Jon 12:40 - Nobonob Baibel40 “Nug danab amu ag amelag he gaɗuom, ag oolag ele he, ɠagattag eppom amunu, ag amelagppa keeke laa anidna, oolag eɗueb, oolag tutukku dabmedappeg, da ag bappaladkkulnu elele iitta.” အခန်းကိုကြည့်ပါ။ |
Dimppa Yawe Nug Moses amegppa inam aum. “Na gona, Paro antte! Aɗinu? Da Paro, nuhikkud ehanittak anuqak danab ele ag da Yawe, da dahilnu dabmettaknu kobol danab haknu elele iitta, da kobol dahil amu ag oolagppa hekkulnu, ⌊ag anidna, ag da genabnab genab daattem dooglagnu,⌋ da hei, nuhig dabmak, nuhikkud ikki danab dilag dabmak ele ɠagattag eppom.
Amu da Isip ag dim lamadna, le gamagppa gokkulagnu, da ag dabib madette dahil uɗat heppi geha Isip ag ahilag dabmak ɠagattag eppeb, ag nai tappe nak naunab hena, ag Israel dim lamadna wabeppeg, am geha da Paro, aria nuhikkud daup ag baelagppa oinna, ban hetteb, daup ag bannu karis attan daan, ban hetteb, daup ag hos attan daan, ban hetteb ele, da ag oh eɗattoya, am geha da keeke hettem amuppa, da binag amahlak oppiaawak ele aokkul.
Nug anam ab, geha da heppi Paronu dabmak aakku ɠagattag eppeb, nug geha eɗua, ag diikkunu dim lamadkku. Amge geha da nug, nuhikkud daup ele eɗatten, geha da amuppa, da binag amahlak oppiaawak ele aokkul. Da amu heppi, Isip ag geha dooglag; da dakkaib, da am Yawe,” awa aum. Aria, Israel ag Yawe aum, ag amu dim lamidna, ag eɗun goppig.
Am Yawe Nug Moses amegppa aum. “Dimppa na gona, Isip tewona amu, na kobol danab haknu elele iitta, da na kobol amu na hekkutnu ɠagattag mettami amu, na amu oh Paro noobppa hekkut. Na anam hekkut amge da heppi, Paronu dabmak aakku ɠagattag ebakku. Nuhig dabmak am ɠagattag eppa dayebeb, Paro nug danab ah uuatteb ii gomana.
O Yawe, na nau hak danab ah ele nob nau madakkutnu na eppen humame daattem, amge ag amu ii dabmetteb. Anam amu, na nahipad danab ah ehanadkkutnu yag-nab-bak doottem ippunadppe, nau hak danab ag amu anidna, dabmak eheɗ aoppig dooppeg, uɗalag nekkunu ool daatte! Ge, na heppe, aab aɗu na nahipad kekeɗ dilagnu bappaidme amu, aab aɗu amuam hipunin danab ah ewadkkunu oɗ medattem.
Naɗi Nug anam ana, Nug da amelppa nai tuɗitta aum. “Heppe, danab ah imu ag oolag ɠagattag eppaɗ! Heppe, ag daulag nai dookkunu elele iitta dayaɗ! Heppe, ag amelag amuhak dayaɗ! Amu iitta daalo, ag amelagppa keeke anidna, daulagppa nai doonna, ag nai diig oolagppa tutukku doona, ag eɗun dahilppa dokkulagtai. Ag anam hekkulag dayeb amu, da heppi, ag ena daaglag,” awa aum.
Ag anam hetteb amunu, Yawe Nug atte. “O danab ah, ag da dimeɗona kayak hambuppuak laala dim lamadtteb ele, ag eɗun, dahilppa uɗieg! Ag uɗippeg, da heppi, ag baula da ii dimeɗona kayak hambuppuak laala ii dim lamidmana. Ag baula dahil nai dim lamidkkulagnu ii uumna,” awa atte. Nug anam atte amunu, Israel danab ah ag atteb. “Ao, na am Yawe, na ihinig Kayak amunu, ig nahip-ppa gokkunig.
Amu danab o ah laa nug anam propet laa gumitta ukka, ittag nai, oo eeɗaknu mattiebeb, propet amu nug dimppa aɗi bekkunu nai laa madikku dayeb amu, da Yawe, da nug amu hekkunu ib oo ii nepa. Da nuhig ib ii oo nepa amunu, nug anam eheɗ heeb, da heppi, nug nauha, nug dahil danab ah oolagppa baula ii daama.
⌊Amu Israel ag oolag unuqagppanu da aniɗna dim lamiɗkkulagnu mattiɗna, ag akka akka akkulag.⌋ “Ahappeg, ig eɗut, Yawe waappa daatu! Aɗinu? Nug ig doɗ layag beɗu pattiɗe, huppu naunau nette bia guittak okkai naɗi mekkom, amge Nug heeb, ig ena daagnig. Genab, Nug ig bu iqe, beɗunkad ihi mettom, amge Nug ig ihinkad nau bappaidkku.
“Naɗi Nug da daɗek dilagppa nai ena mehuqkkulnu goɗen gokkaɗakppa tituaniɗom, diig amunu Naɗi, Nug nuhig Ouɗi dahilppa daatte. Nug da appi, laa ag maniguittakppa daatteb, ag uhuqak aoglagnu, da heppi, laa ag ameg gaɗuak ele daatteb, ag eɗun neegkkulagnu, da appi, laa ag laa aɗalatteg ag eppelagppa daatteb amu, ag uhuqak aoglagnu,
Oɗ mettaeg amu Jesus Nug aum. “Ag dahilad amu, Kayak Nug ag Kayaknu ɗo maɗoɗnu keeke diig lokkumak amu dooglagnu doyak mattom amunu ag dootteb, amge da danab laa amelagppa keeke danab ag dootteb ii dootteb ele ouaqata ippuanattak naippaib madittem. Amunu diig am, ‘Ag neegkkulag, amge ag diig tutukku anidkkulagtai, o tutukku iitai anidkkulag. Ag nai daulagppa dooglag, amge ag nai meu am tutukku dooglagtai, o tutukku iitai dooglag,’ ” awa aum.
⌊Ag oh am kayak hambuppuak uuattaknu uuppig⌋ amunu, Yawe Nug he, Amo aɗi danab amu, ag ahilag dabmak aakku ɠagattag eppe, ag Yawenu nai tappaeg ne, Israel ele ban heppig. Ag anam heppig amunu, Yawe Nug Israel ehanatte, ag hattaeg, ag oh Yawenuib nuhig pelemppa daappig. Israel dilag ban daup ag oo gai-iitta doya oo metta ehanittak laa ii epponadppig, oh aqaeg mauhppig. Yawe Nug anam aakku Moses amegppa hakknunab aum amunu, nug aum bia, hak amu aakku beum.