Jon 11:55 - Nobonob Baibel

⁵⁵ Ag appa daaegeg, Juda dilag Pasowanu Hobul miag doum amunu, aab laih laihnu danab ah oh Jerusalem appa, ag akka tatam oolag ihan oppiak daappeg, hobul digmekkunu hena gona amu,

Jon 11:55 ပူးပေါင်းရင်းမြစ်များ

Genesis 35:2

Kayak Nug anam a amu, Jakop nug nuhikkud daup amelagppa aum. “Ag laa dilag kayak hambuppuak ahilag oh ig ele daamnanu hena, ag oppiak daaglagnu hena, ag lamen ihak ele takkeg!

Job 1:5

Amu nug bekkod ag anam heegeg ukke ukke, eblaih aɗit ele amu oh ag ag laulkad anen anenppa hobul hena malaeg, Job nug ag Kayak ele ouqa dayaknu elele daaglagnu ag beɗulag oolag ele bappaidkkulagnu nai ahilagppa me ukkom. Job anam he, deɗ amu uue, wagɗe buttua Job nug aha, ahilag anen anennu manaknu ofa hattom. Nug, “Nid dahilad ag Kayak uuidna, hipunin heppigtai,” ana dabmeum amunu, nug anam hettom. Job nug hanhan anamib hettom.

Sam 26:6

O Yawe, da kobol laa dubuttid ele hepanu, da dakka da awaitten oiyeye, da na noomppa dup noin binan mekkulnu da nahip qaɗab gukkuitten gottem.

Eksodas 19:10

Mattia male, Yawe Nug Moses amegppa inam aum. “Na gona heppe, gemu butti ele danab ah imu ag hena, ag dahilnu tituana mettak dayeg! Amu na appe, ag lamen ahilag ihadna,

Namba 9:10

“Na inam Israel danab ah amelagppa appe doyeg!” awa aum. ⌊Nug anam a amu, Moses nug Israel amelagppa aum.⌋ “Haen Yawe aumppa, Pasowanu Hobul dayak deɗ aweb, laa ag oolagppanute, iitta ag buɗulkadte, ag mauhak gaɗa laa aɗappig dayeb, diig amunu ag Kayak ele ouqa dayaknu elele iitta, o iitta, aun laa laih ukka, eɗua ii uɗiom dayeb amu, ag Pasowanu Hobul dayaknu deɗnu Pasowanu Hobul dayak ii hemana. Ag deɗ amuppa Yawenu Pasowanu Hobul dayak ii hemana, amge ag deɗ laa dimppa hekkulag.

Namba 9:6

Amge laala ag Pasowanu Hobul dayaknu deɗ, ag deɗ amuppa Pasowanu Hobul dayak hekkulagnu elele ii daappig. Aɗinu? Ag Kayak ele ouqa dayaknu elele iitta. Amunu diig am, ag mauhak gaɗa laa aɗappig amunu, ag deɗ amuppaib Moses, Aron ele gumatna gona, ag Moses amegppa appig. “Ig mauhak gaɗa laa aɗamut amunu, ig Kayak ele ouqa dayaknu elele iitta. Amge imuam Pasowa haen, am ig haen imuppa Israel laa oh ele Pasowanu doɗ aot, Yawe gumidta wata, Nug mettagnignu ib laa iitai daatte?” aon oɗ medappig.

Matyu 26:1

Jesus nai amu oh mattia malom dimppa Nug nuhikkud ippunittak awak danab amelagppa aum.

Matyu 26:2

“Ag dootteb, deɗ aɗit uueb, Pasowanu Hobulnu ee lanaknu haen ana bekku amu ag Danab Bekkalag da kekeɗ eppelagppa meiɗna, ag ad emaitakppa atuliɗkkulag,” awa aum.

Mak 14:1

Jesus Nug nai amu oh mattia male amu dimppa Pasowa Hobulnu deɗ ii nak, nekkunu deɗ aɗit dayeye, hobul amunu ag Bret Yis Iitta Lanaknu Hobul Nakok ele adappig amu, mana mettak danab okkai, ɗo mehuqak danab ele amu ag lokkumakppa Jesus aɗan, qeppeg mauhkkunu ib madippig.

Luk 22:1

Aria Bret Yis Iitta Lanaknu Hobul Nakok, hobul amu onig laa am Pasowa, amu bekkunu miag dayeye,

Jon 12:1

Aria, Pasowanu Hobul bekkunu heehe, deɗ eblaih laippu daye, Jesus Nug tatam danab mauhe maɗettom ele onig Lasarus, nug appagppa Betani ukkom.

