Jon 12:32 - Nobonob Baibel

³² Amge haen ag da ad emaitakppa aihiɗkkulag, haen amuppa amu da danab ah oh eeɗadppi, ag dagattolppa dokkulag,” awa aum.

Jon 12:32 ပူးပေါင်းရင်းမြစ်များ

2 Samuel 18:9

Amu ban anam heeg ugekke, Apsalom nug miul nuhig attan dayaya ukka, nug ii doyaya Dawitnu daup uɗalag teum. ⌊Nug ag uɗalag ta oolele,⌋ miul nuhig ad ok okkai laa waappa ukke, ad amu eppeg huanak amunu, Apsalom ikki amuppa aihe dayeye, miul baeg ya ii dayom; iitta ukkom amunu, Apsalom nug aguppa aiha dayom. Baeg am wan ii tappom.

Solomonnu Ahi 1:4

Na da omaiɗna gokkutnu ool okkai daatte. Ahappe, ii paha goɗu! O king dahil, na da omaiɗna, lag oo na daattem, amuppa gokkutnu ool daatte. Da na king, da nahipnu gamag ahak naɗi doottem, nahipnu enanagnab doottem; da wain enanag lain, “Wain amuam lanak baag ubuhi enanag,” attem, amge na king, na dahilnu oo mauhak okkai doottem amunu, da wain enanag binag mettem, amu eɗittak, da na binan okkai, attannab mettem. O dahil danab, ah bau na waatad daatteb, ag nahipnu oolag mauhtte amu, ag tutukku hetteb.

Aisaia 11:10

Haen amuppa am inam daakku. Jesi buɗub nug geha king daakku. Nug pilak laa, pilak amuam ad elab attan ta ukkak galaeg daatte, nug amubia daakku, amu wanppan huu anen anen ohppan danab ah ag geha nuhigppa uɗin, gumidna dona, nug dooglagnu ba daakku. Nug anam dayebeb, wanppan wan ohppan danab ah ag nug gumidna goppeg, nuhig dayaknu aben am binag amahlak oppiaawak ele daakku.

Aisaia 49:6

Amu gemu Yawe Nug inam atte. “Na dahil maɗi nid daanna, na Israel diippe, ag eɗun, dahilppa uɗiglag, amuam uɗat nakokib. Ao, na huu imu da gumatte, ehanatti ii padal meppig ele diippe, ag eɗun, dahilppa uɗiglag, amuam uɗat nakokib. Anam amu, da na uɗat okkai laa ele hekkutnu, da uɗat amu nahipnu uumi daatte. ‘Da na iitta aɗi, ag gatatuppa daatteb, na ag ele ehanadppe, ag ib anidkkulagnu amahlak madakkutnu otidmi. Ao, na iitta aɗi ehanadppe, ag oolag eɗueb Kayak danab ah wan atu ohppanu amu eɗua diiadkku,’ ” awa atte.

Hosea 11:4

Da ahilagnu oo bodoettak doyak kobolppa hein; da ahilagnu oo mauhak ele doomi. Da ag kobol nau waappa daamnanu diiatti, dahilppa uɗippig; danab nug nuhig nid bahi qette bia, da ag ena daaglagnu ehanadmi.

Namba 21:9

Yawe Nug anam hekkunu a amu, Nug aum amubia Moses nug mat dottog brasppa ha, biidod igippa me dayeye, danab aun aɗi mat emalatteg, ag neekkeg ukke, mat dottog brasppa hak amu anidna, ag ii mauhppig. Iitta.

Jon 12:34

Nug anam mattie amu danab ah kuɗum nug oɗeppa aon appig. “Ig ɗoppa nai inam doomut. ‘Kristus Nug hanhan daakku!’ Am attemun na Danab Bekkalag ad emaitakppa aihkkulagnu attem? Danab Bekkalag, na nuhignu madittem amu, Nug am aun?” aon appig.

Jon 18:32

Ag nai amu appig amu Jesus Nug kobol aɗippa mauhkkunu aum ele, nuhig nai amu meu oum.

