Jon 12:29 - Nobonob Baibel

²⁹ A amu, danab ah laala appa daappig amu, ag, “Hakkaɗ qeum,” aon appig. Laa anam aeg, amu laa ag appig, “Engel laa Nug amegppa nai mattiom,” aon appig.

Jon 12:29 ပူးပေါင်းရင်းမြစ်များ

Job 40:9

Da, Kayak, da ɠagattag okkainab ele. Na ele anambia daattemte? Ge, da baalppa nai oqotti okkainab, hakkaɗ qak bia akkulnu elele. Na ele anam bia hekkutnu elele daattemte?

Eksodas 19:16

Moses nug anam mattie ukke, deɗ ebqak ewam amuppa, buttua hakkaɗ qeeqe, amemɗi awewe, buttuɗai teppu ele qauko igippa daye, trampet iwalak huanak ele dayom. Anam daye, danab ah oh aabppa daappig amu, ag eheɗnab baɗana, beɗulag hahaɗom.

Eksodas 20:18

Amu haen danab ah ag hakkaɗ qeeqe, trampet ele heehe doonna, ag amemɗi awa ukka uɗieye, qaukoppa kahug naɗi ahe dayom ele anidna amu, ag eheɗ baɗan, beɗulag hahaɗeɗe, ag eɗun bittumttum gona, nakok uma daanna,

Esekiel 10:5

Amu engel okkai-kerubim haulkad oqotti am oqotti okkai. Danab ag Israel danab dilag haɗap-ppa daappig, ag oqotti amu dooglagnu elele. Oqotti amuam Kayak Nukka Ɠagattag Oh Ele nai maditte, oqotti okkai amubia.

Aposel 9:7

Nug amegppa amu aawo, danab Saul ele oippig amu, ag nai iitta hippaidna daanna, baagnu oqotti aakkuib dooppig, danab laa ii anidppig.

Revelesen 11:19

Ag anam aeg amu, Kayaknu mettid lag, hab aabppa daatte ele, laa nug od matule, tituanak nainu kunup amu miag atiom. Miag atie amu, amemɗi awewe, hakkaɗ diigppa qeeqe, hakkaɗ qa aɗeɗe ne, mim ne, ais doɗo okkainab ele neum.

Revelesen 14:2

Ag daaegeg, da hab aabppanu oqotti laa, le okkai buɗuɗuppa noawa oqotti otte amubia, amu hakkaɗ okkai qa, aɗeɗe ugakka oqotti otte amubia ele doomi. Oqotti amuam danab harp qeeg, baag oqotti enanag, musik atteb bette, am amu bia doomi.

Revelesen 6:1

Keeke amu oh dimppa da Sipsip Nag nug buk itoɗiak qataqak eblaih aɗit ele amu, Nug digma qataqak ebqak 1 tole anidmi. Tole amu da hab daup waɗele Kayaknu bauklel aotteb ele, ag oolagppanu laippu laa nug hakkaɗ oqotti biappa inam a doomi. “Na do!”

Revelesen 8:5

Te amu, engel nug tappiɗ awa, qaɗabppa aab aɗu ite, ambe, buɗie ukka, wanppa noum. Anam he amu hakkaɗ qa aɗeɗe ne, hakkaɗ diigppa qeeqe, amemɗi awewe, wanppa ele mim neum.