Jon 13:1

Pasowa Hobulnu deɗ ii neum, amu haen miag dayomppa, Jesus Nug doyom, Nug wan imu uua, Mameg toppa gokkunu haen aakku malom. Nug anam doya, Nug nuhikkud, ag wan imuppa daappig amu, Nug ahilagnu oo mauhe, Nug genab anam huanak doyom amu gemu ippuanattom.

Jon 18:28

Matuk gaye amu buttuanab ag Jesus Kaiapas toppanu aona, gawananu lag enanagnabppa goppig, amge ag akka ag gawana laug ooppa ii noppig. Iitta. Ag Pasowanu Hobulnu ee lakkulagnu oolag he, ag oolagppa, “Gawana imu nug Juda iitta, ihinig ɗoppa ig nug laug ooppa gokkunig dayeb, ig Kayak ele ouqa dayaknu elele iitta daagnig. Ig anam daatta amu, ig Pasowanu Hobulnu ee ele lakkunignu elele iitta daagnig amunu, ig lag ooppa ii gomata,” anana, lag ooppa ii goppig.

Jon 2:13

Appa daaegeg ukke, Juda dilag Pasowanu Hobul guguittette, Jesus Nug Jerusalem ukkom.

Jon 2:6

Amu le itaknu hanak menppa hak eblaih laippu ele, Juda ag haen oh ahilag kobolppa amuppa le laaglagnu meeg daappig. Hanak amu anen anen 100 lita anam le inakkunu elele.

Jon 5:1

Keeke amu oh ba male, amu dimppa Juda dilag Pasowanu Hobul laanu haen beum. Be amu Jesus Nug Jerusalem ukkom.

Aposel 21:24

na danab amu diin, Kayaknu mettid lakka gona, na Juda dilag ɗo laa, ɗo amuam danab nug oppiak daakkunu ippunigtte amu, na anam bia daakkutnu na kobol amu oh heppe, ag ele hekkulag. Danab waɗele ag ikkilag uɗug hoiak aoglagnu elele daaglagnu, na ag oppiak daaglagnu uɗatnu nob ⌊ɗo ippunigtte bia⌋, na nob amu mana mettak danab matte! Na anam heppe amu, danab oh ag dooglag, laa ag nahipnu appig, nai amuam genab iitta. Ag dooglag, na ele ɗo dim lamidttem.

Aposel 21:26

Anam amu, wagɗe deɗ amuppa Pol nug danab waɗele amu diie, ag gona, nug kobol oh nug ag ele oppiak daaglagnu heum. Nug amu hewowa, nug Kayaknu mettid lag ooppa noa, mana mettak danab amelagppa deɗ attenppa ag aakku aɗi aɗi kobol hena, oppiak bena malaglagnu deɗ, ag anen anen deɗ amuppa ahilag mana mettaknu doɗ aon dokkulagnu ele aum.

Aposel 24:18

Am da uɗat anam heinne, da Juda dilag kobolppa oppiak dayaknu kobol hein, Kayaknu mettid lag ooppa daaiyi amu ag da aniɗppig. Danab ah kuɗum da ele laa ii daamut, appa ele da hei, danab laala oqottilag laa ele ii heppig. Iitta.

1 Korint 11:28

Danab nug nukka epeɗitta anttowa, aria haen amuppa nug ee, wain amu ele lakku.

Jems 4:8

Ag Kayak gumidna wappeg amu, Nug ele ag gumatta dokku. Danab nug eppeg leppa ihe, dubuttid iitta daatte bia amu, ag hipunin danab ag heppeg, ag ahilag oiyak am dubuttid iitta ele dayaɗ! Ag danab ag dabmak laippu iitta, ag heppeg, ag oolag oppiak dayaɗ!

1 Samuel 16:5

Betlehem ikki danab ag Samuel anam oɗ mettaeg, Samuel amelagppa aum. “Ao, da ool maɗoɗ ele uɗimi. Da doɗ laa mane, Yawe medakkulnu uɗimi amunu, ag Yawenu tituana mettak daaglagnu hena daan, ag da ele mana mettak amuppa gota daagnig,” awa aum. Samuel nug nai amu mattia mala, nug Jesi, bekkod ele ag Kayaknu tituana mettak daaglagnu ha, Samuel nug ag ele mana mettak amuppa daaglagnu oɗ mattom.