobul guguittette, Jesus Nug Jerusalem ukkom.

Jon 7:30

Jesus Nug anam a, ag Nug aɗaglagnu heppig, amge nuhig haen ii malom amunu, laippu laa nug Jesus ii aɗom.

Jon 7:6

Jesus amakkud ag anam mattieg, Jesus Nug ag amelagppa aum. “Gemu am dahil haennab iitta, haen imu oh am ahilagib.

Jon 8:20

Nug nai amuam Kayaknu mettid lag nuhig tomppan keeke oh ele ooppa, men doɗonu kunup guguittak dayaya ippuanattom, amge Nug mauhkkunu haen ii malom amunu, laa Jesus aɗakkun ii heum.

Rom 8:37

Amge keeke amu oh ig eɗigkkulagnu am elele iitta. Iitta. Kristus Nug haen oh ihinignu oo mauhtte amunu, ig kobol nau amu oh eɗadta autta aotta aottem.

1 Korint 1:8

Naɗi Jesus Kristus Nug ag ehanatteb ukkeb, ag ɠagattag daappeg, haen malakppa batakku amunu, ihinig Naɗi Jesus Kristusnu deɗppa ag Kayak noobppa, ag danab oolagppa kaliak laa iitta ele daaglag.

Hibru 3:14

Aɗinu? Ig Kristus ele tamanit, laippu daagnignu ib am laippuib. Laa iitta. Ib amuam inam. Ig tatam Kristusnu oonigppa genab doomut amu, ig amuib aɗapput ukkeb, mauhak haen ihinigppa ele ooppa genab doyak nuhignu amu aakkuib aɗagnig dayeb, amuppa ig genab Kristus ele tamanit daattem.

Hibru 3:6

Amge Kristus Nug am Kayak Bekkanab, Nug oo metta ii uuak kobol dim lamitta, Kayaknu danab dilag ikki dayaya ag gumadtte. Amu ig ihinkad oo ɠagattag qettak aɗat, amu ig Kristus, Nug am ena bekkunu dabmak aɗa oiyaknu diig, ig amunu mehuqttem amu, ig Nug ele aɗat amu, ig Kayaknu danab ah daattem.

Hibru 6:11

Amu ag dimppa gogtak haenppa aɗi aɗi aoglagnu dabmak aɗan oitteb ele amu, ag amuib aoglagnu elele daaglagnu, ig ag maɗi ahilag gemu pehettak hetteb amu, ag anamib heppeg ukkeb, gogtak haenppa malaglagnu oonig daatte.

1 Pita 1:13

Amunu ag ɠagattag daaglagnu ag dabmak ahilag bappaidna daanna, ag akka ahilag oiyak pehettak atognoig! Ag Kayaknu ehanittak okkai hamu mettak, Jesus Kristus eɗua uɗieb aoglag, ag amunab dabmenan dayeg!

1 Jon 4:19

Kayak Nug tatam ihinignu oo mauhom amunu, ig oo mauhak kobolppa oittem.