Jon 12:26 - Nobonob Baibel

²⁶ Amu laa nug da waalppa dayaya da oɗel dim lamidkku dayeb amu, nug da dim lamiɗkkuoitte. Am da adeppa daattem amu, dahil maɗi nid nug ele appa daakku. Am laa nug da waalppa dayaya da oɗel dim lamidkku amu, Mame Nug nug binag humakku,” awa aum.

Jon 12:26 ပူးပေါင်းရင်းမြစ်များ

Sam 17:15

Amu da, da genab tutukku hak kobolppa na anidkkul. Haen da niiak abenppanu ahen, na anitten amu, da elelenab dookkul.

Sam 91:15

Na da onilppa eppe amu, da geha ewak nahip nob mekkul. Na uugppa daappe amu, da geha na ele daagnih. Da geha na ehanidppi, na qagaiettakppa ii daamna, da na binan okkai ele medakkul.

Prowerb 27:18

Aun laa nug ad fig dabmetta atognotte, nug ad fig meu lakku; aun nug nuhig okkai dabmedatte, nug binag aokku.

Namba 14:24

Amge dahil maɗi nid Kalep, nug am diig laa; nug oo unuqag eleppa genab da dim lamiɗtte amunu, da geha nug omale, wan nug ukkom eleppa gokkul. Amu nug buɗub ag geha wan amu aon daaglag.

Namba 32:11

Danab ah imu ag meulkad ohppa ele, ag da dim ii lamiɗppig amunu, danab oh ag maɗ 20, o iitta maɗ 20 eɗittak, ag Isipnu uɗippig ele, amu oolagppanu aɗit aakkuib, wan da ag madakkulnu ami ele, amuppa wakkulah. Danab amuam Jepune bekka Kalep, Kenis buɗubppan danab, amu Nan bekka Josua ele; aa aakkuib wan amuppa wakkulah. Auntai laa da wan amunu dahil nai ɠagattag qette, Abraham, Aisak, amu Jakop ele ag, am ag buɗulkad ele madakkulnu ami amu, ag oolagppan laa ag wan amu iinab anidmana. Kalep, Josua ele aa aakkuib wan amuppa tekkulah. Aa wan amuppa tekkulahnu diig am, aa da Yawe, aa da meulah ohppa ele dim lamiɗpiɗ.

Matyu 16:24

Haen amuppa Jesus Nug nuhikkud ippunittak awak danab amelagppa aum. “Laa nug da dim lamiɗkkunu oo dayeb amu, nug nuhig dabmak dim lamidkkunu dab-iinab-mema. Iitta. Nug nuhig ad emaitak mawa, da dim lamiɗaɗ!

Matyu 25:21

Anam a amu nuhig okkai nug aum. ‘Na maɗi nid ena, na oo metta ii uuak kobol dim lamidna, uɗat enanag heme. Na keeke nakok amu dabmettan autna aome amunu da heppi, na keeke kuɗum dilag okkai daanna gumadkkut. Na doppe, da ele oonih gamag ahaɗ!’ awa aum.

Mak 8:34

Anam ana amu, Nug danab ah, amu nuhikkud ippunittak awak danab ele ag onilagppa e uɗieg, Nug amelagppa aum. “Laa nug da dim lamiɗkkunu oo dayeb amu, nug nuhig dabmak dim lamidkkunu dab-iinab-mema. Iitta! Nug nuhig ad emaitak amu mawa, da dim lamiɗaɗ!

Luk 12:37

Am danab okkai nug uɗia, nuhikkud maɗi nid ag ii niippeg anadkku, aria maɗi nid amu, ahilagnu am ena. Da genab ag amelagppa attem. Geha danab okkai nug nukka lamen tutu matagiɗ ele takkowa, nug ab, maɗi nid amu ag balalppa daappeg, nug nukka ag ee madakku.

Luk 6:46

Aɗinu ag dahilnu, ‘O Naɗi, O Naɗi,’ aon atteb, amge ag dahil nai dim ii lamidtteb?

Luk 9:23

Anam ana amu Nug nuhikkud ippunittak awak danab oh amelagppa aum. “Laa nug da dim lamiɗkkunu oo dayeb amu, nug nuhig dabmak dim lamidkkunu dab-iinab-mema, nug nuhig ad emaitak deɗ oh mawa, da dim lamiɗaɗ!

Jon 10:27

Sipsip dahilad amu, ag da baal dootteb. Da ag doyadttem, amu ag da dim lamiɗtteb.

Jon 13:16

Da genabnab genab ag amelagppa attem. Maɗi nid nug okkai nuhig ii eɗidtte. Nai awa ukkak danab nug danab nug me gotte ele, nug nug ii eɗidtte.

Jon 14:15

Am ag dahilnu oolag mauhtte dayeb, ag dahil haknunab anak dim lamadkkulag.

Jon 14:3

Da ukken, ahilag aben babaittoya, ag da daakkulppa da ele daagnignu da eɗuen uɗien, omalatte gokkul.

Jon 15:20

Nai da ag amelagppa ami ele amu daulagppa doaɗ! Nai amuam inam. ‘Maɗi nid nug okkai nuhig ii eɗidtte.’ Amu aun aɗi laa ag da eheɗ heiɗppig amu, ag ag ele eheɗ hattaglag. Aun laa ag dahil nai dim lamidppig ele amu, ag am ahilag nai ele dim lamidkkulag.

