Jon 12:13 - Nobonob Baibel

¹³ Ag anam doona, ag ad pam eppeg uɗug ele qiialadna, Jesus uɗa tekkulagnu gona eppig. “Ig Kayak onig humatu! Laa nug Naɗi onigppa uɗitte amu, ig Naɗi Nug itidkkunu oonig daatte. Naɗi Nug Israel dilag king itidkkunu oonig daatte!” aon appig.

Jon 12:13 ပူးပေါင်းရင်းမြစ်များ

Aisaia 44:6

Yawe, Nug Israel dilag king, Nug Israel dilag qagaiettakppanu eɗua uhuqaknu ehanittak, Nug Yawe Nukka Ɠagattag Oh Ele, Nug inam atte. “Da hanhan daattem; anuqakppa, batakppa ele da daattem. Kayak laal ii daatte.

Hosea 3:5

Anam amu, amu dimppa amu, Israel danab ah ag eɗun, Yawe, ahilag Kayak, ag Nug, amu ahilag king, Dawit buɗubppanu ele anatna dim lamatkkulagnu mattialatkkulag. Ag geha, gog tak haenppa Yawenu, nuhig itittak enanu ele ebehilag oh bodoetta le mekku.

Lewitikas 23:40

Aria, hobul amu dayaknu haen, deɗ tatam amuppa amu, ag ad meu ena oppig ele amu aonna, ad pam eppeg okkuladnan, ad laala uɗug kuɗum ele eppeg matakkadnan, ad popla ele imuag peh maknu okkulatteg! Anam hewona, ag deɗ eblaih aɗit oh, Yawe, ahilag Kayak, ag Nug noobppa gamalag ahaɗ!

Sepanaia 3:15

Aɗinu ag Israel danab ah ag amu hekkulag? Yawe Nug ag bu aoglagnu nai daatte am heeb, bu awak amu am iitta meeb, ag baula ii aomna. Nug ahilkad kekeɗ lamadkku. Yawe, Nug am Israel dilag king daatte, Nug Israel danab oolagppa daakku amunu, ag Israel, ag baula uug naunab laa ahilagppa tekkunu ii baɗamna; iitta.

Matyu 23:39

Aɗinu? Da ag amelagppa attem. Ag da baula paha ii aniɗmana. Iitta. Ag, ‘Laa nug Naɗi onigppa uɗitte amu, ig Naɗi Nug itidkkunu oonig daatte,’ awona, ag da eɗun aniɗkkulag,” awa aum.

Matyu 27:42

“Nug danab laa ehanattom, amge nug nugakka ehanidkkunu elele iitta. Nug am Israel dilag kingde! Nug ad emaitak uua, honap neeb amu, ig nuhignu oonigppa genab doognig.

Jon 1:49

Jesus anam a amu, Nataniel oɗeppa awa aum. “Ippunittak danab, na am Kayak Bekka, na Israel dilag king,” awa aum.

Jon 12:14

Jesus Nug donki nag laa ⌊nakok okkai meum⌋ antta, Nug amuppa ta dayom. Nug Kayak naippa, nai laa daatte, amubia heum. Nai amuam inam.

Jon 12:15

“O danab ah Sion daatteb, ag aib baɗappig! Antteg! King ahilag Nug ahilagppa aakku uɗitte. Nug donki nag ⌊nakok okkai meum⌋ attan dayaya aakku uɗitte.”

Jon 19:15

Anam a amu Juda ag eppig. “Heppe nug mauhaɗ! Heppe nug mauhaɗ! Ad emaitakppa atule!” aon eppig. Anam eeg am Pailat oɗ mattom. “Ahilag King amu da ad emaitakppa atulkkulnu oolag daattete?” awa aum. Pailat nug anam a amu, mana mettak danab okkai ag inam appig. “Ig king laa iitta; Sisar aakkuib!” aon appig.

Revelesen 15:3

Ag anam daanna, ag Moses, Kayaknu maɗi nid, amu Sipsip Nag, Nug ele edapiɗ amu, ag amu ettanna inam appig. “O Naɗi Kayak Nakka Ɠagattag Oh Ele, nahip hak am onig, ɠagattag ele, danab antta nug enanag doya dabmak kuɗum aotte. Nahip ib am ib tutukku, genab ele. Na wannu king hanhannu.

Revelesen 19:16

Lamen elab nuhigppa amu nug tuɗippa ele onig imu yaak ele dayom. “Nug am king dilag King, amu naɗi dilag Naɗi.”

Revelesen 7:9

Imu oh dimppa da baula neekke, danab ah kuɗum kuɗumnab qagmena daaegeg anadmi. Aun laa nug danab ah amu oh ebaqakkunu elele? Iitta! Elele iitta! Danab ah amu ag wanppan wan ohppanu, huu ohppanu, beɗulag iɗu iɗu ohppanu amu nai ohppanu ele, ag Sipsip Nag amu Kayak, Nug sia king ⌊anuqak,⌋ appa daatte ele, ag aa noolahppa hippaidna daappig. Ag lamen elab hakkab takkaladna, ad pam ebekkud eppelagppa aɗualadna daappig.