Jon 19:17

Pailat Jesus ag eppelagppa me, ban danab ag aoeg, Jesus nukka ad emaitak mawewe, aben laa onig Ikki Ebehinu Aben, appa goppig. Hibru naippa ag aben amunu Golgata aon atteb.

Jon 3:14

Anukka atu taɗakppa mat nau ag Israel oolagppa bena, danab ah emalatteg mauheg, ⌊Kayak Nug Moses amegppa a,⌋ nug mat dottog laa brasppa ha qappe, danab ag amu neegna anidna, ag ii mauhppig, amubia danab aun aɗi ag dahilnu oolagppa genab doon, ag bauklel hanhannu aon daaglagnu, ag Danab Bekkalag da, ad emaitakppa aihiɗkkulagoitte.

Jon 6:44

Am laa nug nukka dahilppa dokkunu elele iitta. Mame, Nug da meiɗe uɗimi ele amu, Nug laa amu ehanidkku dayeb aakkuib, nug dahilppa dokku. Dokku amu, da nug wan haen malakppa maɗedakkul.

Jon 8:28

Amunu Jesus Nug ag amelagppa aum. “Dimppa ag Danab Bekkalag da ad emaitakppa atuliɗona amu, ag da am Kayak Bekka dooglag. Amu ele, da dahil dabmakppa keeke ii hettem. Iitta. Mame Nug da ippuniɗom amu, da amunuib madittem, ag amu ele dooglag.

Galesia 3:13

Ɗo ig eheɗ laa awaknu anak waappa daattemnu atte, amge Kristus Nug Kayak naippa yaak, “Danab oh ag ad attan aihadtteb ele, danab amu ag eheɗ laa awaknu anak waappa daatteb,” Nug nai amu attenu qagaiettak awa, amuppa Nug qagaiettak amuppanu eɗua uhuqak ha megakka, nob nau amu awa ehanikkom.

1 Timoti 2:6

Nug danab ah oh dilagnu Nug nukka Nug bau dayak nuhig uua, amuppa Nug haenppanab Kayak Nug danab oh eɗua diikkun hette ippunikkom.

Hibru 2:9

Amge ig Jesus anidttem. Engel ag onig okkai ele, danab ag onig amu nakok waappa aoppig daatteb. Amu Kayak he, Jesus Nug onig engel onig nakok waappa awa dayeye, Kayak Nug nuhig ehanittak okkai hamu mettak dabma danab oh eɗua diikkunu dabmeum, amu diig amunu Jesus Nug ig danab oh ig ehanigkkunu mauhom amunu, Kayak Nug humitta, binag amahlak oppiaawak ele, aria dagom onig ɠagattag ele mettom.

1 Pita 2:24

Ig hipuninnu begbeg maɗi nid daamtanu, ig Kayak dim lamidta genab tutukku hak danab daagnignu, Jesus Nug ihinig hipunin oh ad emaitakppa mawom. Genab, Jesus nug guittak awe, ig amuppa elele daattem.

1 Pita 3:18

Kristus Nug hipunin uhuqa mettaknu haen laippu aakku mauhom. Nug baula ii mauhma. Nug beɗuppa aab laa iitta, amge Nug ig danab, ig beɗunigppa aab ele, Nug ig omaikka, Kayak toppa wakkunu Nug mauhom. Ag heeg, Nug beɗu mauhom, amge Kayak Ouɗi Nug he, Nug eɗua hibaitta, bauklel daatte.

1 Jon 2:2

Nug ad emaitakppa mana mettak bia dayaya, ihinig eheɗ haknu nob nau Nug tiigppa iitta mekkunu he elele mettom. Amge Nug ihinignuib anam ii heum. Iitta. Nug danab ah wan atu ohppa daatteb ele amu, Nug amu dilagnu ele heum.

Revelesen 5:9

Ikki danab 24 ag anam hena, ag ahi bau laa inam edappig. “Na buk itoɗiak amu aona, qataqak oh tolakkutnu ehah ele. Aɗinu? Ag heeg, na mauhme, amu na danab ah huu ohppanu, nai ohppanu, beɗulag iɗu iɗu ohppanu, wanppan wan ohppanu ele na tiinppa hipuninnu qagaiettakppanu eɗua uhuqak hena, Kayak mettame.