Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jon 12:20 - Nobonob Baibel

20 Amu haen amuppa Grik laala ag ele Jerusalem appa Juda danab ah ag hobul amu anidkkulagnu ukkaegeg, ag ele oh Kayak noobppa dup nona binag mekkulagnu goppig.

အခန်းကိုကြည့်ပါ။ ကော်ပီ




Jon 12:20
19 ပူးပေါင်းရင်းမြစ်များ  

Haen amuppa am inam daakku. Jesi buɗub nug geha king daakku. Nug pilak laa, pilak amuam ad elab attan ta ukkak galaeg daatte, nug amubia daakku, amu wanppan huu anen anen ohppan danab ah ag geha nuhigppa uɗin, gumidna dona, nug dooglagnu ba daakku. Nug anam dayebeb, wanppan wan ohppan danab ah ag nug gumidna goppeg, nuhig dayaknu aben am binag amahlak oppiaawak ele daakku.


Ah amu nug am Grik ah. Nug Ponisia wan, Siria gumappig ele, amuppanu ah. Nug Jesus gumitta ukka, Jesus Nug heeb, ouɗi nau nug aɗeg beɗuppa dayom amu lamidkkunu unuqom.


Aria, Pasowanu Hobul bekkunu heehe, deɗ eblaih laippu daye, Jesus Nug tatam danab mauhe maɗettom ele onig Lasarus, nug appagppa Betani ukkom.


Ag goppig amunu ɗo gumak danab-Parasia ag akka akka nai mattin appig. “Ig nuhig ib oo nekkunignu elele iitta. Antteg! Danab ah oh Nug dim lamidtteb,” aon appig.


Anam a amu Juda ag akka akka nai mattinna appig. “Nug adeppa ukkeb, ig Nug ii anidmata? Nug Juda laala Grik wanppa daatteb, ahilagppa ukka Grik danab ippunadkkutai.


Pol, Barnabas ele aa Antiok uuya, ahai Aikoniam goya, uɗat hanhan hepiɗ ele amu, appa ele aa anam hepiɗ. Aa Juda dilag nai doyak lag ooppa noya nai mehuqpiɗ. Aa nai diig elele mehuqeheh, danab ah kuɗumnab, Juda Grik ele, ag oolagppa genab dooppig.


Pol, Silas ele aa Derbe teya amu aa goya, Listra tepiɗ. Aab amuppa Kristen danab laippu laa dayom, nug onig Timoti. Nug Juda ah laa, Jesusnu ooppa genab doyom ele, nug nug bekka, mameg amu Grik danab.


Pol nug Jesus Kristusnu nai mehuqe doona, Juda danab ah laala ag Jesusnu oolagppa genab doon, Pol, Silas ele dim lamatppig. Grik danab kuɗum, ag Kayaknu ebehilkad oh bodoetta le meum ele amu, ag ele Jesusnu oolagppa genab doon, Pol Silas ele dim lamatppig, amu ah okkai kuɗum ele ag ele anam heppig.


Da anam heinne amu, da Juda danab amu Grik danab ele ag oolag eɗueb Kayak dim lamidna, Naɗi Jesusnu ooppa genab dooglagoitte, da nai amu mehuqmi.


“Israel danab, ag ig ehanikkeg! Danab imu nug wan atu ohppan danab ihinig huunu, ihinig ɗonu, amu Kayaknu lag imunu ele am ena iitta ippunadtte. Amuib iitta. Nug Grik danab laala ele diie uɗin, Kayaknu mettid lag nuhig tomppan keeke oh ele imu ooppa nona, ag aben imu oppiaawak ele dubuttid medatteb!” Ag anam anana eppig.


A amu, aria Pilip nug aha ukkom. Amu ibppa nug Itiopia danab laa uɗa teum. Danab amu nug am Itiopia dilag Kwin Kandasi, nuhig ehanittak anuqak danab okkai laa. Nug am danab hipab qak ele. Nug Kandasinu men doɗo oh gumttom. Danab amu nug Kayak noobppa dup noa binag mekkunu Jerusalem ukkom.


Da Jesusnu Nai Enanu amu, da uɗa nak ii doottem. Aɗinu? Nai amuam Kayaknu ɠagattag, amu Kayak Nug amuppa danab aun aɗi ag oolagppa genab dootteb ele, Nug ag eɗua diitte; Juda ag tatam ⌊nai amu⌋ doyegeg, iitta aɗi ag aakku geha dootteb.


Nai amuam ooppa genab doyaknu kobolnu Juda amu iitta aɗi ele ag Naɗinu neekkakppa huu piɗe piɗe daatteb ii ippunigtte. Iitta! Kayak laippuib, Nug am danab oh dilag Naɗi daatte, amunu danab aun aɗi ag Nug onigppa etteb ele, Nug ag itittak ena okkai madatte.


Ag Nai Ena da mehuqttem ele amu, ag amunu eheɗ doon aib akkulagnu baɗami, amge iitta. Ag ena doona, Taitus nug da ele daamuɗ, nug am Grik danab amunu nug am gaɗa otaɗak iitta, amge qagmakppa ag nug gaɗa otaɗak aokkunu ii appig.


Amunu gemu Juda danab, Grik danab ele, begbeg maɗi nid, begbeg maɗi nid iitta ele, danab amu ah ele, ag oh elele eleleib daatteb. Ag oh Jesus Kristusnu daan, laippu daatteb.


Amunu kobol bau amuppa laa nug Juda danab, o Grik danab, o gaɗa otaɗak, o gaɗa ii otaɗak, o Rom danab, o Skitia danab, o begbeg maɗi nid, o begbeg maɗi nid iitta daatte, amu oh am keeke hamu; huu anen anen dayak amubia ii daatte. Iitta. Kristus Nug nukka ag ikkilag daatte, amu Kristus Nug nukka nuhikkud danab iɗu iɗu ohnu oolagppa noum daatte.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