Jon 12:36 - Nobonob Baibel

³⁶ Ag amahlak ele daanna, ag amahlaknu oolagppa genab doyeg! Ag oolagppa genab dooglag amu, ag amahlak bekkod daaglag,” awa aum. Jesus nai amu awowa uuatta, ag amelagnu lokkumom.

Jon 12:36 ပူးပေါင်းရင်းမြစ်များ

Aisaia 60:1

Jerusalem danab ah, Juda danab ah ele, ahilag amahlak uɗiom. Ao, Yawenu binag amahlak oppiaawak ele amu, amuam ahilagppa beum daatte. Anam amunu, ag ahan, aam danab ah amahlak madatte bia, ag danab ah laa oh Yawenu amahlak matteg!

Matyu 21:17

Nug anam ana, Nug aha uuatta, aab okkaippanu dimittim ukkom. Nug ukka, tuqan amuppa Betani appa dayom.

Matyu 5:14

Ag amu wanppanu amahlak. Aab laa nug qaukoppa daatte amu, nug lokkumak ii daatte; laa lokkumkkunu elele iitta.

Luk 16:8

Uɗat gumak danab nug ib laa doyak ele, amge ib amu ele am ena iitta, nug ib amuppa keeke amu he beum amunu, nuhig okkai nug gumak danab nug uɗat kaliak amubia hekkunu doya aut autanab awak dayeyenu aum. Aɗinu ⌊nug anam aum⌋? Wannu haen imuppan danab amu, ag ahilag uɗat hekkulagnu elelenab, ag amuppa, ag danab amahlakppanu eɗadtteb,” awa aum.

Jon 11:54

amunu, Jesus Nug baula Juda oolagppa miag atiak ii oiyom. Nug aab amu uua, aha aab laa onig Epraim, atu taɗak guguittak, appa ukkom. Ukke, nuhikkud ippunittak awak danab ele ag aab amuppa daappig.

Jon 12:37

Jesus Nug danab ah kuɗum amelagppa Kayak dabmettaknu kobol danab haknu elele iitta kuɗum heum, amge ag nuhignu oolagppa genab ii dooppig.

Jon 12:46

Amu laa nug dahilnu ooppa genab dootte, nug gatatuppa daamanu da amahlak awen, wan imuppa uɗimi.

Jon 3:21

Amge laa nug doyak diig genabib kobol dim lamidtte, nug laa ag Kayak a doya hette miag atiak anidkkulagnu, nug amahlakppa daakkunu uɗia daatte,” awa aum.

Jon 8:12

Aria Jesus haen laappa baula danab ah amelagppa nai mattiaya aum. “Da am wanppan amahlak daattem. Aun laa nug da dim lamiɗkku amu, nug gatatuppa ii oima. Iitta. Nug bauklelnu amahlak ele daakku,” awa aum.

Jon 8:59

Nug anam aum amunu, Juda ag Nug makkuɗkkulagnu men agappig, amge Jesus Nug danab kuɗum oolagppa beɗu lokkumittatta, Kayaknu mettid lakkanu aha ukkom.

Epesus 5:8

Anukka ag gatatuppa daadttappig, amge Naɗi Nug gemu ag amahlakppa maattom. Amahlaknu meu am kobol ena, genab tutukku hak kobol, amu doyak diig genabib ele amunu, ag kobol Kayak Nug amunu oo hette ele amu doon aonna, ag amahlaknu danab oitteb, amubia ag amahlakppa oiyeg!

1 Tesalonaika 5:5

Ag oh am amahlak bekkod. Yo, ag am amun bekkod. Ig am tuqan danab, o gatatu danab iitta.

1 Tesalonaika 5:8

amge ig am amahlak bekkod, amunu ig ikka ig ihinig oiyak pehettak atognoak kobol dim lamidta oita, ig ooppa genab doyak, oo mauhak kobol ele aota, ban danab ag kekeɗ ag momolag heppeg nauhmanu qahaɗ palatteb, amubia ig kobol aɗit amu meta, Kayak Nug eɗua awigkkunu dabmak aɗat daattem ele, kobol amu ban danab ag ikkilagppa aen hat metteb ele amu, amubia ig meta oitu!