Jon 17:24

Mame, danab na da meɗame amu, haen da binag amahlak oppiaawak ele daakkul, haen amuppa ag da ele aben amuppa daagnignu ool daatte. Ag da binag amahlak oppiaawak ele anukka wan ii dayomppa na dahilnu oot mauhom, gemu ele oot mauhtte amunu, na da meɗame amu, ag amu anidkkulagnu ool daatte.

Jon 21:22

Anam a amu Jesus Nug Pita amegppa aum. “Da nug bau anam dayebeb, da eɗue uɗikkulnu ool daatte dayeb amu, amuam nahip keekete? Na daib dim lamiɗe!” awa aum.

Rom 1:1

Da Pol, da Kristus Jesusnu maɗi nid. Nug da totol danab daakkulnu otiɗa amu Kayaknu Nai Ena mehuqkkulnu ele tituaniɗom.

Rom 14:18

Danab laa nug ib amuppa Kristus waappa daya nuhig uɗat hette ele, geha Kayak Nug nuhignu ena dookku; danab ag ele nuhignu am danab ena dooglag.

2 Korint 4:5

Anukka Kayak Nug aum. “Gatatu ooppa amahlak nug amahlaɗ!” awa aum. Kayak anam aum, amu Nug ele he, ig Jesus iɗuppa Kayak binag amahlak oppiaawak ele anidta doottem amunu, ig ikka ihinignu nai ii mehuqttem. Iitta. Ig Kristus Jesus, Nug am Naɗi daatte, anam mehuqtata, Jesusnu nai dim lamidttem, amuppa amu ig ahilag maɗi nid daattemnu ele mehuqttem.

2 Korint 5:8

Amge da ami aakku, ig hab aabppanu beɗunig aognignu dabmak aottem. Ig ii aognignu amu ii dabmettem. Ig wan imuppanu beɗunigppa daagnignu am ena doottem, amge ig beɗunig imu uuidpput, Naɗi ele appanig diigppanab daagnignu amu, ig amunu enanag doottem.

Galesia 1:10

Nai da gemu attem imu amu danab ag dahilnu oolagppa ena dooglagnute attem? Iitta! Da Kayak Nug dahilnu oo ena dookkunu hettem. Da am danab ag oolag ittag qekkunuib hettemte? Am da danab ittag qekkunu hettem dayeblob amu, aria da Kristusnu maɗi nid iitta daalom.

Pilipai 1:23

Da keeke amunu ool aɗit ele daattem. Amu da goppi, Kristus ele daagnih, amuam keeke enanagnab, da amunu ool hette.

Kolosi 3:24

Aɗinu? Ag dootteb, butti aɗi Naɗi Nug nob ena, Nug danab ah nuhikkud, ahilagnu matu babaittom daatte ele amu, Nug ag madakku. Ag am Kristusnu maɗi nid, Nug am ahilag Naɗi daatte.

Kolosi 4:12

Epapras, ahilag nid laa, Kristus Jesusnu maɗi nid, nug ele ag humadtte. Haen oh nug nuhig unuqittak ɠagattagppa nug ag ehanattatta, Nug Kayak heeb, ag Kayaknu dabmaknab awak pehettan doon, anamib ɠagattag daanna, danab kalulag ele daanna, ag dabmak aɗit ele iitta daaglagnu unuqidtte.

2 Pita 1:1

Da Saimon Pita, da am Jesus Kristusnu maɗi nid, amu totol danab ele, da pas imu yaattem. Da ag laa, ag ihinig Kayak, Jesus Kristus, Nug Padal ii maknu ehanittak ihinig daatte amu, Nug genab tutukku hak kobolib dim lamitta he, ag ooppa genab doyak enanag, ihinig bia, ag amu aoppig, da ahilagnu yaattem.

1 Jon 5:3

Ig Kayaknu oonig mauhtte dayeb, ig nuhig haknunab anak dim lamidkkunig. Amuam oo mauhaknu diig aakku. Amu nuhig haknunab anak am uug iitta.

Jut 1:1

Da Jut, da Jesus Kristusnu maɗi nid laa iikku. Da Jems ele i am eamag. Nai imu amu Kayak, ig Mamenig, Nug baekkudppan danab, Nug ag onilagppa eum, ag nuhig oo mauhak ooppa daatteb, Jesus Kristus Nug ag atognoadtte ele amu, da ahilagnu yaattem.

Revelesen 14:4

Danab amu ag ah ele gappai kobolppa ag akka ag dubuttid ii medappig; ag oppiak daatteb. Ag Sipsip Nag aben ohppa gotte amu, ag Nug dim lamidtteb. Amu Kayak Nug danab amu wanppanu danab ah oh oolagppanu hipuninnu qagaiettakppanu eɗua uhuqe, ag ee meu tatam eɗua, ofa Kayak medakkunu daatte, ag amubia ofa Kayak, Sipsip nag ele mataknu daatteb.

1 Samuel 2:30

Amge na anam hettem amunu, Yawe, Israel dilag Kayak, Nug inam atte. ‘Anukka da ag Aron buɗub laa, ag na mamen anukka tiigppan uɗiak, ag haen oh da noolppa dahil ɗo maɗoɗ uɗat hekkulagnu nai qakken ami, amge gemu da nai imu attem. Ag amubia iinab hemana. Aɗinu? Aun aɗi ag da binal tutukku metteb amu, da ag binalag madakkul, amge aun aɗi ag dahilnu keeke hamu bia dootteb amu, da heppi, ag honopnab nokkulag.